Lajme nga vendi
Sistemi “Safe City” ka mbërritur edhe në Strugë dhe Ohër
Sezoni turistik do të nisë me gjoba për shoferët e pakujdesshëm. Ka filluar vendosja e rreth 40 kamerave në Ohër dhe Strugë, në lokacionet më kritike. Në Strugë ato do t’i regjistrojnë shkelësit e rregullave të trafikut në zonën qendrore të qytetit, në drejtim të pikës kufitare Qafë Thanë dhe Dibër, si dhe në segmentin drejt Kalishtës dhe Ohrit. Struganët kanë mendime të ndara.
“Duhet, sepse ka shumë probleme dhe prandaj është e domosdoshme të nisë në Maqedoni. Tani nuk i respektojnë shenjat, nuk i respektojnë rregullat e trafikut”, tha një banor i Strugës.
“Mendoj se zgjidhja është e mirë, por edhe më mirë do të ishte nëse zbatohet në të gjithë shtetin. Kështu të gjithë do të ndiheshim të barabartë”, tha një banor tjetër i Strugës.
“Nuk duhen kamera; së pari duhet të ndryshojë vetëdija e njeriut. Kamerat janë vetëm për t’i marrë para popullit. Unë jam kundër. Ai që ka, do të paguajë”, u shpreh banori i Strugës.
Në Ohër, kamerat do të vendosen në zonën qendrore të qytetit, në rrethrrotullimet në hyrje dhe dalje të qytetit dhe në drejtim të Manastirit, Podmollës, në drejtim të aeroportit, drejt plazheve dhe Shën Naumit.
“Kam përvojë personale, para pak kohësh, në Gjermani. Kam një foto më të mirë se në letërnjoftim dhe me të drejtë. Dhjetë kilometra më shumë në autostradë dhe më erdhi 150 euro në shtëpi këtu. Në Shkup për herë të parë u ndjeva i sigurt dhe vozita me kënaqësi pas ‘Safe City’”, tha një banor i Ohrit.
“Mendoj se do të kontribuojë në disiplinën e popullit, sepse Ohri është një qytet jashtëzakonisht i bukur me bukuri evropiane dhe botërore, por qytetarët janë në një nivel më të ulët në të menduar dhe duhet të ketë masa ndihmëse që të vetëpërmbahen”, tha një tjetër banor i Ohrit.
“Duhej të ishte bërë pak më herët kjo. Kjo është vërtet çmenduri nga individë të caktuar. Është vërtet një hap i mirë”, u shpreh banori i Ohrit.
Kamera janë vendosur edhe në drejtimin Ohër–Kërçovë, duke përfshirë zonat e fshatrave Gorenci, Trebenishtë, Botun dhe Novo Sellë. Nga policia në Ohër thonë se deri në aktivizimin e plotë të sistemit, kontrollet do të vazhdojnë me intensitet të shtuar përmes kamerave mobile, me qëllim rritjen e sigurisë./Alsat.mk.
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
