Lajme nga vendi
DISKUTIME MBI SFIDAT E TETOVËS NË MBROJTJEN E MJEDISIT
Sot u mbajt forumi “Identifikimi i prioriteteve mjedisore të Komunës së Tetovës”, organizuar nga Shoqata Multikultura në kuadër të projektit “Forcimi i qeverisjes lokale për tranzicionin e gjelbër – Themelimi i një Departamenti për Mjedis dhe Energji në Tetovë”, në bashkëpunim me Komunën e Tetovës.
Forumi mblodhi përfaqësues institucionalë, ekspertë të fushës së mjedisit, organizata dhe qytetarë, me qëllim identifikimin e sfidave kryesore mjedisore dhe diskutimin e zgjidhjeve konkrete për Tetovën.
Të pranishëm në forum ishin Kryetari i Komunës së Tetovës, Bilall Kasami, Ministri i Mjedisit Jetësor dhe Planifikimit Hapësinor, Muamed Hoxha, Kryetari i Komunës së Tearcës, DautMemishi, si dhe ekspertë të fushës së vetëqeverisjes lokale dhe mjedisit.
ARLINDA ILJAZI – MULTIKULTURA
Gjatë diskutimeve u theksuan sfidat kryesore me të cilat përballet Tetova, përfshirë ndotjen e ajrit, menaxhimin e mbeturinave, mungesën e hapësirave të gjelbra dhe nevojën për koordinim më të mirë institucional.
Një nga pikat kyçe të forumit ishte nevoja për themelimin e një sektori të veçantë për mjedis dhe energjetikë brenda Komunës së Tetovës, si hap i rëndësishëm drejt një qasjeje më të strukturuar, profesionale dhe të qëndrueshme në trajtimin e çështjeve mjedisore dhe tranzicionit energjetik.
Ekspertët pjesëmarrës ndanë rekomandime konkrete për forcimin e kapaciteteve komunale dhe zhvillimin e sistemeve rajonale për menaxhimin e mbeturinave, ndërsa pjesëmarrësit kontribuan me ide dhe propozime për prioritetet mjedisore në Tetovë.
Organizatorët theksuan se inputet dhe rekomandimet e dala nga forumi do të shërbejnë si bazë për aktivitetet dhe politikat e ardhshme në kuadër të projektit, me qëllim përmirësimin e menaxhimit mjedisor dhe avancimin e tranzicionit të gjelbër në nivel lokal./Tv Koha/
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
