Sport
SHESHI I TETOVËS ARENË SPEKTAKLI TË BOKSIT DHE KIKBOKSIT
Në kuadër të manifestimit ‘Tetova n’Festë’ sheshi Lirira mbrëmë u shëndrua në arenën e sporteve luftarake ku boksier dhe kik boksier nga vendi dhe rajoni dhuruan një mbrëmje plot energji dhe garë. Boksieri tetovar Muarem Muaremi u shpall boksier i më mirë i këtij turneu ndërkombëtar
Në kuadër manifestimin ‘’Tetova n’Festë’ në një atmosferë të jashtëzakonshme sportive mbrëmë në sheshin ‘’ILirija’’ në organizim të klubit të boksit Shkëndija Boks që drejtohet nga Jusuf Hashimi në bashkëpunim me Federatën Nacionale të Boksit si klubit të Kik Boksit ‘’Alfa Gim’’ u mbajt turneu ndërkombëtar i boksit dhe të kik boksit, ku morën pjesë boksierë nga Shqipëria , Kosova, Bullgaria, Mali Zi dhe Maqedonia e Veriut dhe kik boksier nga Bosnja e Hercegovina. Delegat zyrtar i këtij turneu ishte Xhengis Prokaj. Në bazë të programit të paraparë nga organizatorët, u zhvilluan gjithsejt 9 lufta në boks dhe 4 lufta të kik boksit.
Boksieri më mirë i mbrëmjes në kategorinë e të rinjve unanimisht u shpall Ilir Selmani i klubit të boksit Shkëndija Boks, boksier më mirë jashtë vendit u shpall boksieri shqiptar Elton Gashi, teknik u më mirë Semi Elmazi i Shkëndija Boks , lufta më e mirë ishte ajo mes Donjet Ramanit dhe Denis Hysenlikaj, ndërsa boksieri më mirë Muharem Muharemi i klubit të boksit Shkëndija Boks.
Organizatori në shenjë respekti me mirënjohje nderoi trajneri nga Mali Zi dhe Bullgari referen bullgare Maria Georgieva Djundjurova. Një mirënjoheje e veçantë iu nda edhe për Kryetarin e Komunës së Tetovë Bilall Kasami.
Në sportin e Kik Boksit u zhvilluan katër duele ku në kategorinë e fëmijëve fitues doli Tiar Tairi, ndërsa në kategorinë e rëndë fituesi Dushko Jovçevski, në boksin ekstrem fituesi doli Toshe Cvetkov dhe në luftën kryesore të kik boksit fitues doli Stane Bojçevski.
Këtë event të boksit dhe kik boksit në sheshin ‘‘Ilirija’’ në Tetovë gjatë gjithë kohës e ndoqën një numër i konsiderueshëm i adhuruesve të boksit të cilët mbetën të kënaqur me cilësinë tyre sidomos të boksierëve të klubit Shkëndija Boks.
SHABAN SINANI – TV KOHA
Java e 10-të e sezonit vjeshtor në Ligën e dytë vazhdon të shtunën me tre përballje dhe të dielën me katër duele. Stadiumi I Kamjanit të dielën në ora 13:30 është nikoqire e derbit të Pollogut Kamjani – Teteksi.
Të shtunën dhe të dielën në gjitha terrenet e ekipeve të Ligës së Dytë, në program janë ndeshjet e javës së 10-të të sezonit vjeshtor.
Kjo javë karakterizohet me disa ndeshje mjaftë interesante që drejtpërdrejtë do të ndikojnë në renditjen në tabelën e klasifikimit.
Të shtunën,në program janë tre ndeshje; Euromilk – Kozhufi, AP Brera – Novaci dhe Shkupi – Ohri.
Të dielën në stadiumin e Kamjanit për herë të parw si anëtare të Ligës së dytë të Maqedonisë së Veriut do të zhvillohet një ndeshje derbi mes KF Kamjani dhe KF Teteksi.
Aktualisht dy skuadrat gjenden në mesin e tabelës me Kamjanin që mbanë pozitën e pestë me 14 pikë, ndërsa Teteksi në vendin e gjashtë me 13 pikë. Interesimi për të ndjekur këtë ndeshje është i madh andaj publiku ekipin e tyre duhet të përkrahë në mënyrë dinjitoze.
Të dielën zhvillohen edhe ndeshjet Pelisteri – Detonit PLaçkovica , Rabotniçki – Bellasica dhe Makedonija Gj.P – Osogova
Të gjitha ndeshjet e xhiros së 10-të në Ligën e dytë të futbollit vendor fillojnë në ora 13-30.
Reprezentacioni i karatesë së Maqedonisë së Veriut në Kampionatin Ballkanik për kadetë, juniorë dhe U-21 që do të mbahet nga data 6 deri më 8 nëntor në Stamboll do të prezantohet me 75 garues.
Nga data 6 deri 8-të nëntor Stambolli është nikoqire edicionit të 26-të me radhë Kampionati Ballkanik i karatesë për kadet junior dhe U-21, ku pjesëmarrjen e kanë konfirmuar reprezentacionit Shqipërisë, Kosovës, Maqedonisë s Veriut, Bosnja e Hercegovina, Bullgarisë, Kroacisë, Qipros, Greqisë, Malit të Zi, Rumanisë, Serbisë, Sllovenisë si dhe nikoqirit Turqisë.
Drejtori sportiv i reprezentacionit në Federatën e karatesë së Maqedonisë së Veriut, Arlind Huseini për TV koha tha se pas sukseseve në kampionatin botërorë, pret suksese edhe në Kampionatin Ballkanik që do të mbahet në Stamboll,ku vendi ynë përfaqësohet me 75 garues.
Ndër aktivitetet e rëndësishme që do të mbahet gjatë këtij viti gjithsesi se është edhe Turneu Mbarëkombëtarë i karatesë që tradicionalisht mbahet me rastin e Ditës së Flamurit kombëtar 28 Nëntorit.
‘’Turneu mbarëkombëtarë për ditën e Flamurit 28 Nëntorit, do të zhvillohet përsëri në Tiranë me datën 28 dhe 29 nëntor, ku edhe ku edhe vendet pjesëmarrëse në fakt klubet shqiptare do të marrin pjesë nga i gjithë rajoni Mali i Zi, Kosova, Shqipëria , Presheva normal edhe klubet nga Maqedonia ‘’ tha Arlind Huseini
Nga këto aktivitete të reprezentacionit të karatesë krahas pjesëmarrjes dhe padyshim edhe sukseseve, pritet edhe mbajtja në kontinuitet e formës së garuesve për garat e ardhshme ndërkombëtare që do të mbahen edhe në vitin 2027.
Përfaqësuesja zvicerane do të jetë e kompletuar për dy ndeshjet e nëntorit në kuadër të Ligës së Kombeve pasi rikthehen e Xhaka dhe Embolo. Granit Xhaka vazhdon të mbetet kapiten i ekipit zviceran.
Ylli I futbollit zviceran futbollisti shqiptar Granit Xhaka do të rikthehet në grumbullim me Zvicrën për dy ndeshjet e nëntorit kundër Sllovenisë dhe Skocisë në kuadër të UEFA Liga e Kombeve.
Vendimi është marrë nga bordi qendror i Federatës Zvicerane të Futbollit SFV pas një shqyrtimi të plotë të procedurave të përfunduara në lidhje me blerjen e certifikatave të falsifikuara të COVID në vitet 2021 dhe 2022.
Krahas Garnit Xhakës në përfaqësuesen e Zvicrës rikthehet edhe Breel Embolo, pasi që edhe ai ishte suspenduar.
Xhaka, mungoi në katër ndeshjet e shtatorit dhe tetorit në “Ligën e Kombeve ” pasi që kishte pranuar se falsifikoi testet e COVID-19, ku u shpall edhe fajtor nga një gjykatë në Lucern.
Kujtojmë se në raundin e pestë në Liga B grupi 1 më 3 nëntor përballen Skoci – Maqedoni e Veriut dhe Slloveni – Zvicër.
Shaban Sinani – TV Koha
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13