Lajme nga vendi
MAGJIA E KF SHKËNDIJA: KUR KREATIVITETI KTHEHET NË NDJENJË!
Nëse hyni në faqen zyrtare të KF Shkëndija në Facebook, do të gjeni një laramani informacionesh lidhur me aktivitetet sportive të klubit, trajnimet, ndeshjet, press-konferenca dhe të ngjashme.
Por, ekipi që qëndron pas publikimeve në rrjetet sociale, ka ngritur nivelin e postimeve dhe ka vënë në plan të parë kreativitetin.
Në këtë faqe gjeni lloj-lloj postimesh, reels-a, video të shkurtëra, fotografi, por edhe shumë kreativitet me imagjinatë të theksuar.
Por, kush qëndron pas këtij kreativiteti?
I ftuar në emisionin “Pas Dite” në Tv Koha, Fadil Jonuzi, thotë se e gjithë kjo punë ka një strukturë dhe një ekip që punon pandërprerë.
FADIL JONUZI – Mediat sociale KF Shkëndija
“Ka strukturë. Duhet t`i bësh detyrat e shtëpisë. Ka postime informative, në faqen zyrtare dhe rrjetet sociale, por ka edhe emocionale, të momentit, që ndoshta ndonjëherë nuk i kapi unë, i kapin të tjerët për t`i postuar. Nëse këtë e bëjmë, më pas ide ka plot, vetëm se duhet ta gjesh momentin e mirë”
Fadil Jonuzi thotë se mundohen që t`i ndjekin trended botërore. Ndonjëherë ide japin edhe vet futbollistët, ndonjëherë marrin shembuj edhe nga klubet e mëdha të botës.
“Është si bashkëpunim midis nesh. Ndonjëherë edhe lojtarët të japin ndonjë ide. E ka pa ndonjë klub apo dikundi dhe tani është koha e trendeve, jashtëzakonisht e kam ndjekur, ka patur trende interesante, jo vetëm klubet por edhe Instagrami vet jep formate cfarë duhet. Viti 2025/2026 ka qenë vit i trendeve. Kur i ndjek trended, e bën punën tepër mirë”
Në faqet nëpër rrjetet sociale nga KF Shkëndija nuk harrojnë edhe Ditët Botërore apo festat fetare e shumë postime tjera që bëhen, me qëllim që tifozët dhe dashamirët e Shkëndisë të jenë sa më të informuar por njëkohësisht edhe të frymëzuar.
Mbase për shkak se Shkëndija nuk është vetëm një klub I zemrës. Është frymëzimi për gjithçka, është ndjenja e krenarisë që secili shqiptar e bart me vete.
Të gjithë këtë mozaik, djemtë që qëndrojnë pas rrjeteve sociale e kanë ngritur në një nivel të lartë dhe me standarde botërore.
Neve na mbetet vetëm t`i shijojmë këto informacione e frymëzime./Tv Koha/
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
