Lajme nga vendi
Kuvendi shkarkon shtatë ministra në kuadër të rekonstruktimit të Qeverisë
Kuvendi i Maqedonisë së Veriut miratoi sot shkarkimin e një pjese të anëtarëve të Qeverisë, në kuadër të rekonstruktimit të paralajmëruar të kabinetit qeveritar, të propozuar nga kryeministri Hristijan Mickoski. Në seancën e 112-të u shkarkuan shtatë ministra dhe dy zëvendësministra njofton INA.
Nga detyra u shkarkuan ministri i Drejtësisë, Igor Fillkov, ministri i Bujqësisë, Pylltarisë dhe Ekonomisë së Ujërave, Cvetan Tripunovski, ministri për Marrëdhënie Ndërmjet Bashkësive, Ivan Stoilkoviq, ministri i Shëndetësisë, Azir Aliu, ministri i Politikës Sociale, Demografisë dhe Rinisë, Fatmir Limani, ministri i Vetëqeverisjes Lokale, Zlatko Perinski, si dhe ministri pa resor, Shaban Saliu.
Po ashtu, u shkarkuan edhe zëvendësministri i Politikës Sociale, Demografisë dhe Rinisë, Gjoko Velkovski, si dhe zëvendësministri i Kulturës dhe Turizmit, Sedat Sulejmani.
Duke arsyetuar vendimin para deputetëve, kryeministri Mickoski deklaroi se rekonstruktimi është pjesë e parimit të Qeverisë që funksionet publike të shihen si përgjegjësi dhe jo si privilegj.
“Nga dita e parë kur morëm përgjegjësinë, kam thënë se kjo nuk do të jetë një Qeveri komode, por një Qeveri e rezultateve. Funksionet nuk janë një e drejtë e fituar, por një obligim që duhet të arsyetohet çdo ditë”, tha Mickoski.
Ai theksoi se ndryshimet nuk duhet të interpretohen si mohim i punës së deritanishme të ministrave, por si fillim i një faze të re në punën e Qeverisë.
“Sot nuk po ndahemi nga njerëz që nuk kanë punuar, por nga njerëz që kanë dhënë kontributin e tyre në sektorë të ndryshëm për realizimin e programit për të cilin qytetarët na besuan mandatin”, u shpreh kryeministri.
Sipas tij, qëllimi i rekonstruktimit është rritja e efikasitetit dhe vazhdimi i zbatimit të programit qeveritar.
Nga opozita, ndërkohë, u vlerësua se ndryshimet janë të motivuara politikisht dhe se rekonstruktimi nuk është vetëm një riorganizim i kuadrove, por edhe përgatitje për zgjedhje të mundshme të parakohshme.
Deputeti i partisë E Majta (Levica), Borislav Krmov, kritikoi shkarkimin e ministrit të Bujqësisë, Cvetan Tripunovski, duke theksuar se deputetët e shumicës deri vonë e kishin lavdëruar punën e tij.
“Nëse ka punuar mirë, pse po e zëvendësojmë tani?”, pyeti Krmov, duke kritikuar gjithashtu gjendjen në sektorin e bujqësisë dhe vonesat në pagesën e subvencioneve.
Ai shtoi se Ministria e Bujqësisë prej vitesh po përdoret si pjesë e marrëveshjeve politike ndërmjet partnerëve të koalicionit, në vend që të trajtohet si një sektor strategjik për shtetin.
Krmov komentoi edhe ndarjen e resorëve pas ndryshimeve, duke vlerësuar se me këtë rekonstruktim më së shumti humb ZNAM, ndërsa koalicioni VLEN fiton më shumë hapësirë politike me marrjen e Ministrisë së Drejtësisë./INA/
Në kuadër të manifestimit “Tetova n`Festë”, Sheshi i Tetovs të hënën në mbrëmje u bë arenë e garave të bilardos.
Mjeshtrit e kësaj loje nga vendi por edhe nga Kosova e Shqipëria, para tetovarëve prezantuan aftësitë e tyre në këtë sport atraktiv dhe shumë të dashur për të rinjtë dhe jo vetëm, duke e shndërruar këtë mbrëmje në një festë të madhe tetovare.
Erdhi si favorit, por edhe në stolin e bilardos e meritoi këtë epitet.
Vendi i parë I takoi, Eklent Kaçit nga Shqipëria, disa herë kampion bote në bilardo.
EKLENT KAÇI – Kampion bote në bilardo
Në vendin e dytë u pozicionua Fitim Haradinaj nga Kosova, kurse në vendin e tretë u renditën Mirsad Zeqiri dhe Blendi Qazimi.
Organizatori Komuna e Tetovës për fituesit ndau Kupa dhe mirënjohje teksa ka uruar të gjithë pjesëmarrësit për një garë të nivelit të lartë sportiv në kuadër të Verës Tetovare.
IBRAHIM SADIKI – Organizator i turneut
BEDRI SIJARINA – Bilardist nga Kosova
Ndryshe ky turne i bilardos u transmetua drejtpërdrejt në faqen zyrtare të Facebookut të Tv Koha, ashtu sic do të transmetohen edhe dhjetëra aktivitete tjera sportive, kulturore, argëtuese gjatë verës tetovare./Tv Koha/
Ministri i deritanishëm për marrëdhënie ndërmjet bashkësive Ivan Stoillkoviq ia lëroi kolltukun ministrit të ri nga radhët e VLEN Agon Ferati. I tha se ka qenë shkurt në këtë pozitë.
Ferati është një profesionist i orientuar drejt rezultateve me përvojë të gjerë në menaxhimin e projekteve, politikat publike, qeverisjen e mirë, integrimin evropian dhe bashkëpunimin ndërkombëtar. Ai është alumn i Programit të Shkëmbimit të Këshillit Amerikan të Liderëve të Rinj Politikë (ACYPL) dhe ka ndjekur trajnime të avancuara profesionale në Institutin Robert Schuman, Universitetin Lund, Organizatën për Siguri dhe Bashkëpunim në Evropë (OSBE) dhe Zyrën e Kombeve të Bashkuara për Shërbime të Projekteve (UNOPS).
Sedat Sulejmani ka njoftuar se sot zyrtarisht ka marrë detyrën e Ministrit të Kulturës dhe Turizmit. Ai tha se prioritet do të jenë zhvillimi i artit dhe kulturës, konsolidimi i institucioneve kulturore dhe mbështetja e artistëve dhe krijuesve të rinj. Sulejmani falënderoi ministrin në largim, Zoran Ljutkov, për angazhimin dhe kontributin gjatë mandatit të tij.
“TETOVA OPEN – BILARDO” FRYMË E RE NË “VERËN TETOVARE” (foto)
Agon Ferati mori drejtimin e Ministrisë për Marrëdhënie ndërmjet Bashkësive
Sulejmani zyrtarisht në krye të Kulturës dhe Turizmit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
