Lajme nga vendi
EMRAT E RRUGËVE – BDI KËRKON SEANCË URGJENTE, KOMUNA ME KUNDËRAKUZA
Vendimi i djeshëm i Gjykatës Kushtetuese për kthimin e 11 emrave të vjetër të rrugëve, që u ndryshuan në Këshillin Komunal në vitin 2007, ka përplasur sot BDI-në opozitare me Komunën e Tetovës. Këshilltarët e BDI-së sot në kanë dorëzuar një kërkesë me të cilën kërkojnë që të mbahet një seancë e jashtëzakonshme e Këshillit Komunal, ku kërkojnë që edhe një herë të votohen emrat e rrugëve.
BERAT MURATI – Këshilltar i BDI-së:
“Në vitin 2006, Bashkimi Demokratik për Integrim e miratoi këtë vendim me votimin e të gjithë këshilltarëve, të të gjitha etnive, me marrëveshje të plotë politike dhe med votim sipas parimit të Badenterit. Sot kërkojmë që ky vendim të ri-miratohet menjëherë, duke pasur parasysh se, sipas regjistrimit të fundit, për këtë çështje nuk kërkohet më votim i dyfishtë me Badenter në Këshillin e Komunës së Tetovës. Tetova nuk guxon të kthehet prapa. Tetova duhet dhe do ta mbrojë historinë, dinjitetin dhe realitetin e saj.”
Nga ana tjetër, zëvendëskryetari i Komunës së Tetovës, Albi Qamili, i cili njëherësh është edhe kryetar i komisionit për ndryshimin e emrave në Tetovë, thotë se BDI edhe një herë ka lënë punë gjysmake, pasi ndryshimet e vitit 2007 nuk kanë kaluar në seancë qeveritare. Ndërkaq, ai premton se deri në fund të vitit do të ndryshohen të gjithë emrat e rrugëve në Tetovë.
ALBI QAMILI – zv.Kryetar i Komunës së Tetovës
“Edhe ky vendim i 2007-ës, si gjithë vendimet e tjera të qeverisjeve të kaluara, është lënë gjysmë pa marrë pëlqim nga qeveria dhe as kadastra, as regjistri qendror nuk i ka regjistruar këto emra në sistem. Prandaj, ne po punojmë intensivisht. Jemi në fazën finale të procesit për emërtimin e rrugëve. Kemi pasur propozime, kemi propozimet e marra nga gjithë qytetarët nëpërmjet arkivit të komunës. Janë diku mbi 600 propozime të reja për emrat e rrugëve dhe jemi duke punuar me listën e propozimeve, që së shpejti të kemi edhe një version final se si do t’i kenë emrat rrugët në Tetovë.”
Ndërkaq, me një komunikatë ka reaguar edhe Lidhja e Luftëtarëve të Luftës Nacionalçlirimtare dhe Antifashiste e Maqedonisë, e cila ishte edhe iniciatore e lëndës në Gjykatën Kushtetuese. Sipas tyre, ky vendim nuk duhet të interpretohet si vendim kundër shqiptarëve dhe dënojnë ashpër reagimet politike. Në bazë të vendimit të vitit 2007 të Këshillit Komunal në Tetovë janë ndryshuar 11 emra të rrugëve, ku mes tyre edhe emra të ish-sistemit ku janë vendosur emra maqedonas, si rruga “Boris Kidriç” që u emërua “Metodi Andonov Çento”. Ndërkohë, në Tetovë Komuna tash e dy vite ka ngritur një iniciativë për ndryshimin e emrave të rrugëve, por që akoma, përveç një komisioni, nuk ka asnjë veprim konkret në terren.
Lajme nga vendi
Komuna e Tetovës ndan nga 100 euro vauçer për filloristët: Zbardhen datat dhe procedurat e aplikimit
Komuna e Tetovës ka njoftuar zyrtarisht prindërit se së shpejti do të hapet procesi i aplikimit për përfitimin e vauçerëve për nxënësit e regjistruar në klasën e parë. Lajmin e ka bërë të ditur kryetari i komunës, Bilall Kasami, përmes një njoftimi zyrtar.
Sipas detajeve të publikuara në image.png, procesi i aplikimit do të jetë i hapur nga data 23 qershor deri më 10 korrik 2026.
Kush ka të drejtë aplikimi?
Të drejtë për të përfituar nga kjo mbështetje kanë:
Të gjithë nxënësit që janë regjistruar në klasën e parë deri më datën 22 qershor 2026.
Si të aplikoni dhe ku dorëzohen dokumentet?
Për t’u bërë pjesë e këtij programi mbështetës, prindërit duhet të ndjekin këto hapa:
Marrja e formularit: Formulari i aplikimit mund të merret fizikisht pranë Sektorit për Veprimtari Publike në Komunën e Tetovës ose mund të shkarkohet online nga faqja zyrtare e komunës.
Dorëzimi i dokumenteve: Të gjitha dokumentet e nevojshme për aplikim duhet të dorëzohen të kompletuara pranë të njëjtit sektor, respektivisht në Sektorin për Veprimtari Publike në Komunën e Tetovës.
Ky hap vjen si një masë lehtësuese për familjet tetovare që përgatisin fëmijët e tyre për të nisur ciklin fillor në vitin e ri shkollor.
Angazhimi kuptimplotë i grave në politikë, vendimmarrje dhe jetën publike është një çështje që nuk i prek vetëm gratë, por të gjithë shoqërinë. Kjo ishte tema e diskutumit që u zhvillua sot në hapësirat e Komunës së Tetovë nën organizim të institutit për lidership dhe ambasadës gjermane në Maqedoni të Veriut. Në këtë dialog të hapur u ndanë përvoja, ide dhe propozime për një shoqëri më gjithëpërfshirëse dhe më të barabartë.
Pranvera Kasami nga Instituti për Lidership tha se gratë në Maqedoni të Veriut ende nuk e kanë arritur nivelin e duhur në përfaqësim dhe vendimmarrje. Kasami madje shtoi se interesimi i tyre nuk është vetëm në kuanitet po numra por më shumë në cilësi dhe vendimmarje të vërtetë.
PRANVERA KASAMI – Instituti për lidership
“Demokracia nuk matet vetëm me praninë e qytetarëve në proces pubike por me fuqinë e tyre për të ndikur në vendimet që prekin jetën e përdritshme” kështu deklaroi kreu i Komunës së Tetovës Bilall Kasami gjatë këtij debati. Kasami tha se gratë nuk duhet të shihen vetëm si numër përfaqësues por që të njëjtat duhet të kenë mundësitë dhe të drejtat e barabarta në vendimmarrje. Kasami me plot mburje tha se gjysmat e drejtorëve në institucionet arsimore në Tetovë udhëhiqen nga gjinia femërore.
BILALL KASAMI – Kryetar Komune
Edhe pse gratë në Maqedoninë e Veriut kanë shënuar përparim në përfaqësimin politik, pjesëmarrja e tyre në vendimmarrje mbetet ende e pamjaftueshme. Aktualisht, gratë përbëjnë rreth 39% të deputetëve në Kuvend, ndërsa në Qeveri zënë vetëm 12.5% të posteve ministrore. Në nivel lokal, vetëm 2 nga 81 komuna drejtohen nga gra. Këto të dhëna tregojnë se sfida nuk është vetëm rritja e numrit të grave në institucione, por edhe fuqizimi i rolit të tyre në proceset vendimmarrëse. Një shoqëri më e barabartë dhe më demokratike kërkon pjesëmarrje të plotë dhe ndikim real të grave në të gjitha nivelet e pushtetit.
Ministri i Punëve të Brendshme, Pançe Toshkovski, tha se vetëm gjatë periudhës janar-maj, dhuna në familje është rritur për 67 për qind duke regjistruar 768 vepra penale në krahasim me vitin e kaluar që ishin regjistruar 460. Toshkovski tha se vetëm në dy javët e para të qershorit janë regjistruar edhe 89 vepra të reja penale të dhunës në familje.
Duke iu referuar gjendjes së dhunës mes bashkëmoshatarëve, ministri informoi se këtë vit janë regjistruar 93 incidente në 64 shkolla, që paraqet rritje krahasuar me vitin e kaluar
“Veçanërisht shqetësues është fakti se dhuna ndaj fëmijëve është dyfishuar më shumë, ndërsa vepra penale e përdhunimit të fëmijës nën moshën 15-vjeçare është regjistruar gjashtë herë, krahasuar me vetëm një rast në periudhën e vitit të kaluar. Këto janë të dhëna që nuk guxojnë të mbeten pa reagim”, theksoi Toshkovski.
Ministri tha se gjatë këtij viti janë paraqitur 601 kallëzime penale, ndërsa masa të ndjekjes penale janë ndërmarrë ndaj 609 personave.
Komuna e Tetovës ndan nga 100 euro vauçer për filloristët: Zbardhen datat dhe procedurat e aplikimit
ZËRI I GRAVE NË VENDIMMARRJE, ENDE LARG FUQISË SË PLOTË
Kryepolici Toshkovski: Dhuna në familje është rritur për 67 për qind
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
