Sport
BOTËRORI 2026: FITOJNË MEKSIKA, KANADAJA DHE ZVICRA
Në katër ndeshjet e Grupit A dhe B në raundin e dytë të Botërorit 2026, që janë zhvilluar mbrëmë dhe në orët e hershme të mëngjesit, Çekia barazoi me Afrikën e Jugut, Zvicra dhe Kanada regjistruan fitore të thella, ndërsa Meksika regjistroi fitoren e dytë dhe siguroi kualifikim në fazën e eliminimit.
Në ditën e tetë të KampionatitBotërorë të futbollit Meksika bëhet kombëtarja e parë që ka siguruar kualifikim në fazën e eliminimit direkt.
Për herë të tretë në Kupën e Botës, ata ishin më të mirë se Koreja e Jugut 1:0 kështu që me gjashtë pikë mbetën në vendin e parë në Grupin “A” me një vizë të çertifikuar për raundin e 16-të të finales.
Në ndeshjen tjetër të Grupit A, Çekia dhe Afrika e Jugut kanë ndarë pikët në ndeshjen e dytë të fazës së grupeve të Botërorit, e cila u mbyll në barazim 1-1.
Çekët e nisën sfidën në mënyrën më të mirë të mundshme, duke kaluar në avantazh që në minutën e 5-të dhe ishte në epërsi deri në minutat e fundit të lojës kur Afrika e Jugut barazoi shifrat në 1-1.
Në Grupin B, Kanada shënoi fitore të thellë 6-0 në përballjen me Katarin, por u përball me një moment të rëndë gjatë ndeshjes së Botërorit kundër Katarit, pasi mesfushori Koné pësoi një dëmtim të frikshëm që tronditi lojtarët në fushë dhe tifozët në stadiumin e Vankuverit.
Pamjet e incidentit ishin aq të rënda sa lojtarët e të dy skuadrave u mblodhën menjëherë rreth tij për ta mbrojtur nga shikimet e publikut, ndërsa në stadium ra një heshtje e plotë.
Zvicra dhe Bosnjë-Hercegovina u përballën mes tyre në një sfidë shumë të rëndësishme për Grupin B. Pavarësisht rezistencës së boshnjakëve, Zvicra shënoi në minutën e 74-të, por për Bosnjën çdo gjë përfundoi në momentin kur Muharemoviq u ndëshkua me karton të kuq gjë të cilën e shfrytëzuan zviceranët duke shënuar edhe tre gola të tjerë ndërsa një gola nga penaltia në sekondat e fundit realizoi Granit Xhaka. Bosnja maksimumin që mundi të bëjë ishte goli i nderit që e realizoi Mahmiq.
Deri më sot janë zhvilluar 28 ndeshje dhe janë shënuar 89 gola dhe 6 kartonë të kuq. Meksika me dy fitore bëhet kombëtarja e parë që zyrtarisht ka siguruar kualifikim në fazën e eliminimit direkt.
Nesër në program janë pesë ndeshje të raundit të dytë ku takohen; Skocia – Maroku, Brazili – Haiti, Turqia – Paraguai, Holanda – Suedia dhe Gjermania – Bregu i Fildishtë.
KF Shkëndija sot ka prezantuar përforcimin më të ri në ekipin kuqezi. Bëhet fjalë për mbrojtësin e majtë Bojan Dimoski, i cili është përforcimi më i ri i skuadrës në këtë afat kalimtar.
Bojan Dimovski është një futbollist polivalent në repartin defensivë. Edhe pse pozita e tij natyrale është mbrojtës i majtë, ai mbulon me mjaft sukses edhe pozita të tjera si mbrojtës i djathtë, mesfushor defensivë dhe anësor, duke u varur nga vendosja taktike e skuadrës.
Përkundër moshës së tij të re, Dimovski sjell një përvojë të konsiderueshme ndërkombëtare, duke numëruar edhe 21 paraqitje me përfaqësuesen A të Maqedonisë së Veriut.
Dimovski është u shpreh i kënaqur që bëhet pjesë e kuqezinjve
‘’ Nënshkruaj për Shkëndijën, jam i lumtur që jam këtu , vijë në skuadrën me ambicie të mëdha dhe pritshmëri të mëdha. Këtë e bëjë për të ndihmuar veten time dhe të ndihmoj Shkëndijën për momentin pasi mendoj se me përvojën që kam nga jashtë mund të ndihmoj shumë ekipit dhe Shkëndijës, si në Europë ashtu edhe në Kampionat’’ deklaroi futbollisti Bojan Dimovski
Bojan Dimovski para se të kalonte jashtë vendit, ai është aktivizuar me skuadrën e AP Brera, ndërsa më pas karrierën e ka vazhduar në futbollin rus me ekipin Akron Tolyatti, prej ku luajti si huazim në Serbi me Partizanin e Beogradit dhe FK TSC Bačka Topola.
Testin e parë kuqezinjtë do ta luajnë sot ndaj skuadrës sllovene FC Koper, me fillim në ora 18:30 në Kodeljevo, në afërsi të Lubjanës.
KF Shkëndija sot nis serinë e katër ndeshjeve kontrolluese në kuadër të fazës përgatitore që po zhvillohet në Slloveni. Testin e parë kuqezinjtë do ta luajnë sot ndaj skuadrës sllovene FC Koper, me fillim në ora 18:30 në Kodeljevo, në afërsi të Lubjanës.
Kjo njëkohësisht do të jetë ndeshja e parë e Shkëndijës nën drejtimin e trajnerit të ri, Artim Pollozhani, i cili do të ketë mundësinë e parë për të parë skuadrën në aksion përballë një kundërshtari cilësor.
Ashtu si Shkëndija, edhe Koperi do të jetë pjesëmarrës në garat europiane këtë verë, duke nisur rrugëtimin nga raundi i dytë kualifikues i UEFA Conference League. Klubi slloven në historinë e tij ka fituar një titull kampion (2010) dhe katër trofe të Kupës së Sllovenisë.
Këto sfida paraqesin një provë të rëndësishme për skuadrën tonë në prag të ndeshjeve kualifikuese të UEFA Conference League.
Lajme nga vendi
FFM REAGON PAS ARRESTIMIT TË ILÇO GJORGJIOSKIT – DËMI KAP SHIFRËN E 2.5 MILION EUROVE!
Federata e Futbollit të Maqedonisë ka lëshuar një deklaratë zyrtare pas arrestimit të një ish-presidenti tjetër të këtij institucioni. Sot, u publikuan informacione rreth arrestimit të Ilço Gjorgjioskit për keqpërdorime financiare gjatë kohës që ai ishte në krye të federatës.
Ndërkohë FFM ka shprehur qëndrimin e saj mbi këtë temë. Ata nuk përmendën emra, por theksuan se tashmë kanë dorëzuar dokumentacion zyrtar tek autoritetet kompetente për shkeljet nga viti 2015 deri në vitin 2019.
“Lidhur me rastin që Federata e Futbollit të Maqedonisë ia raportoi Prokurorisë Themelore Publike për ndjekjen penale të krimit të organizuar dhe korrupsionit në vitin 2019, ju informojmë se pas kallëzimit të paraqitur, Drejtoria e Policisë Financiare kreu hetim, pas së cilës në vitin 2020 u paraqit një kallëzim penal përkatës në prokurorinë kompetente.”
“Sipas dokumentacionit të paraqitur në institucionet kompetente, dëmi total që i është shkaktuar Federatës së Futbollit të Maqedonisë në periudhën nga janari i vitit 2015 deri në fund të vitit 2019 kap shifrën prej më shumë se 2.5 milionë euro.”
“Në periudhën e kaluar, FFM nuk pati asnjë reagim mbi rrjedhën e procedurës dhe veprimet e mundshme të ndërmarra në këtë rast. Në fund të vitit 2025, Federatës iu kërkua të siguronte dokumentacion shtesë, i cili iu dorëzua plotësisht prokurorisë kompetente në fillim të vitit 2026. Në të njëjtën kohë, u dërgua përsëri një letër zyrtare që tregonte shumën e dëmit të përcaktuar dhe u dhanë informacione relevante shtesë.”
“Federata e Futbollit të Maqedonisë do të vazhdojë të bashkëpunojë plotësisht me të gjitha institucionet shtetërore kompetente në procedurat që lidhen me paligjshmërinë e mundshme dhe mbrojtjen e interesave të Federatës”, – është qëndrimi i FFM-së.
Gjatë periudhës së lartpërmendur, në krye të federatës ishin dy presidentë, fillimisht ishte Gjorgjioski që luante rolin e presidentit deri në vitin 2018-të, që më pas të pasohet nga Muhamed Sejdini, i cili gjithashtu u arrestua muaj më parë.
KUR DREJTËSIA MATET ME VLERËN E HIPOTEKËS DHE JO ME PESHËN E AKUZAVE
BOJAN DIMOVSKI PËRFORCIMI I RI I KF SHKËNDIJA
QEVERIA: RIFORMATIMI QEVERITAR NË FAZËN FILLESTARE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
