Sport
KF SHKËNDIJA ME PËRMBYSJE HEROIKE ELIMINOI NK BRAVO
Shkëndija me fitoren 3-1 kundër ekipit slloven NK Bravo në ndeshjen kthyese të raundit të dytë kualifikues të UEFA Konferencë Liga siguroi kualifikim në raundin e tretë dhe sërish mbetet skuadra e vetme nga Maqedonia e Veriut që do të përfaqësojë vendin në garat Europiane. Në raundin e tretë kuqezinjtë do të përballen me skocezët e Hibernian.
Shkëndija siguroi kualifikimin në raundin e tretë kualifikues të UEFA Konferencë Liga, pasi në stadiumin në Shkup mposhti Bravon e Sllovenisë me rezultat 3:1, duke përmbysur disavantazhin prej një goli 2:1 nga ndeshja e parë në Slloveni.
Kuqezinjtë dominuan takimin që nga minuta e parë, por ishin mysafirët ata që kaluan në epërsi në minutën e 17-të me golin e Jovan Stankoviqit. Shkëndija barazoi shifrat 1-1 në minutën e 36-të me autogolin e Jovan Gashper.
Në pjesën e dytë, Shkëndija nisi më fuqishëme përkrahur edhe denjësisht nga tifozët e pranishëm dhe sidomos pas inkuadrimit në lojë të Endrit Krasniqit dhe më pas edhe të Marko Gjorgjievskit vazhdoi me ritëm të lartë dhe në minutën e 50-të Almir Kryeziu realizoi me kokë pas asistimit të Tambës, duke përmbysur rezultatin në 2:1, ndërsa goli i kualifikimit erdhi në minutën e 88-të, kur Marko Gjorgjievski shënoi golin e parë me fanellën kuqezi dhe vulosi fitoren 3:1 dhe kualifikimin në raundin tjetër.
Pas këtij suksesi, trajneri Artim Pollozhani dha analizën e tij mbi lojën, manovrën taktike dhe qasjen e skuadrës.
“Unë mendoj që ishte një ndeshje e rëndësishme, por që e manovruar jashtëzakonisht mirë nga lojtarët tanë. Dhe për të duhet t’i përgëzoj lojtarët, sepse është merita e tyre. Nuk ishte e lehtë nga fakti që kishim një kundërshtar që mbyllet në bllokun e dytë edhe pret për tranzicione pozitive. Këtë armë të fortë të tyre unë mendoj që e eliminuam në aspektin e asaj që kishim tranzicione të forta negative, kështu që dolëm praktikisht tek ndeshja jonë edhe unë mendoj që kjo është meritë plotësisht e futbollistëve” deklaroi trajneri Artim Pollozhani
Trajneri ka falënderuar edhe mbi shtatë mijë tifozët e pranishëm në tribunat e stadiumit për përkrahjen dinjitoze duke u bërë pjesë e këtij suksesi të madh për simbolin e futbollit shqiptar në Maqedoninë e Veriut
“Patjetër. Unë dua t’i falënderoj të gjithë ata që ishin të pranishëm sot, të gjithë ata që na mbështetën, patjetër edhe “Ballistët”, sepse ata unë i përmenda edhe dje, janë me ne në çdo ndeshje. Por edhe pjesa tjetër e publikut na ka mbështetur jashtëzakonisht shumë. Neve na mbetet t’ua kthejmë me ndeshje të bukura. Tani, çështja e këtyre biletave pa pagesë mendoj që nuk më takon mua, por them se klubi ka bërë një gjest të mrekullueshëm. Shpresoj që të vazhdojë, është kohë pushimesh, por që prezenca ishte e kënaqshme duke pasur parasysh që edhe është larg nga Tetova. Por unë e thashë edhe dje e përsëris edhe sot, që Shkëndija nuk ka tifozë vetëm në Tetovë, ka edhe në qytete të tjera tifozë” tha trajneri Pollozhani
Me këtë sukses, Shkëndija vazhdon rrugëtimin evropian dhe në raundin e tretë kualifikues të UEFA Konferencë Liga do të përballet me Hibernianin e Skocisë. Ndeshja e parë zhvillohet në Edinburg më 6 gusht, me fillim në ora 19:00 ndërsa ajo kthyese më 13 gusht në Shkup po me fillim në ora 19:00.
SHABAN SINANI – TV KOHA
Aleksandër Zverev në kategorinë e meshkujve dhe Elena Rybakina në atw të femrave janë fituesit e grand slam-it US Open 2026. Zverev mundi amerikanin Ben Shelton, ndërsa Rybakina mundi bjellorusen Sabalenka.
Tenisti gjerman Aleksandër Zverev në finalen dramatike grand slam-it US Open 2026, mundi amerikanin Ben Shelton 3-1 në sete, në duelin që zgjati 3 orë e 36 minuta ale të US Open 2026.
Për gjermanin Aleksandër Zverev ishte kjo finalja e dytë në një Grand Slam në Nju Jork. Në vitin 2020, ai humbi ndaj Dominik Thiem. Ndërsa Shelton arriti në finalen e tij të parë në një Grand Slam. Përpara finales në Nju Jork, Zverev dhe Shelton nuk kishin luajtur kurrë kundër njëri-tjetrit në një turne Grand Slam. Ata kanë gjithsej gjashtë ndeshje mes veti të cilat të gjitha i ka fituara gjermani.
Në kategorinë e femrave Elena Rybakina ka shkruar historinë duke fituar titullin e US Open 2026, pasi mposhti në një finale spektakolare numrin 1 të botës dhe dy herë kampionen në fuqi, Aryna Sabalenka, me rezultatin 2-1 në sete.
Duke filluar nga e hëna, Rybakina do të jetë zyrtarisht numri 1 i ri i renditjes botërore.
Për 27-të vjeçaren, ky është titulli i tretë Grand Slam në karrierë dhe i dyti për këtë sezon, pas suksesit në Australian Open 2026 dhe triumfit të saj të mëparshëm në Wimbledon 2022.
Një gjest sportiv dhe emocional ka prekur zemrat e futbolldashësve në terrenet e Ligës së Tretë.
Opinioni sportiv por edhe I gjithë vendi u trondit nga lajmi tragjik për vdekjen e 21-vjeçarit, Daniel Nikolovski.
Ramadan Sherifi i cili e shënoi për KF Drita në duelin e xhiros së parë kundër Jehonës së Përshefcës që përfundoi me rezultatin 7:1, golin ia dedikoi futbollistit 21-vjeçar Daniel Nikolovskit, i cili humbi jetën në një aksident trafiku. I ndjeri këtë verë iu bashkuar skuadrës së Dritës nga Bogovina.
Gjesti i Sherifit ka bërë jehonë të madhe në vend duke dëshmuar edhe një herë se sporti bashkon njerëzit.
Talenti nga Tetova humbi jetën në një aksident të rëndë trafiku që ndodhi në drejtimin rrugor Mavrovë – Gostivar. Paraprakisht kishte luajtur për Teteksin, skuadrën gjermane Relingen dhe atë kroate Vitez nga Zara.
Tre fitore të ekipeve vendase, një barazim dhe dy fitore të ekipeve mysafire me gjithsejt 17 gola të shënuar është epilogu i gjashtë ndeshjeve të zhvilluara në xhiron e pestë në ligën e dytë të futbollit. Ndeshja Rabotniçki – AP Brera është anuluar.
Makedonija Gj.P shënoi fitore minimale 1-0 kundër debutuesit në Ligën e dytë ekipit të Kamjanit me një gol të vetë që e realizoi Temelkov në minutën e 70 të lojës.
Me këtë fitore vendasit i dhanë fund serisë prej dy humbjesh dhe iu afruan pjesës së epërme të tabelës me 7 pikë po aq sa ka edhe Kamjani
Në ndeshjet tjera kryesisht fitore kanë shënuar ekipet favorite si Ohri në përballjen me Euromilk 2-1, Novaci kundër Detonit Plaçkovica 3-1, Pelisteri ndaj Shkupit , Osogova në terren të vet pësoi humbje nga Kozhufi 0-1 dhe Shkupi vazhdon të mbetet skuadra e vetme pa asnjë fitore pasi dhe pësoi 0-4 nga Pelisteri.
Në ndeshjen e para fundit të javës së pestë mbrëmë në Strumicë Bellasica dhe Teteksi luajtën barazim 2-2, ndërsa ndeshja Rabotniçki – AP Brera është anuluar.
Pas kompletimit të javës së pestë në ligën e dytë tabelën e kryeson Ohri me 12 pikë e ndjekur nga Pelisteri me 11 dhe AP Brera me 10 pikë dhe një ndeshje më pak. Kamjani me 7 pikë në pozitën e gjashtë.
Ulet çmimi i dizelit, shtrenjtohet çmimi i benzinës
MINISTRI SHASIVARI: DEKLARATA IME U SHTREMBËRUA PËR PËRFITIME POLITIKE!
TENIS: ZVEREV DHE RYBAKINA FITUES NË US OPEN 2026
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga vendi2 months agoDyvjeçar nga Kumanova helmohet me tretës ngjyre, dërgohet në Klinikën “Nëna Terezë”
-
Lajme nga bota2 months agoFranca në alarm, zjarret i afrohen Bordeaux, Macron mbledh qeverinë në takim krize
-
Lajme nga bota2 months agoFestivali kthehet në tragjedi, dy të vrarë dhe disa të plagosur nga të shtënat në Uashington. Arrestohet autori