Sport
BOTËRORI 2026: NË 1/8 E FINALES – FRANCA, NORVEGJIA DHE MEKSIKA
Në tre ndeshjet e zhvilluara mbrëmë dhe në orët e hershme të mëngjesit të sotëm, Norvegjia, Franca dhe Meksika siguruan kualifikim në fazën e 1/8 së finales.
Norvegjia ka siguruar kualifikimin në 1/8 , pas fitores 2-1 ndaj Bregut të Fildishtë në një ndeshje të fortë dhe me përmbysje emocionesh.
Heroi i sfidës ishte sërish Erling Haaland, i cili shënoi golin vendimtar në minutën e 86-të, duke i dhënë avantazhin përfundimtar skuadrës skandinave dhe kualifikimin për në fazën tjetër, ku do të përballet me Brazilin.
Franca regjistroi fitore bindëse 3-0 përballë Suedisë. Sfida u zhbllokua në fundin e pjesës së parë nga Kylian Mbappe. Në pjesën e dytë Franca shënoi edhe dy gola me autor Barcola dhe Mbappe . Sulmuesi francez Kylian Mbappe ka vendosur një rekord të ri, duke u bërë golashënuesi më i mirë i të gjitha kohërave në ndeshjet me eliminim direkt të Botërorit. Me këtë fitore, Franca do të ndeshet me Paraguain.
Meksika ka siguruar fitore 2-0 ndaj Ekuadorit duke regjistruar suksesin e parë në një ndeshje me eliminim direkt në Kupën e Botës që nga viti 1986.
Pavarësisht një vonese prej një ore për shkak të motit, atmosfera në stadiumin “Estadio Azteca” ishte elektrizuese, me tifozët vendas që shtynë ekipin drejt një paraqitjeje dominuese që në minutat e para. Në pjesën e parë shënuan Kinones dhe Raul Jimenez dhe ky rezultat mbeti deri në përfundim të ndeshjes.
Me këtë sukses, Meksika bëhet kombëtarja e vetme që nuk ka pranuar gol në këtë botërorë kurse në fazën tjetër do të përballet me fituesin nga ndeshja Angli- Republika Demokratike e Kongos.
Sonte dhe nesër në program janë këto ndeshje: Anglia – Republika Demokratike e Kongos, Belgjika – Senegali, SHBA – Bosnja e Hercegovina dhe Spanja – Austria.
Shkëndija me ndeshjen e katërt kontrolluese në Slloveni zyrtarisht ka përfunduar fazën kryesore të përgatitjeve për garat ndërkombëtare si dhe për kampionatin e ri në Ligën e pare. Kuqezinjtë barazuan 2:2 përballë ekipit ukrainas Zorya Luhansk. Pas kësaj ndeshje ekipi është kthyer në Tetovë ku do të vazhdon me punë.
Klubi i futbollit Shkëndija me përballjen ndaj Zorya Luhansk kanë mbyllur fazën kryesore përgatitore në Slloveni, përpara ndeshjeve eliminatore të UEFA Konferencë Liga.
Ekipi kuqezi zhvilloi një takim shumë pozitiv, që u mbyll me rezultat 2:2, ndërsa ekipi tregoi elemente të mira në lojë dhe dha sinjale inkurajuese.
Në prononcimin e tij të parë pas përfundimit të këtij cikli stërvitor, trajneri Pollozhani u shpreh i kënaqur me progresin e treguar nga futbollistët, pavarësisht ngarkesave fizike.
“Ishte një ndeshje e rëndësishme, pasi përballeshim me një kundërshtar të nivelit të lartë. Në këtë fazë përgatitore patjetër që edhe lodhja e ngarkesa e kanë bërë të vetën, por ishte një test pozitiv para asaj që na pret në Kupat e Evropës. Me rikthimin e freskisë, automatizmi i lëvizjeve do të jetë akoma më i shpejtë. Mendoj se jemi në rrugën e duhur” – deklaroi trajneri Artim Pollozhani.
Në katër ndeshjet kontrolluese Shkëndija regjistroi një fitore një barazime dhe dy disfata. Edhe pse rezultatet në miqësore nuk janë parësore, trajneri Artim Pollozhani nënvizoi rëndësinë e ndërtimit të një mentaliteti fitues dhe implementimit të ideve të reja taktike.
Skuadra tashmë është kthyer në Tetovë për të kryer përgatitjet e fundit para ndeshjes zyrtare të parë në skenën ndërkombëtare më 9 korrik kundër Europa FC në Gjibraltar.
Në raundin e parë të grand slamit WIMBLEDON 2026, ku premiot për fituesit janë astronomike tenistët favorit kalojnë në raundin e dytë dhe janë pretendent për të fituar çmimin prej 3.6 milion paund
Me ndeshjet e raundit të zyrtarisht ka filluara turneu më madh i tenisit në terrenet me barë grand slami ‘’Wimbledon 2026’’ ku marrin pjesë të gjithë tenistët më të mirë të botës në kategorinë e meshkujve dhe at të femrave, Ky turne këtë vit ka rritur premiot për 20 përqind apo në total 74,5 milion Euro. Fituesit në grand slam në Wimbledon do të fitojnë nga 3.6 milion paund, ndërsa tenistët që eliminohen fitojnë nga 80 mijë paund
Në xhiron e parë në duelet që tanimë kanë përfunduar tenistët që konsiderohen favorit kanë regjistruar fitore disa më vështirë e disa më lehtë. Kështu që në raundin e dytë janë kualifikuar Janik Sinner i cili pas tre orëve lojë mundi serbin Miomir Kecmanoviq 3-2 sete, Novak Djokoviq mundi tenistin Yibing Vu 3-1 në sete . Gjithashtu fitore ka regjsitru edhe
Në raundin e dytë kualifikohen edhe Danill Medvedev kundër Martin Çiliq 3-0 në sete dhe tenisti amerikan Tommy Paul mundi 3-0 Aleksandër Muller.
Në kategorinë e femrave në raundin e dytë kalojnë japonezja Naomi Osaka që mundi 2-0 Elsa Jasquemot, amerikania Coco Gauff mundi 2-0 tenisten Tamara Korpatch, ndërsa në raundin e dytë kalojnë edhe tenistja ruse Mira Andreeva, çekja Barbora Kejçikova dhe amerikania Jesika Pegull.
Kujtojm se në këtë turnir prestigjioz për herë të parë merë pjesë edhe tenistja tetovare Lina Gjorçeska e cila sot përballet me Amanda Anisimova.
Klubi i futbollit Shkëndija ka realizuar një nga transferimet më të bujshme të kësaj vere, duke siguruar firmën e Almir Kryeziut.
Sulmuesi anësor 27-vjeçar, i konsideruar si një nga emrat më të kërkuar të merkatos jo vetëm në Maqedoninë e Veriut, por edhe në Kosovë e Shqipëri, kishte në tavolinë oferta serioze nga klube të ndryshme, përfshirë edhe nga jashtë rajonit.
Megjithatë, kuqezinjtë e Tetovës ia dolën të fitojnë garën për ish-kapitenin e FC Ballkani, i cili ka firmosur kontratë dyvjeçare me Shkëndijën.
Almir Kryeziu për impresionet e tija të para në ekipin Shkëndija tha se ndihet i kënaqur se është pjesë ekipit më të madh shqiptar.
‘’Për fillim jam shumë i kënaqur . Siç e dimë Shkëndija është ekipi më i madh në shqiptari. Për mua ka qenë shumë lehtë të vendosi këtë ofertë që ma kanë ofruar Shkëndija, shpresoj ta japë më të mirën ti ndihmojë ekipit drejtë objektiva që ka. Po është një emocion i veçantë , Shkëndija ka një histori goxha të madhe si ekip mendoj të jem sa më i motivuar ta japi maksimumin në çdo ndeshje , në çdo stërvitje dhe ti gëzojë të gjithë tifozët’’ ka deklaruar futbollist Almir Kryeziu
Pas kryerjes së testeve mjekësore dhe prezantimit zyrtar, Kryeziu është bashkuar menjëherë me skuadrën në fazën përgatitore në Slloveni.
Nga ana tjetër klubi I futbollit ka njoftuar se futbollisti Numan Ajeti nuk do të jetë më pjesë e skuadrës sonë, duke e falënderuar për kontributin e dhënë në fanellën kuqezi. TV KOHA
KODI ZGJEDHOR BLLOKOHET TEK VOTIMI ELEKTRONIK I DIASPORËS!
“STUHI” NË TETOVË – SHIU I RRËMBYESHËM I JEP FUND VAPËS PËRVËLUESE!
INTERESIMI I MADH PËR GRANTET E VETËPUNËSIMIT, NË TETOVË MBI 500 APLIKIME
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga vendi2 months agoHAXHI 2026: NGA RAJONI I TETOVËS 440 NIJETLINJ!
-
Lajme nga rajoni2 months agoDjali u bën mesazhin e fortë familjes së dy fëmijëve që humbën jetën në Durrës : Ju kërkojmë falje me gjithë shpirt. Dhimbja juaj është e paimagjinueshme
-
Lajme nga bota2 months agoTensione në Ngushticën e Hormuzit, SHBA-të godet anijet iraniane ndërsa Irani sulmon objektet e naftës në Emiratet e Bashkuara Arabe