Sport
LIGA E PARË: EKIPET VENDASE NISËN SEZONIN E RI ME FITORE TË SIGURTA
Pesë ndeshjet e xhiros së pare të sezonit të ri në Ligën e pare të futbollit vendor prodhuan pesë fitore të vendasve me 20 gola të shënuar prej të cilëve 19-të ekipet vendase dhe vetëm 1 gol për ekipet mysafire, një autogol dhe dy penalti një realizuar nga Bunjamin Shabani i Struga Trim Lum dhe një i humbur nga Besart Ibraimi i Shkëndijës.
Kuqezinjtë e nisin me fitore bindëse sezonin e ri në Ligën e parë, duke mposhtur Skopjen 3-0 me golat që i realizuan Ndzengue, Tamba dhe Rafa. Shkëndija dominoi lojën gjatë 90 minutave krijoi shumë raste por realizuan vetëm tre prej tyre. Besatrt Ibraimi në minutën e fundit të lojës nuk e realizoi 11 metërshin. Pas ndeshjes trajneri Pollozhani tha se është i kënaqur me rezultatin por jo edhe me lojën.
“Duke u bazuar te ndeshja, unë jam i kënaqur vetëm me rezultatin, sepse rezultati ishte fitorja jonë, por që unë mendoj që ne duhet të kemi qasje tjetër. Për vetë faktin që ne duhet të rrisim nivelin e vrapimit, duhet të rrisim nivelin me ritmin, sepse do na duhet pastaj edhe në kompeticionin tjetër, aty ku edhe jemi, në Kupat e Evropës. Nuk jam i kënaqur, pavarësisht kësaj që fituam me 3:0, por që qasja duhet të jetë akoma më në nivel të lartë, sepse në momentin që ne nuk kemi ritëm, në momentin që ne futemi te ritmi i kundërshtarit, ajo do na bëjë dëm dhe vlerësoj se kjo është e patjetërsueshme. Nuk ka shanse që ne të futemi te ritmi i kundërshtarit. Pra, kjo është ajo që ne do kërkojmë ose ne do tentojmë që ta arrijmë tek ajo pjesa jonë. Duke i pasur vështirësitë e ndeshjes së parë, duke i pasur vështirësitë e asaj që nuk kishim shumë kohë për ta analizuar kundërshtarin, sepse vjen nga një kategori më poshtë edhe nuk është se kishte miqësore që ti të dalësh me një konkluzion që si luan kundërshtari, dhe kjo sjell vështirësitë e veta. Por ajo që është me rëndësi është trepikëshi, por jo në këtë mënyrë” deklaroi trajneri Artim Pollozhani
Po dje fitore të thellë me rezultat 6 me 0 ka regjistruar edhe Sileksi në përballjen me Bashkimin e Kumanovës. Kjo fiasko e kumanovarëve ndoshta edhe është pritur pasi ekipi me përgatitje ka filluar vetëm disa ditë para fillimit të sezonit të ri.
Struga Trim Lum sezonin e ri e nisi me fitore të sigurt, pasi mposhti debutuesin në elitën e futbollit vendor Shkëndijën e Haraçinës 3-0. Në këtë ndeshje futbollisti Bunjamin Shabani luajti ndeshjen e 200 për ekipin Struga Trim Lum. Me këtë rast klubi e nderoi me një fanellë speciale me numrin 200.
Kampioni në fuqi ekipi i Vardarit shënoi fitore 2-0 kundër Bregallnicës.
Në ndeshjen hapëse të premten Tikveshi mundi Arsimin 5 me 1. Java e dytë e sezonit vjeshtor luhet më 8 dhe 9 gusht.
Në organizim të rinisë së fshatit Miletinë nga data 20 deri më 25 korrik u mbajt turneu tradicional i futbollit të vogël “Mërgimtarët 2026”. Gjatë pesë netëve sa zgjati turneu, ky event ishte një festë e vërtet për banorët e këtij vendbanim përfshirë këtu edhe mërgimtarët. Tetë ekipet pjesëmarrëse kryesisht nga Miletina për pesë netë me radhë dhuruan spektakël dhe emocione të pa përshkruara dhe kjo u vërejt edhe me praninë e madhe në natën finale kur edhe u shpallë më të mirët. Fituesi i këtij edicioni doli ekipi “Knauf Bajro”, të cilët në finale mundën ekipin “Auto Laker Meti” pas ekzekutimit të penaltive. Nasir Ajrullai në cilësinë e organizatorit u shpreh tepër i kënaqur me rrjedhën e turneut duke falënderuar të gjithë ata që e përkrahën.
“Kështu që na do të vazhdojmë çdo vit që ti ofrojmë fshatit një atmosferë që rina e fshatit dhe mërgimtarët të jenë sa më afër me rininë. Një falënderim të veçantë edhe njëherë posaçërishitë për mërgimtarët. Mërgimtarët janë ata që na nbështesën dhe normal rina e fshatit gjithsesi edhe për sponsorët tanë” deklaroi organizatori Nasir Ajrullai
Kapiteni i ekipit fitues “Knauf Bajro” Qemal Rasimi i emocionuar me atmosferën e krijuar gjatë pesë ditëve, fitoren ua dedikojë mërgimtarëve dhe gjithë fshatit.
I kënaqur me atmosferën e krijuar në natën finale u shprehë edhe lojtari i ‘Swiss Garden’ Naser Zenuni
Organizatori për fituesin ‘Knauf Bajrami’ ndau Kupë, mirënjohje dhe 400 Euro, për ekipin e dytë ’Auto Laker Meti” kupë mirënjohje dhe 200 Euro dhe për vendin e tret ekipit ‘Swiss Garden’ ndau kupë mirënjohje dhe 100 Euro. Lojtari më I mire I turneut u shpall Valmir Abduramani, golashënuesi më im mire Zemri Jashari dhe portier më I mire Lirim Ajrullai. Mirënjohje u ndanë edhe për arbritrat.Shaban Sinani – TV KOha
Gostivari ishte nikoqire e spektaklit të madh të boksit, ku u hvilluan tre duelke të boksit amator dhe katër në boksin profesional. Dulei i mbrëmjes ishte ajo në kategorinë cruiser mes Benjamin Imerit nga Gradeci dhe Edvin Moquera nga Kolumbia.
Mbrëmë në palestrën e sportit ‘Rinia’ në Gostivar u mbajt një spektakël i madh i boksit profesional “GLOBAL IMMOBILIEN NIGHT FIGHT” i përkrahur nga familja Tairi nga Dobërdolli.
Në këtë mbrëmje u zhvilluan katër duele të boksit profesional, ndërsa lufta kryesore ishte ajo në kategorinë cruiser mes boksierit Benjamin Imerit dhe Edvin Moquera nga Kolumbia që përfundoi me fitoren e Imerit në raundin e tretë me nokaut.
Kujtojmë se boksieri 23-vjeçar Benjamin Imeri, i cili ka 15 fitore në boksin profesional, është boksieri i parë shqiptar që ka fituar titullin WBA Junior Champion.
Pas fitores boksieri Benjamin Imeri ekskluzivisht për TV Koha tha se ndihet i lumtur por ka edhe shumë punë për të bërë.
‘’Ndihem i lumtur por por jo i plotësuar mund të them. Kam ende shumë punë për të bërë, më presin shumë punë. Tani me këtë fitore shpresoj të jemë në top 40 e botës . Tani duhet me shtuar edhe punën më shumë dhe të përgatitem , të hy në kampin stërvitore sa më shpejt dhe do vazhdoj prapë me stërvitje derisa të mbrujë numri një i Botës. Qëllimi është si të gjithë boksierët që jem kampion i Botës’’ deklaroi Benjamin Imeri
Benjamin Imeri deri më tani ka 15 luftëra, të gjitha fitore, prej të cilave 13 me nokaut, ndërsa për duelin e radhës do të vendosin menaxheri dhe promotori i tij. Ai tha se fitoren e 15 u dedikon Gostivarit
‘’Këtë fitore ia dedikoi Gostivarit që më ka përkrahur dhe i falënderoi shumë’’ tha ai
Në luftërat tjera të boksit profesional, Ervis Lala që jeton në Itali mundi Srgjan Nikoliq nga Bosnja me nokaut në raundin e tretë, meksikani Anthony El Moeti mundi spanjollin Christian Narvaez me nokaut në raundin e dytë dhe boksieri nga Shqipëria Aldjon Koladani me nokaut në raundin e parë mundi boshnjakun Milosh Vuletiq.
Shkëndija pësoi disfatë 2:1 nga NK Bravo në ndeshjen e parë të raundit të dytë eliminator të UEFA Konferencë Liga. Ky rezultat jep shpresë që në ndeshjen kthyese më 30 korrik në Shkup, me angazhim maksimal dhe me përkrahjen e tifozëve të shënon rezultatin që do t`i siguron kualifikim në raundin e tretë.
Shkëndija është mposhtur me rezultat 2:1 nga skuadra sllovene NK Bravo në Lubjanë ndeshjen e parë të raundit të dytë eliminator të UEFA Konferencë Liga.
Kuqezinjtë kaluan të parët në minutën e 11-të me golin e Endrit Krasniqit nga pika e bardhë, por vendasit arritën të përmbysin gjithçka me golat e Kopatinit dhe Stankoviçit.
Përkundër humbjes, Shkëndija krijoi raste dhe dominoi lojën. Statistikat flasin se posedimi I topit ishte në anën e Shkëndisë me 61%. Kuqezinjtë patën 12 goditje drejt portës, prej të cilëve, 5 në kuadrat kundrejt Bravos me 8 goditje 3 në kuadrat. Shkëndija realizoi 5 goditje këndore kurse skuadra sllovene 1, shifra që flasin se kualifikimi mbetet i hapur për ndeshjen e kthimit.
Pas ndeshjes, trajneri Artim Pollozhani doli përpara mediave për të dhënë analizën e tij.
“Unë i përgëzova çunat për paraqitjen që bënë. Mendoj që kemi bërë një ndeshje të bukur, një ndeshje me shumë raste me një kundërshtar që ne e patëm potencuar edhe më parë që është jashtëzakonisht taktikisht i vendosur mirë në fushë. Normalisht ajo që nuk funksionoi, unë mendoj që është finalizimi, sepse në momentet që në një ndeshje në Kupat e Evropës prodhon volum aq të lartë edhe prodhon raste para portës, që janë që mundësi goli, unë mendoj që është pozitive sepse rastet janë. Tani patjetër që ne duhet të punojmë te kjo pjesa e finalizimit sepse normal në Kupat e Evropës çdo gol është jashtëzakonisht i vlefshëm, çdo gol sidomos në fushën kundërshtare është i vlefshëm, por që më mërzit fakti që prodhuam raste dhe finalizimi mungoi. Kjo është për meritë të çunave sepse unë mendoj që kanë bërë një ndeshje të mirë” deklaroi trajneri Pollozhani
Disfata në ndeshjen e parë është një rast i mirë që me një qasje serioze në ndeshjen kthyese, rezultati mund të përmbyset dhe të kalohet në raundin e tretë kualifikues, ku gjasat janë reale që Shkëndija të përballet me Malishevën.
“Në të tilla ndeshje, praktikisht ndeshje që janë në Kupat e Evropës, nuk ka siguri rezultati. Kështu që edhe po të ishim në një rezultat më pozitiv, praktikisht në Shkup do të duhej të futeshim maksimalisht për ta fituar ndeshjen. Kështu që ndonjëherë ky rezultati negativ është edhe i dobishëm në aspektin e asaj për shembull që futesh me një qasje tjetër në lojë. Jo se po të ishte rezultati pozitiv ne nuk do futeshim me qasje maksimale, përkundrazi, sido që të ishte rezultati ne do futeshim, por unë po e potencoj edhe një herë që më vjen keq për çunat sepse bënë ndeshje të mirë, prodhuam por mungoi finalizimi” tha trajneri Pollozhani
Ndeshja kthyese Shkëndija – NK Bravo zhvillohet më 30 korrik me fillim në ora 20:00 në Shkup.
KNAUF BAJRO FITUESI I TURNEUT “MËRGIMATRËT“ NË MILETINË
LIGA E PARË: EKIPET VENDASE NISËN SEZONIN E RI ME FITORE TË SIGURTA
Grevë e doganierëve grekë, priten kolona të gjata në pikat kufitare Bogorodicë dhe Dojran
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
