Lajme nga vendi
Lefkov: Prokuroria e mbrojti Filipçen për spitalin modular, Ligji për ndërtim u ndryshua për të ndërtuar objektet
Deputeti dhe anëtari i Komitetit Ekzekutiv të VMRO‑DPMNE, Mile Lefkov, në konferencën e sotme për shtyp akuzoi se kreu i Prokurorisë për ndjekjen e krimit të organizuar dhe korrupsionit (PPKOK), Islam Abazi, e ka mbrojtur ish‑ministrin e Shëndetësisë Venko Filipçe lidhur me rastin e spitalit modular në Tetovë.
Sipas Lefkovit, lënda për vite me radhë nuk është procesuar siç duhet, për që në fund të mbyllet pa hetim të duhur. Ai theksoi se përgjegjësia për tragjedinë ku humbën jetën 14 persona qëndron te udhëheqësia e atëhershme dhe ndryshimet e rregullativave ligjore.
„Pse mendojmë se Filipçe është fajtor direkt në këtë rast? Sepse para se të ndodhte zjarri në spitalin modular ku humbën jetën 14 bashkëqytetarë tanë, në vend që të përmirësoheshin standardet e spitaleve, Ministria e Transportit dhe Lidhjeve, me propozim të qeverisë, e ndryshoi Ligjin për ndërtim me procedurë të përshpejtuar, me qëllim që ky tip objektesh të vendoset si pajisje urbane për vendosjen e të cilave lejen do ta jepte Ministria e Shëndetësisë, pra ministri i atëhershëm Venko Filipçe,“ deklaroi Lefkov.
Nga partia theksojnë se këto objekte nuk kanë pasur dokumentacion të duhur dhe leje për përdorim sipas rregulloreve në fuqi.
„Këto spitale nuk janë regjistruar në kadastër, nuk kanë marrë vendim nga qeveria për përdorim të përhershëm dhe nuk kanë leje për përdorim sipas rregullores për hapësirë, pajisje dhe kuadër. Për këto gjëra ka evidencë në njësinë e projektit në Ministrinë e Shëndetësisë dhe e njëjta është dorëzuar në Prokurorinë Publike për krim të organizuar më 12.12.2023,“ theksoi deputeti.
Lefkov shprehu pakënaqësi për vendimin e prokurorit Abazi që të mos nisë procedurë mbi materialet e dorëzuara.
„Edhe pas kësaj, Abazi thotë se rasti duhet të mbyllet, sepse nuk ekziston dyshim për keqpërdorim të pozitës zyrtare. Për shkak të individëve të korruptuar si Abazi, Filipçe në vend që të përgjigjet, do të qeshë nga foltorja partiake dhe do të shijojë në jahtin e Zaevit,“ shtoi Lefkov.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13