Zvicra, Portugalia dhe Spanja janë tre vendet e radhës që kanë siguruar  kualifikim në fazën e 1/8  së finales të Botërorit 2026. Sonte dhe në orët e vona të natës zhvillohen tre takimet e fundit të fazës së parë të eliminimit direkt. Në 1/8 e finales kualifikim kanë siguruar 5 vende Evropiane.

Spanja me fitoren kundër Austrisë vazhdon të konfirmojë statusin e një prej skuadrave favorite në Botërorin 2026. Iberikët në mënyrë rutinore mposhtën me rezultatin e pastër 3:0 Austrinë duke siguruar kualifikimin për në fazën tjetër të turneut. Dy gola i shënoi Ojarzabal dhe një tjetër Porro. Kështu Spanja në 1/8 e finales do të përballet me Portugalinë që konsiderohet njëra nga  ndeshjet më interesante në këtë fazë.

 Një ndeshje spektakolare zhvilluan Portugalia dhe Kroacia.

Ndeshja do të mbahet mend si një nga pjesët e dyta më kaotike në historinë e Botërorëve që solli një sërë situatash të pabesueshme – 3 gola të pranuara, katër të anuluara, penalti, shtylla dhe transversale dhe dramë të VAR-it në sekondat e fundit.

 Me golin e shënuar në minutën e  68-të, Ronaldo është bërë zyrtarisht lojtari më i vjetër që ka zbritur në fushë në një ndeshje me eliminim direkt në historinë e Kupës së Botës, me 41 vjeç e 147 ditë.

Advertisement

 Pas fishkëllimës së fundit të referit pasoi momenti emocional midis dy legjendave, Ronaldos dhe Modriqit, duke treguar respektin e ndërsjellë pas betejës së madhe në terren.

 Skuadra e pestë evropiane që siguroi kualifikim në 1/8 e finales është Zvicra e cila  mundi Algjerinë 2-0. Autor  të  golave  për Zvicrën ishin Embolo dhe Ndoye.  

Në këtë  ndeshje kapiteni i skuadrës helvetike, Granit Xhaka, zhvilloi ndeshjen e tij të 150  për Zvicrën.

 Kujtojmë se deri më sot në Kampionatin Botëror në 85 ndeshjet e zhvilluara janë  regjistruar 246 gola kurse 12  futbollistë janë ndëshkuar me kartonë të kuq. 

Faza e 1/16 të finales përfundon sonte dhe në orët e vona të natës me ndeshjet   Australia – Egjipti, Argjentina  – Kepi i Gjelbër dhe Kolumbia – Gana.

Advertisement

Shaban Sinani  – TV Koha

Në tre ndeshjet e zhvilluara mbrëmë dhe në orët e hershme të mëngjesit të sotëm, Norvegjia, Franca dhe Meksika siguruan kualifikim në fazën e 1/8 së finales. 

Norvegjia ka siguruar kualifikimin në 1/8 , pas fitores 2-1 ndaj Bregut të Fildishtë në një ndeshje të fortë dhe me përmbysje emocionesh.

Heroi i sfidës ishte sërish Erling Haaland, i cili shënoi golin vendimtar në minutën e 86-të, duke i dhënë avantazhin përfundimtar skuadrës skandinave dhe kualifikimin për në fazën tjetër, ku do të përballet me Brazilin.

 Franca regjistroi fitore bindëse 3-0 përballë Suedisë. Sfida u zhbllokua në fundin e pjesës së parë nga Kylian Mbappe. Në pjesën e dytë Franca shënoi edhe dy gola me autor Barcola dhe Mbappe . Sulmuesi francez Kylian Mbappe ka vendosur një rekord të ri, duke u bërë golashënuesi më i mirë i të gjitha kohërave në ndeshjet me eliminim direkt të Botërorit. Me këtë fitore, Franca do të ndeshet me Paraguain.

 Meksika ka siguruar fitore 2-0 ndaj Ekuadorit duke regjistruar suksesin e parë në një ndeshje me eliminim direkt në Kupën e Botës që nga viti 1986.

Advertisement

 Pavarësisht një vonese prej një ore për shkak të motit, atmosfera në stadiumin  “Estadio Azteca” ishte elektrizuese, me tifozët vendas që shtynë ekipin drejt një paraqitjeje dominuese që në minutat e para. Në pjesën e parë shënuan Kinones dhe Raul Jimenez dhe ky rezultat mbeti deri në përfundim të ndeshjes.

 Me këtë sukses, Meksika bëhet kombëtarja e vetme që nuk ka pranuar gol në këtë botërorë kurse në fazën tjetër do të përballet me fituesin nga ndeshja Angli- Republika Demokratike e Kongos.

Sonte dhe nesër në program janë këto ndeshje: Anglia – Republika Demokratike e Kongos, Belgjika – Senegali, SHBA – Bosnja e Hercegovina dhe Spanja – Austria.

Shkëndija me ndeshjen e katërt kontrolluese në Slloveni zyrtarisht ka përfunduar  fazën  kryesore të  përgatitjeve  për   garat  ndërkombëtare  si dhe  për  kampionatin e ri  në Ligën e pare. Kuqezinjtë barazuan 2:2 përballë ekipit ukrainas Zorya Luhansk. Pas  kësaj ndeshje  ekipi  është  kthyer  në Tetovë  ku  do të vazhdon me  punë. 

Klubi i futbollit  Shkëndija me përballjen ndaj Zorya Luhansk kanë mbyllur fazën kryesore përgatitore në Slloveni, përpara ndeshjeve eliminatore të UEFA Konferencë Liga.

Ekipi kuqezi zhvilloi një takim shumë pozitiv, që u mbyll me rezultat 2:2, ndërsa ekipi tregoi elemente të mira në lojë dhe dha sinjale inkurajuese.

Në prononcimin e tij të parë pas përfundimit të këtij cikli stërvitor, trajneri Pollozhani u shpreh i kënaqur me progresin e treguar nga futbollistët, pavarësisht ngarkesave fizike.

“Ishte një ndeshje e rëndësishme, pasi përballeshim me një kundërshtar të nivelit të lartë. Në këtë fazë përgatitore patjetër që edhe lodhja e ngarkesa e kanë bërë të vetën, por ishte një test pozitiv para asaj që na pret në Kupat e Evropës. Me rikthimin e freskisë, automatizmi i lëvizjeve do të jetë akoma më i shpejtë. Mendoj se jemi në rrugën e duhur” – deklaroi trajneri Artim Pollozhani.

Advertisement

Në katër ndeshjet  kontrolluese Shkëndija regjistroi një fitore një barazime dhe dy disfata. Edhe pse rezultatet në miqësore nuk janë parësore, trajneri  Artim Pollozhani nënvizoi rëndësinë e ndërtimit të një mentaliteti fitues dhe implementimit të ideve të reja taktike.

Skuadra tashmë është kthyer në Tetovë për të kryer përgatitjet e fundit para ndeshjes zyrtare të parë në skenën ndërkombëtare më 9 korrik kundër Europa FC në Gjibraltar.