Kryeministri Hristijan Mickoski, në një intervistë ekskluzive për “Breitbart News”, theksoi hapur mbështetjen e fuqishme për presidentin amerikan Donald Trump dhe administratën e tij, duke shpresuar se gjatë Asamblesë së Përgjithshme të ardhshme të Kombeve të Bashkuara do të ketë mundësi të takohet me të, në Shtëpinë e Bardhë ose në ndonjë lokacion tjetër në Shtetet e Bashkuara të Amerikës.

Në intervistën, për “Breitbart Njuz”, Kryeministri Mickoski thekson se Maqedoniae Veriut e mbështet “fuqishëm” politikën e Trumpit dhe se qeveria e tij, që para zgjedhjeve presidenciale të vitit 2024, kishte dërguar mesazhe mbështetjeje te njerëzit e rrethit më të ngushtë të presidentit aktual amerikan.

Ai pretendon se Maqedonia është një nga aleatët më të fuqishëm të Shteteve të Bashkuara në Ballkan dhe se vendi vazhdimisht i ka mbështetur qëndrimet e administratës së Trumpit, përfshirë edhe gjatë votimeve në Kombet e Bashkuara.

Mickoski gjithashtu deklaroi se me kënaqësi do ta priste Trumpin në Maqedoni, nëse presidenti amerikan vendos ta vizitojë rajonin.

Maqedonia dëshiron të jetë pjesë e Bashkimit Evropian dhe në atë rrugë kemi bërë shumë lëshime, të cilat, sipas burokratëve nga Brukseli dhe nga e gjithë bota, duhej të ishin gjëja e fundit që do të bënim. Por, për fat të keq, ata na tradhtuan dhe na mashtruan, thekson kryeministri Hristijan Mickoski në intervistën për “Breitbart News”.

Advertisement

Mickoski e përshkroi anëtarësimin në BE si objektivin e dytë kyç, pas partneritetit strategjik me SHBA-në.

“Po e dobësojnë krahun jugor dhe lindor të NATO-s duke na kufizuar që të bëhemi pjesë e BE-së, sepse sa më e fuqishme ekonomikisht të jetë vendi im, aq më i qëndrueshëm do të jetë krahu lindor i NATO-s. Do të mund t’i modernizojmë shumë më shpejt forcat tona të armatosura dhe të investojmë më shumë në korridoret që janë të rëndësishme për qëllimet logjistike të NATO-s. Pra, ekzistojnë shumë arsye pse duhet të jemi pjesë e BE-së dhe kjo është një arsye shtesë që Shtetet e Bashkuara të Amerikës dhe administrata e presidentit Trump të na mbështesin”, thekson Mickoski në intervistën ekskluzive për “Breitbart Neës”.

 Gjatë një vizite në Drejtorinë për Punë Hidrometereologjike, Kryeministri Hristijan Mickoski deklaroi sot se do të ishte “më i lumturi” nëse SHBA-ja nuk do t’u jepte viza imigruese qytetarëve të Maqedonisë, duke thënë se politika e Qeverisë është që emigrantët t’i kthejë në vend.

Ndryshe, në janar të këtij viti SHBA-ja vendosi një ndalesë që nënkuptonte pezullimin e lëshimit të vizave për qëndrim të përhershëm për qytetarët e 75 vendeve. Në listë, përveç Maqedonisë, ishin edhe Mali i Zi, Bosnjë e Hercegovina dhe Kosova, si dhe vende nga Ballkani, Lindja e Mesme, Afrika, Azia dhe Karaibet.

Ditëve të fundit, një gjykatë federale në SHBA anuloi ndalesën për lëshimin e vizave imigruese për shtetasit e 75 vendeve, mes tyre edhe Maqedoninë.

Advertisement

Për qytetarët maqedonas, masa nënkuptonte pezullimin e lëshimit të vizave imigruese për ata që planifikonin të shpërnguleshin në SHBA, ndër të tjera për bashkim familjar ose për shkak të punësimit.

Ndalimi nuk u referohej vizave joimigruese, siç janë vizat turistike dhe studentore./Tv Koha/ 

Tetovës i duhen drunj, jo prerje!

Kështu thonë nga “Më Mirë për Tetovën” duke shprehur shqetësime dhe kundërshtuar ashpër praktikën, sic thonë ata,  primitive dhe të papërgjegjshme të prerjes së vazhdueshme të drunjve në Tetovë, në kohën kur po përballemi me pasojat gjithnjë e më të rënda të ngrohjes globale, temperatura ekstreme dhe ndotje të rëndë të ajrit.

“Më Mirë për Tetovën” duke publikuar fotografi nga aksionet e komunës së Tetovës për prerjen e drunjve, rikujton se hija e drunjve mund t’i mbajë sipërfaqet 11 deri 25 gradë më të freskëta krahasuar me ato të ekspozuara drejtpërdrejt në diell.

Kërkojmë nga Komuna e Tetovës që për çdo dru të prerë të bëjë publike bazën dhe vendimin me të cilin është lejuar prerja, si dhe vlerësimin profesional mbi nevojën e ndërhyrjes. Ligji për gjelbërimin urban përcakton procedurë për prerjen dhe krasitjen e drunjve – këto ndërhyrje nuk mund të bëhen në mënyrë arbitrare. Kërkojmë gjithashtu transparencë për masat kompensuese dhe zëvendësimin e drunjve të prerë. Një dru i madh nuk zëvendësohet thjesht me një fidan. Duhen vite e dekada për të rikthyer hijen dhe vlerën ekologjike që humbasim sot.

Tetova ka nevojë për gjelbërim, por edhe për përgjegjësi dhe fakte – kundërpërgjigjen nga Komuna e Tetovës, duke sqaruar se çdo ndërhyrje në gjelbërimin urban bëhet për arsye konkrete dhe me qëllim të mbrojtjes së qytetarëve dhe mirëmbajtjes së hapësirave publike.

Advertisement

NPK “Tetova” nuk është kundër gjelbërimit, përkundrazi, në periudhën e fundit janë mbjellë qindra fidanë të rinj, janë zëvendësuar drunj të dëmtuar dhe është punuar në mirëmbajtjen dhe zgjerimin e hapësirave të gjelbra në qytet. Ne besojmë se debati për gjelbërimin e Tetovës duhet të bazohet në fakte, ekspertizë dhe punë konkrete, e jo në deklarata politike që krijojnë përshtypjen se çdo ndërhyrje është e pajustifikuar.

Komuna e Tetovës, ka sjellë dëshmi dhe fakte rreth gjendjes se drunjve, ku është publikuar një mendim i ekspertëve nga 06 Gushti i këtij viti, lidhur me urgjencën e intervenimit për një dru në oborrin e Gjimnazit të Tetovës, ku ekspertët nga Fakulteti për Shkenca Pyjore dhe Katedra për Botanikë dhe Dendrologji , kanë rekomanduar që me urgjencë druri në fjalë të mënjanohet pasi paraqet rrezik potencial për nxënësit dhe të punësuarit në Gjimnazin e Tetovës./Tv Koha/ 

Tre mijë nxënës më pak do të ulen këtë vit shkollor në bankat e shkollave në Maqedoninë e Veriut, krahasuar me vitin e kaluar, ndërkaq është paralajmëruar edhe mbyllja e 16 shkollave fillore, kryesisht shkolla periferike në vendbanime rurale.

Ministria e Arsimit dhe Shkencës (MASH) prej kohësh ka paralajmëruar riorganizimin e rrjetit të shkollave, ndërsa nga ky institucion thonë se procesi do të vazhdojë edhe në të ardhmen, për shkak të rënies së vazhdueshme të numrit të nxënësve.

Kjo është lista me shkollat që pritet të mbyllen.

Nga MASH-i, për Portalb.mk sqaruan se qytetarët duhet të kenë parasysh se ministria nuk i mbyll drejtpërdrejt shkollat, por u sugjeron komunave se cilat shkolla duhet të mbyllen për shkak të numrit të vogël të nxënësve.

Sipas MASH-it, bashkimi i shkollave periferike me ato qendrore synon që fëmijët të kenë më shumë mundësi për shoqërim dhe ndërveprim me bashkëmoshatarët, ndërsa njëkohësisht të shmangen shpenzimet shtesë për mirëmbajtjen e objekteve shkollore që kanë më pak se dhjetë nxënës.

Nga ministria shtuan se disa prej shkollave periferike nuk kanë as kushtet e nevojshme për zbatimin e teknologjive bashkëkohore në procesin arsimor, duke e konsideruar këtë një tjetër arsye për riorganizimin e tyre.

Advertisement

Por, për banorët e zonave rurale, mbyllja e shkollave nuk është vetëm çështje e optimizimit të sistemit arsimor. Ajo ngre edhe shqetësimin se fëmijët do të duhet të udhëtojnë disa kilometra për të ndjekur mësimin në shkollat qendrore, ndërsa familjet mund të kenë më shumë arsye për t’u larguar nga vendbanimet e tyre.

Kujtojmë se në qershor banorët e Kosternikut të Kumanovës protestuan para shkollës së fshatit, kundër paralajmërimeve të Ministrisë së Arsimit dhe Shkencës për mbylljen e shkollave me numër të vogël të nxënësve në vend.

Në shkollën e tyre periferike “Vëllezërit Ribar”, procesin edukativo-arsimor zakonisht e ndjekin rreth dhjetë nxënës. Kjo e vendos shkollën në kategorinë e atyre që mund të mbyllen, bazuar në kriteret e paralajmëruara nga ministrja e Arsimit dhe Shkencës, Vesna Janevska. Megjithatë, shkolla periferike e “Vëllezërit Ribar” në Kosternik nuk është aktualisht në listën e shkollave që do të mbyllen këtë vit.

Banorët thonë se, në rast të mbylljes së shkollës, fëmijët do të duhet të udhëtojnë rreth shtatë kilometra deri në shkollën më të afërt. Sipas tyre, një vendim i tillë mund ta përshpejtojë edhe më shumë largimin e të rinjve nga fshati dhe emigrimin.

Në protestën e qershorit, banorja e Kosternikut, Lindita Azemi, foli për vështirësitë që do të sillte mbyllja e shkollës për familjet e fshatit. Si nënë e një vajze gjashtëvjeçare, ajo tha se do të ishte problem që fëmija i saj që nga klasa e parë të udhëtonte në Kumanovë.

Advertisement

“Qytetin e kemi larg gati shtatë kilometra nga këtu. Ne si prindër dhe si fshat jemi kundër mbylljes së shkollës”, u shpreh ajo.

Rënia e numrit të nxënësve nuk është problem vetëm i këtij viti shkollor. Sipas statistikave, në shtatë vitet e fundit numri i nxënësve në Maqedoninë e Veriut është zvogëluar për rreth 17 mijë.

Vetëm gjatë një periudhe pesëvjeçare, rreth 30 shkolla në mbarë vendin janë mbyllur për shkak të mungesës së nxënësve. Krahas mbylljes së objekteve shkollore, ka rënë edhe numri i paraleleve, duke u reduktuar me dhjetëra çdo vit.