Dje në ora 09:50 në SPB Tetovë, një grua 65-vjeçare nga Tetova ka denoncuar se nga një person i panjohur i është keqpërdorur kartela e pagesës, gjegjësisht në periudhën prej 31.05.2026 deri më 26.06.2026, janë kryer pesë transaksione të paautorizuara, me çka i është shkaktuar dëm material prej 9.263 denarë.

…..Dje në ora 16:10 në Stacionin Policor Gostivar, një 28-vjeçar nga Gostivari, ka denoncuar se rreth orës 14:05 në rrugën “Beliçica” në Gostivar, derisa si punonjës në një dyqan për teknikë të bardhë po dërgonte një produkt, është sulmuar fizikisht nga personi të cilit duhej t’ia dërgonte produktin.

……Dje në ora 14:10 në SPB Tetovë, një 47-vjeçar nga Tetova ka denoncuar se rreth orës 13:20 në udhëkryqin midis rrugëve “Vidoe Smilevski Bato” dhe “29 Nëntori” në Tetovë është sulmuar fizikisht nga një person.

……Dje në ora 15:20 në SPB Tetovë, një 42-vjeçarnga Tetova ka denoncuar se në rr. “Boris Kidriç” në Tetovë është sulmuar fizikisht nga një person, i cili ka përdorur edhe një send druri.

……    Dje në ora 15:30 në Tetovë, në vendin e quajtur “Banja e Tetovës”, zyrtarë policorë nga SP Tetovë kanë privuar nga liria personin një 27-vjeçar nga fshati Bozovcë, sepse tek ai është gjetur marihuanë. Pas dokumentimit të rastit, do të dorëzohet parashtresë përkatëse.

Advertisement

……Dje rreth orës 14:00 në rrugën “29 Nëntori” në Tetovë, zyrtarë policorë nga SPB Tetovë kanë privuar nga liria katër persona të moshës, 28, 19, 21 dhe 20 vjeçare për shkak të një përleshjeje fizike mes tyre. Pas dokumentimit të rastit, do të dorëzohen parashtresat përkatëse.

……Dje në ora 19:30 në SPB Tetovë, një 38-vjeçar nga fshati Prelubisht i Tetovës ka denoncuar veprën penale “Rrezikim i sigurisë”, e kryer nga bashkëjetuesi i tij. Sipas denoncimit, rreth orës 18:05, i denoncuari e ka thirrur në rrjetin social dhe i ka drejtuar kërcënime serioze për jetën, me çka ai i ka regjistruar bisedat, ndërsa si shkak për kërcënimet e përmend zënkën e tyre të mëparshme lidhur zgjedhjen e bashkësisë lokale nga para një muaji.

……Dje në ora 20:10 në rrugën “146” në Tetovë, zyrtarë policorë kanë privuar nga liria një 28-vjeçar nga Tetova. Paraprakisht, në ora 19:25, vëllai i tij 35-vjeçar ka denoncuar se rreth orës 16:30 në shtëpinë e tyre familjare, pas një zënke të mëparshme verbale mes nënës së tyre dhe bashkëshortes së denoncuesit, e ka sulmuar fizikisht nusen duke e goditur me grusht dhe duke e tërhequr për flokë. Kur denoncuesi ka tentuar t’i ndajë, i denoncuari e ka sulmuar fizikisht edhe atë.

…..Dje në ora 18:00 në rrugën “Lubo Bozhinovski Pish” në Tetovë, zyrtarë policorë nga SPB Tetovë kanë privuar nga liria një 54-vjeçar nga Tetova, për shkak të ekzistimit të dyshimit të bazuar për vepër penale të kryer “Ndotja e mjedisit jetësor dhe natyrës” e dënueshme sipas nenit 218 të Kodit Penal. Pas një videoje të publikuar paraprakisht në rrjetet sociale ku shihet se si një shofer i automjetit të udhëtarëve “Citroen” me targa të Tetovës hedh thasë të bardhë me mbeturina të panjohura në lumin Shkumbin në afërsi të rr. Vidoe Smilevski Bato, SPB Tetovë ka ndërmarrë masa urgjente operative. Pas kontrolleve të kryera për pronësinë dhe autorizimin e automjetit, është gjetur kryerësi, i cili në vendngjarje e ka pranuar veprën. Personit i është lëshuar edhe urdhërpagesë për kundërvajtje sipas Ligjit për Siguri në Trafikun Rrugor, automjeti është fotodokumentuar, ndërsa për ngjarjen është njoftuar Prokurori Publik kujdestar.

……Dje në ora 22:50 në rrugën rajonale Ratajë – Leshkë, zyrtarë policorë nga Stacioni Policor Jegunoc gjatë një kontrolli në trafik kanë ndaluar automjetin e udhëtarëve “Ford Fiesta” me targa të Tetovës, i drejtuar nga një 39-vjeçar nga fshati Xhepçisht. Gjatë kontrollit është konstatuar se personi e drejtonte automjetin pa provim të dhënë për shofer, gjegjësisht pa patentë shoferi. Ai është shoqëruar në stacionin policor, ndërsa automjeti është sekuestruar përkohësisht.

Advertisement

Nga sot deri më 31 gusht hyn në fuqi regjimi i përkohshëm veror i trafikut në rrugët shtetërore të Maqedonisë së Veriut, i cili parashikon kufizime për lëvizjen e mjeteve të rënda mallrash me masë totale mbi 15 ton gjatë fundjavave dhe në ditët me temperatura jashtëzakonisht të larta.

Sipas njoftimit të Lidhjes Auto-Moto të Maqedonisë (LAMM), ndalesa do të zbatohet të premteve nga ora 17:00 deri në 22:00, të shtunave nga ora 09:00 deri në 18:00 dhe të dielave nga ora 09:00 deri në 22:00.

Në rastet kur Ministria e Shëndetësisë shpall temperatura ekstreme, kufizimi do të vlejë edhe nga e hëna deri të enjten, në periudhën nga ora 11:00 deri në 17:00.

Nga kufizimi përjashtohen automjetet që transportojnë kafshë të gjalla, lule, ndihmë humanitare, drithëra dhe kultura bujqësore, mallra që prishen shpejt, naftë dhe derivate të saj, materiale të rrezikshme, si dhe automjetet e kompanive të angazhuara në projektet e Ndërmarrjes Publike për Rrugët Shtetërore.

Rregulla të veçanta do të zbatohen edhe në autostradën A2, në drejtimin Shkup–Ohër–Shkup, ku deri më 1 shtator ndalohet qarkullimi i automjeteve të rënda me masë mbi 7.5 ton gjatë fundjavave. Kufizimi do të vlejë të premteve nga ora 15:00 deri në 22:00, të shtunave nga ora 07:00 deri në 12:00 dhe nga ora 18:00 deri në mesnatë, si dhe të dielave nga ora 07:00 deri në 22:00.

Advertisement

Autoritetet sqarojnë se ky regjim i veçantë veror synon të lehtësojë qarkullimin drejt Ohrit, destinacionit më të frekuentuar turistik në vend, të zvogëlojë ngarkesën në pikat e pagesës dhe të sigurojë një rrjedhë më të shpejtë dhe më të sigurt të trafikut gjatë sezonit veror.

Komunikata e plotë e VLEN-it

Për vite me radhë, komunat shqiptare u lanë në margjinat e investimeve, ndërsa projektet zhvillimore vareshin nga interesat partiake dhe jo nga nevojat e qytetarëve. Sot, kjo logjikë po zëvendësohet me një qasje të re.

Falë angazhimit të VLEN-it në Qeveri, 306 projekte po ndryshojnë pamjen e komunave shqiptare. Ky nuk është vetëm një numër. Është dëshmi se fondet publike po orientohen aty ku ka nevojë për zhvillim dhe jo aty ku diktojnë interesat politike.

Vetëm gjatë ditëve të fundit, katër komuna të udhëhequra nga VLEN sollën katër investime të rëndësishme infrastrukturore. Në Tetovë u promovua rruga “Sami Frashëri”, në Zhelinë u përfundua rruga Dëbërcë–Çiflik pas më shumë se tre dekadash pritje, në Bogovinë nisën punimet për rrugën Rakovec–Bogovinë, ndërsa në Dibër vazhdojnë investimet me rrugën “Fuad Dibra”.

Këto investime tregojnë se me një qasje të përgjegjshme, vullnet politik dhe bashkëpunim institucional, projektet nuk mbeten më në letra, por shndërrohen në vepra që i japin ritëm zhvillimit lokal dhe krijojnë kushte më të mira për jetën dhe ekonominë.

Advertisement

Iku koha e deklaratave boshe politike, VLEN krijoi një standard të ri. Ne tani matemi me kilometrat e rrugëve të ndërtuara, me projektet që nisin dhe përfundojnë, me investimet që prej vitesh ishin bllokuar e që sot po realizohen njëri pas tjetrit.

Ky është standardi që ka vendosur VLEN: më pak propagandë, më shumë rezultate; më pak justifikime, më shumë përgjegjësi; më pak fjalë, më shumë punë.

Rruga që po ndërtojmë nuk është vetëm infrastrukturë. Është dëshmi se ka përfunduar koha kur zhvillimi diktohej nga interesat partiake. Sot vendosin projektet, puna dhe nevojat e qytetarëve.

VLEN N’PUNË.

Advertisement