Lajme nga vendi
KF KAMJANI NISI PËRGATITJET ME TRAJNERIN BURHAN EMURLLAI!
Klubi i futbollit “Kamjani” nga dita e djeshmi zyrtarisht nisi përgatitjet për sezonin e ri në Ligën e dytë të futbollit. Ekipi do të drejtohet nga trajneri Burhan Emurllai me ndihmësit Bekim Ziberi dhe Sulejman Ibishi dhe me shumë përforcime. Të gjitha fazat përgatitore dhe ndeshjet kontrolluese do të zhvillohen në stadiumin e Kamjanit.
KF “Kamjani” në kampionatin 2026/2027 do të garojë në Ligën e Dytë të futbollit vendor, kurse nga dita e djeshme nisi përgatitjet intensive nën drejtimin e shefit të ri të stafit teknik Burhan Emurllai I cili do ta drejtojë ekipin së bashku me ndihmësin e tij Bekim Ziberin dhe trajnerin e portierëve Sulejman Ibishin.
Në grumbullimin e parë të pranishëm ishin edhe drejtuesit e klubit, ku futbollistët u njoftuan me itinerarin e përgatitjeve kurse më pas nisën edhe seancat stërvitore.
Trajneri Emurllai për TV Koha tha se të gjitha fazat përgatitore do të zhvillohen në stadiumin e Kamjanit ku ka kushte adekuate për të arritur objektivat.
“Qëllimet janë të përfaqësohemi sa më denjësisht në Ligën e dytë dhe të ndërtojmë një ekip të re, një ekip që do të kënaq futbollin e Pollogut. Kemi mjaft kualitet, mjaft djem të talentuar në ekip . Mbetet që të përgatitemi mirë, kemi planifikuar 4-5 ndeshje kontrolluese, që do të filtrojnë disa gjëra rreth ekipit që të hymë në kampionat sa më të përgatitur dhe me a më pak pikëpyetje . Pikë së pari ju dëshiroj futbollistëve atyre që janë të rinj mirëseardhje në ekip dhe sa më shumë shëndet dhe shumë punë” deklaroi trajneri Burhan Emurllai
KF “Kamjani” në merkaton e kësaj vere deri tani ka sjellë disa përforcime por ditëve në vijim pritet të vijnë edhe dy-tre prurje tjera. Njëri nga prurjet më me përvojë është Arsim Lamallari.
“Prej sot fillojmë përgatitjet me Kamjanin, jemi ekip e re në Ligën e dytë të inkuadruar sivjet. E kemi shpresën të shkojë gjithçka siç është më mire. Klubi ka ambicie të mira, por realisht qëllimi është mbijetesa në Ligën e dytë, por nëse na jepet mundësia të shkojmë më lartë, do shkojmë pse jo” deklaroi futbollisti Arsim Lamallari.
Futbollisti Huzri Xhemaili, i cili ishte pjesë e ekipit që shënoi suksesin historik, uroi që të mos ketë lëndime në mesin e futbollistëve, të sigurohet mbijetesa në Ligën e Dytë, por nëse jepet mundësia, të shfrytëzohet cdo shans për objektivat e skuadrës.
HUZRI XHEMAILI – Futbollist
“Sëpari uroj të gjithë futbollistët që të mos kenë lëndime dhe në bazë të afrimeve, transfereve së pari ta luftojmë mbijetesën. Por, rrugës nëse del ma mire, do ta luftojmë” deklaroi futbollisti Huzri Xhemaili
KF Kamjani ndeshjet kampionale do t`i zhvillojë në stadiumin e tyre ku ka kushte që të luajnë edhe me drita të reflektorëve.
Kryetari i Komunës së Tetovës, Bilall Kasami I shoqëruar nga Ministri I Transportit dhe Lidhjeve, Aleksandar Nikolovski dhe Zv/Ministrja Kaltrina Zekolli në Tetovë promovuan përfundimin e punimeve në Rrugën e Shtipit, një investim i Ministrisë së Transportit me ko-financim të Komunës së Tetovës.
Ministri I Transportit, Aleksandar Nikolovski, u shpreh se në Tetovë po vërrehet një bum investimesh, për të cilët përgëzoi Kryetarin Kasami duke u zotuar se Ministria që drejton ai do të jetë në shërbim të projekteve që lehtësojnë lëvizjen e qytetarëve.
Sipas zyrtarëve të Ministrisë së Transportit në Tetovë po realizohen 29 projekte të përbashkëta.
KALTRINA ZEKOLLI – Bëhet fjalë për një rrugë me 680 metra, me gjerësi mesatarisht 5.5 metra kurse sipërfaqja totale e asfaltuar është rreth 4.000 metra katrorë.
Kuvendi ka miratuar ndryshime në Ligjin për Lizingun Financiar, të cilat prekin kushtet për themelimin dhe funksionimin e kompanive të lizingut, menaxhimin korporativ, mbikëqyrjen, transparencën dhe mbrojtjen e përdoruesve. Me ndryshimet përcaktohen elementet e detyrueshme që duhet të përmbajë çdo kontratë e lizingut financiar, përfshirë të gjitha tarifat dhe kompensimet që lidhen me kontratën. Gjithashtu, parashihet mundësia që kontratat të lidhen edhe në formë elektronike, në përputhje me legjislacionin për dokumentet elektronike, identifikimin elektronik, mbrojtjen e të dhënave personale dhe parandalimin e pastrimit të parave.
Rregullat e reja sjellin kontrata më të qarta, mundësi për shlyerjen e parakohshme pa kosto shtesë, kontroll më të madh mbi punën e kompanive të lizingut dhe standarde më të larta për mbrojtjen e shfrytëzuesve.
“Me qëllim të rritjes së transparencës dhe mbrojtjes së shfrytëzuesve, me ndryshimet specifikohen elementët e detyrueshëm që duhet të përmbajë çdo kontratë lizingu financiar, duke përfshirë të gjitha kompensimet që lidhen me lizingun. Përveç kësaj, mundësohet që kontratat e lizingut financiar të lidhen edhe në formë elektronike, nëse kushtet plotësohen në përputhje me dispozitat për dokumentet elektronike, identifikimin elektronik dhe shërbimet konfidenciale, si dhe dispozitat për parandalimin e pastrimit të parave, mbrojtjen e të dhënave personale dhe dispozitat e tjera përkatëse”, thonë nga Ministria e Financave.
Me këto ndryshime vendoset mundësia që shfrytëzuesi i lizingut financiar të shlyejë detyrimet e mbetura plotësisht ose pjesërisht në çdo kohë në përputhje me planin e amortizimit, pa kosto shtesë. Kjo gjithashtu siguron të drejtën për të ulur kostot e përgjithshme për periudhën e mbetur të kontratës.
“Përveç kësaj, përforcohet mbrojtja e shfrytëzuesve duke specifikuar se ofruesi i lizingut financiar nuk mund ta shfrytëzojë lëndën e lizingut financiar si kolateral pa pëlqimin paraprak me shkrim të shfrytëzuesit. Pëlqimi duhet të jepet te noteri, në dokument të veçantë – deklaratë, veçmas nga kontrata e lizingut financiar, me kushtet e përgjithshme, me përcaktimin e qartë të pasojave juridike të pëlqimit të tillë. Ofruesit e lizingut financiar do të jenë të detyruar të publikojnë raportet financiare vjetore, së bashku me raportin dhe mendimin e revizorit të autorizuar, në faqet e tyre të internetit. Në këtë mënyrë, individët dhe personat juridikë si shfrytëzues të lizingut do të kenë mundësinë të kenë pasqyrë më të qartë mbi punën e kompanive të lizingut para se të krijojnë marrëdhënie afariste”, thonë nga Ministria.
Me ndryshimet, thonë më tej nga kjo Ministri, përforcohet edhe mbikëqyrja përmes avancimit të dispozitave kundërvajtëse, si dhe stabiliteti financiar i ofruesve të lizingut financiar duke rritur vlerën minimale të principalit bazë nga 6.000.000 në 30.000.000 denarë.
“Me qëllim të përforcimit të integritetit të subjekteve që kryejnë lizing financiar, me ndryshimet zbatohen gjithashtu rekomandimet e Komitetit MONEYVAL pranë Këshillit të Evropës në fushën e parandalimit të pastrimit të parave dhe financimit të terrorizmit. Me to vendosen kritere për përshtatshmërinë dhe reputacionin që duhet t’i përmbushin themeluesit dhe anëtarët e organeve drejtuese të ofruesve të lizingut financiar”, thuhet në njoftimin e Ministrisë.
Ndryshimet e miratuara nga Kuvendi janë një nga tetë hapat që Ministria e Financave po zbaton në kuadër të Agjendës reformuese.
Lajme nga vendi
14-vjeçarja nga Kavadari ndërron jetë pasi ra nga një luhatëse në parkun e Gostivarit
SPB Tetovë njofton se ka humbur jetën një 14-vjeçare nga Kavadari, e cila ka rënë nga luahtësja në parkun e Gostivarit.
Nga atje thonë se trupi është dorëzuar për autopsi.
SPB Tetovë njofton se ka humbur jetën një 14-vjeçare nga Kavadari, e cila ka rënë nga luahtësja në parkun e Gostivarit.
Nga atje thonë se trupi është dorëzuar për autopsi.
Sipas raportimit, e mitura ka rënë nga luhatësja në parkun e Gostivarit, pas së cilës është transportuar në Qendrën Mjekësore Gostivar, ku në ora 20:55 mjekukujdestar ka konstatuar vdekjen.
Është njoftuar prokurori publik, me urdhër të të cilit trupi është dorëzuar për autopsi“, thonë nga SPB Tetovë.
TETOVË: PËRUROHET RRUGA E “SHTIPIT”
Rregulla të reja në lizingun financiar në Maqedoninë e Veriut
14-vjeçarja nga Kavadari ndërron jetë pasi ra nga një luhatëse në parkun e Gostivarit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
