Dhuna në familje shënon rritje të ndjeshme në rajonin e Tetovës. Për më pak se gjashtë muaj, në Prokurorinë e Tetovës janë evidentuar 38 raste të kësaj natyre, ku në ditë të caktuara regjistrohen edhe nga disa denoncime. Në shumicën e rasteve, janë vetë viktimat ato që e raportojnë dhunën, por nuk mungojnë as dëshmitarët apo personat e afërt.

 Dhuna në familje shënon rritje në rajonin e Tetovës.

Për më pak se gjashtë muaj, në Prokurorinë e Tetovës janë evidentuar 38 raste të kësaj natyre.

Në shumicën e rasteve, denoncuesit janë vetë viktimat, por nuk kanë munguar as dëshmitarët apo personat e tjerë që kanë parë dhunën dhe e kanë raportuar atë.

PROKURORIA THEMELORE TETOVË

Advertisement

“Për më pak se gjashtë muaj, që nga fillimi i këtij viti, në Prokurorinë Themelore Publike në Tetovë janë pranuar kallëzime penale kundër gjithsej 38 personave për vepra penale të lëndimit trupor dhe rrezikimit të sigurisë të kryera gjatë dhunës në familje. Në krahasim me periudhën e njëjtë të vitit të kaluar, është evident një rritje e ndjeshme e numrit të lëndëve të tilla, ndërsa në ditë të caktuara regjistrohen edhe nga disa raste në ditë. Prokuroria Publike nuk mban statistikë për strukturën e denoncuesve dhe moshën e tyre, veçanërisht për shkak se pjesa më e madhe e kallëzimeve fillimisht dorëzohen në stacionin policor. Në përgjithësi, denoncuesit më të shpeshtë janë vetë viktimat, ndërsa më rrallë dëshmitarët ose personat e tjerë të afërt.”

Nga Sektori për Punë të Brendshme në Tetovë thonë se dhuna në familje nuk shfaqet vetëm atëherë kur burrat sulmojnë bashkëshortet, por ka edhe raste të anasjellta ku gratë sulmojnë burrat.

Ndërkaq, në rritje janë edhe rastet kur fëmijët ushtrojnë dhunë ndaj prindërve.

Sipas policisë, ndër shkaktarët kryesorë janë konsumimi i alkoolit, bixhozi, problemet psikike si dhe kushtet e rënda ekonomike.

FATMIR REXHEPI, ZËDHËNËS I SPB TETOVË

Advertisement

“Shkaktarët kryesorë të problemeve familjare apo dhunës në familje, si çdo herë, janë droga, alkooli, çrregullimet nervore dhe shkaqet ekonomike. Kështu që, edhe gjatë kësaj periudhe mbizotërojnë veprat të cilat janë kryer nga ana e bashkëshortëve ndaj bashkëshorteve të tyre, por kemi edhe raste të anasjellta, pra nga ana e grave ndaj burrave të tyre. Gjithashtu, kemi vepra të cilat janë jo të rralla që ndodhin ndaj prindërve nga ana e fëmijëve, si dhe nga ana e prindërve ndaj fëmijëve të tyre, e kështu me radhë. Kështu që, Sektori për Punë të Brendshme i Tetovës, përmes programeve dhe projekteve të ndryshme me shoqata të ndryshme joqeveritare, punon për mënjanimin dhe zvogëlimin e kësaj dukurie në shoqëri, si dhe për vetëdijesimin e qytetarëve që të mos i mbulojnë këto vepra të cilat kryhen. Kjo, që të mos vijë deri tek rasti si ai i kësaj periudhe, pra i tremujorit të parë të këtij viti, ku patëm edhe një viktimë në rajonin e Gostivarit, ku djali vrau babain e tij duke përdorur mjete të forta.”

Megjithatë, dhuna në familje mbetet një dukuri që në shumë raste fshihet nga të afërmit ose nga vetë viktimat.

Si nga Prokuroria, ashtu edhe nga SPB Tetovë, bëhet apel që këto raste të denoncohen me kohë, në mënyrë që të parandalohen lëndimet e rënda trupore apo tragjeditë ku merret jeta e njeriut, siç ishte rasti i fundit në Gostivar.

VLEN prezantoi para anëtarëve dhe mbështetësve rezultatet e dy viteve të pjesëmarrjes në qeveri. Sipas drejtuesve të koalicionit, gjatë kësaj periudhe janë realizuar mbi 300 projekte infrastrukturore në komunat me shumicë shqiptare.

BEKIM SALI – Zv/Kryeministër

“Deri më tani janë realizuar rreth 308 projekte, që paraqet një dallim të madh mes qeverisjes së VLEN-it për 24 muaj dhe qeverisjes së mëparshme 24-vjeçare të BDI-së, gjatë së cilës nuk u realizuan shumica e investimeve kapitale në pushtetin lokal. Ndër investimet janë Korridori 8, nënshkrimi i kontratës për autostradën që do të ndërtohet deri në Bllacë, stimulimi i të rinjve për hapjen e ndërmarrjeve të vogla dhe të mesme – rreth 2.500 kompani të mbështetura nga Ministria e Ekonomisë, si dhe punësimi dhe avancimi i mbi 2.500 shqiptarëve në administratën publike. Ka edhe shumë projekte të tjera”, deklaroi Bekim Sali, sekretar i përgjithshëm i VLEN-it.

Bashkëkryetari i VLEN-it, Bilall Kasami, deklaroi se gjatë dy viteve të qeverisjes, VLEN ka realizuar reforma dhe projekte që, sipas tij, kishin mbetur të parealizuara për një çerek shekulli.

BILALL KASAMI – Bashkëkryetar i VLEN

Advertisement

Në 2-vjetorin e qeverisjes së VLEN-it, bashkëkryetari Izet Mexhiti tha se vendi po kalon një fazë të re politike, ku premtimet po zëvendësohen me rezultate konkrete dhe institucionet po kthehen në shërbim të qytetarëve.

IZET MEXHITI – Bashkëkryetar i VLEN

Nga ana tjetër, BDI kritikoi ashpër VLEN-in, duke vlerësuar se “dy vite pas premtimeve spektakolare nuk ka asgjë”. Partia opozitare ngriti një sërë pyetjesh: ku janë ndryshimet kushtetuese, barazia e gjuhës shqipe, Akademia Shqiptare e Shkencave dhe Arteve, Ministria e Diasporës, autostradat, hekurudhat dhe investimet?

Lidhur me kritikat e BDI-së se janë tepër pasiv brenda koalicionit qeveritar dhe për protestat me të cilat po përballen, nga VLEN u përgjigjën se problemet me provimin e jurisprudencës dhe emërtimet e rrugëve në Tetovë janë pasojë e improvizimeve të qeverisjes së mëparshme.

Sipas tyre, këto çështje po zgjidhen një nga një, duke respektuar procedurat ligjore./Tv Koha/

Advertisement