Kryetari i Kuvendit të Maqedonisë së Veriut, Afrim Gashi, dje në Lujanë të Sllovenisë foli në një forum për rëndësinë e anëtarësimit të vendeve të Ballkanit Perëndimor në Bashkimin Evropian.

“Në adresimin tim theksova se integrimi europian i rajonit tonë është një domosdoshmëri strategjike për sigurinë dhe stabilitetin e Europës,” tha Gashi përmes Facebook të tij lidhur me paraqitjen e tij në forumin e organizuar nga OJQ Nizami Ganjavi International Center e Azerbaijanit.

“Nënvizova rrugëtimin e vendit tonë drejt BE-së, përfshirë kompromiset e vështira dhe angazhimin e vazhdueshëm për reforma, si dëshmi e qartë e orientimit tonë euroatlantik. U shpreha I bindur se zgjerimi, është një kontratë besimi që kërkon përgjegjësi dhe guxim nga të dyja palët dhe se Ballkani Perëndimor nuk është një periferi që duhet lënë në pritje, por është një pjesë e Europës që kërkon të plotësojë vetveten,” shkruajti kryetari i kuvendit.

Deputeti i LSDM-së dhe koordinatori i grupit parlamentar, Oliver Spasovski, në intervistën për “Tema e Ditës” në Sitel TV, deklaroi se ndryshimet ligjore për shtetësitë e dyfishta duhet të vlejnë menjëherë për të gjithë funksionarët e zgjedhur dhe të emëruar.

“Ne e mbështetëm atë zgjidhje ligjore, por thamë se duhet të vlejë edhe për këtë përbërje parlamentare, nga njëra anë, dhe nga ana tjetër, kemi dorëzuar një ligj të ri sipas të cilit, përveç deputetëve dhe ministrave të Qeverisë, do të duhet të dëshmojnë se kanë vetëm një shtetësi, ose ai që ka më shumë shtetësi të mos mund të jetë pjesë e pushtetit ekzekutiv”, theksoi Spasovski.

Ai theksoi se sot në Kuvend, deputetët e VMRO-së kanë gabuar edhe komisionin përkatës.

“Sot u gabua se cila komision do të jetë, nëse do të jetë ajo apo ndonjë tjetër dhe kështu me radhë. Të shohim nëse më në fund do të mësojnë se cila komision është kompetente dhe të kalojë lirshëm në procedurë parlamentare”, shtoi Spasovski.

Sipas tij, pushteti po demonstron mungesë të plotë konsistence dhe ndryshim qëndrimesh nga dita në ditë, gjë që tregon se po manipulon opinionin publik.

Advertisement

“Grupi parlamentar i OBRM-PDUKM-së dorëzon një ligj të tillë, kryeministri po atë ditë thotë: ‘U nxitua, duhet konsultim me ekspertë juridikë’. Presidentja thotë se është e nevojshme, pastaj edhe kryeministri thotë ‘po, ashtu është’. Kjo tregon se kjo qeveri shpesh i ndryshon qëndrimet. Sot një gjë, për dy orë diçka tjetër. Mendoj se, duke nisur nga populizmi i lirë dhe patriotizmi i rremë, po vijmë në këto situata”, theksoi Spasovski.

Ai përsëriti qëndrimin e LSDM-së se është kundër shfuqizimit të qeverisë teknike.

“Gjuha shqipe, me Kushtetutë, me Marrëveshje të Ohrit, dhe me ligjin e gjuhëve, është gjuhë e barabartë dhe zyrtare në Maqedoninë e Veriut”, kështu deklaroi nënkryetari i BDI-së Bujar Osmani në emisionin Click Plus në TV21.

Mes tjerash Osmani tha se Maqedonia e Veriut është shtet bilingual.

Bujar Osmani: “Maqedonia e Veriut është shtet dygjuhësh dhe këtë ne duhat ta ruajm si diçka më të rëndësishme”.

TV21: A do të kërkoni heqjen e 20% nga Kushtetuta?

Bujar Osmani: Çështja e termit 20% është çështje etikete, nuk ka të bëjë me përmbajtje. VMRO-DPMNE është e gatshme ta heqë etiketën ta vendos gjuhën shqipe përderisa si përmbajtje është gjuhë sekondare. Për ne është me rëndësi jo etiketa, është me rëndësi a është e barabartë a jo. Në 2001 kompromisi ashtu ka qenë që të kalon më kollaj te komuniteti maqedonas për shkak se ka qenë luftë, te etiketa është vendosur 20%, mirëpo te përmbajtja është bërë gjuhë e barabartë. Me ligjin e gjuhës edhe etiketa është hequr. Nëse e lexoni nenin e parë të ligjit të gjuhës thotë – gjuhën që e flasin më shumë se 20% e qytetarëve në kllapa gjuha shqipe – u kry muhabeti aty.

Advertisement