Lajme nga vendi
RINIA FLET HAPUR: MUNGESA E PERSPEKTIVËS PO I SHTYN JASHTË VENDIT!
Nxënësit e shkollave të mesme, studentët, por edhe të rinjtë vazhdojnë të kenë dilema nëse për karrierën e tyre Maqedonia e Veriut ofron kushte të volitshme.
Gjatë aktivitetit UNIART në Universitetin e Evropës Juglindore, Tv Koha, pyeti të rinjtë se çfarë ju pengon më së shumti në Maqedoninë e Veriut. Përgjigjet e tyre lënë shumë për të dëshiruar.
“Në Maqedoni ne që jetojmë veçanërisht ne shqiptarët kemi pengesa të shumta në zhvillimin tonë për arsim. Kemi shumë pak përkrahje nga shteti”
“Në Maqedoni nuk ka shumë mundësi për zhvillimin e karrierës sonë, mirëpo UEJL na ofron këtë mundësi sepse kemi bashkëpunime brenda dhe jashtë vendit”
“Mua personalisht më pengon padrejtësia që bëhet, ne po përpiqemi që ta ndryshojmë këtë. Në këtë vend mund të mbajmë aktivitete të ndryshme dhe të përpiqemi që të ndryshojmë mentalitetin e popullatës”
“Më pengon padresjtësia që po bëhet, veçanërisht nëpër shkollat e mesme dhe me pranimet e nxënësve në shkollimin e lartë. Kjo duhet të ndryshohet dhe mendoj se kjo është arsyeja që shumë nxënës të mirë që kemi, me ide të mira, është arsyeja që largohen nga vendi”
Perspektiva e tyre mbetet pezull midis qëndrimit në Maqedoninë e Veriut dhe largimit për në vendet perëndimore. Kanë mendime të ndara në këtë çështje, por duket se dominon kërkesa për një jetë më të mirë dhe me më shumë kushte avancimi.
“Më shumë ne të rinjtë e preferojmë që të studiojmë jashtë. Perspektiva jonë është që të dalim jashtë shtetit”
“Personalisht perspektivën time e shoh brenda vendit, sepse sa do ne që të mundohemi e të themi se jashtë vendit kemi mundësi më të mira, përsëri në vendin tonë mund të japim kontribut më të madh”
“Perspektiva ime është në këtë vend, për shkak se unë shoh që mund të ketë ndryshime dhe për këtë shkak unë do të kontribuoj dhe do ta jap maksimumin për ndryshime”
“Personalisht, nëse plotësohen dëshirat e mia, perspektiva do të doja të ishte në vend, mirëpo për shkak se shoh shumë kushte të parealizuara për karrierën time të ardhshme, me shumë mundësi jashtë vendit”
“Largimi i trurit” që moti nuk është vetëm statistikë – është një realitet që për çdo ditë po zbraz vendin dhe rajonin. Derisa me mijëra të rinj largohen në kërkim të kushteve më të mira të jetës dhe punës, vendet përballen me dilemën nëse kjo mund të shndërrohet në proces të dyanshëm në vend të rrugës “qorre”.
Por, shifrat japin sinjale alarmuese! Sipas një ankete të Barometrit Ballkanik, që zbatohet për çdo vit, 68% e të rinjve nga vendet e rajonit të Ballkanit duan që të largohen, kurse vetëm 29% dëshirojnë të mbeten./Tv Koha/
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
