Ministria e Punëve të Brendshme po zhvillon një aksion të koordinuar në disa lokacione, nën dyshimet për lëshim të paligjshëm dhe falsifikim të patentë-shoferëve për kategoritë C dhe D, për drejtimin e kamionëve dhe autobusëve.

Sipas informacioneve , kontrolle dhe bastisje po kryhen ndaj të paktën 25 personave, ndërsa një pjesë e tyre tashmë janë privuar nga liria.

Mes të dyshuarve dyshohet se ka edhe punonjës të MPB-së, ndërsa disa persona dyshohet se kanë drejtuar autobusë dhe automjete të rënda transportuese me patentë-shoferë të falsifikuar, brenda dhe jashtë vendit.

Sipas informacioneve paraprake, mënyra e funksionimit dyshohet se ka qenë që personat të deklaronin se e kishin humbur patentë-shoferin që posedonin për drejtimin e automjeteve, ndërsa gjatë procedurës për zëvendësimin e dokumentit, me ndihmën e një punonjësi të MPB-së, në patentë u shtoheshin kategori për të cilat nuk kishin dhënë provim dhe nuk kishin bazë ligjore për t’i marrë.

Për këto ndryshime të paligjshme dyshohet se janë dhënë para në këmbim të shërbimit.

Advertisement

Aksioni është në zhvillim e sipër, ndërsa priten më shumë detaje nga institucionet kompetente për personat e përfshirë dhe veprat për të cilat dyshohen./INA/

Një zjarr i madh ka shpërthyer gjatë natës në një objekt afarist në Komunën e Shuto Orizares në Shkup. Sipas Ministrisë së Punëve të Brendshme, nga zjarri nuk ka persona të lënduar, por është shkaktuar dëm i madh material.

Zjarri ka shpërthyer pak pas orës 03.00 të mëngjesit, ndërsa janë përfshirë nga flakët mbi 20 dyqane me tekstil dhe mallra të tjera, të gjitha në pronësi të një personi.

Nga MPB-ja bëjnë të ditur se sot, rreth orës 03:20, në SPB Shkup është raportuar se në një qendër tregtare në territorin e Shuto Orizares janë përfshirë nga zjarri mbi 20 dyqane, në pronësi të S.S., të cilat ishin dhënë me qira.

Zjarri është shuar nga Brigada e Zjarrfikësve e Shkupit. Nuk raportohet për persona të lënduar.

Deri tani nuk dihen shkaqet e zjarrit, përkatësisht se çfarë e ka shkaktuar atë.

Advertisement

Nga MPB-ja njoftojnë se në vendngjarje do të kryhet ekspertizë dhe se po ndërmerren masa për zbardhjen e plotë të rastit.

Përmasat e zjarrit dëshmohen edhe nga angazhimi i Brigadës së Zjarrfikësve të Shkupit. Sipas Qendrës për Menaxhim me Kriza, në shuarjen e zjarrit kanë marrë pjesë 15 zjarrfikës me gjashtë automjete zjarrfikëse.

Intervenimi ka zgjatur nga ora 03:31 deri në 06:45 të mëngjesit.

Sipas informacioneve të QMK-së, zjarri ka përfshirë një objekt afarist në rrugën “Indira Gandi”, në Komunën e Shuto Orizares.

Advertisement

Dje në ora 12:35 në rrugën “18 Nëntori” në Gostivar, zyrtarët policorë kanë privuar nga liria një 22-vjeçar nga fshati Vërbjan, rajoni i Gostivarit. Ai kërkohej në bazë të urdhëresës gjyqësore për vuajtjen e dënimit me burg për vepër të kryer penale sipas nenit 215 të Kodi Penal. Personi është dërguar në Institucionin Ndëshkues-Përmirësues Burgu i Tetovës për vuajtjen e dënimit.

…….Dje në ora 08:00 në Stacionin Policor të Kamjanit, një 49-vjeçar nga fshati Kamjan, rajoni i Tetovës, ka raportuar se rreth orës 02:00 në rrugën rajonale Bogovinë-Tetovë, është shkaktuar zjarr në dritaret ekspozuese dhe një pjese të fasadës së objektit të tij afarist. Zjarri është fikur dhe nuk ka persona të lënduar. Është kryer këqyrja e vendit të ngjarjes dhe po merren masa për zbardhjen e rastit.

……Dje në ora 12:50 në DPB Gostivar, nga Qendra Mjekësore e Gostivarit është raportuar se te ata për t’iu ofruar ndihmë mjekësore është paraqitur një 49-vjeçar.  Sipas raportimit, ai i ka marrë lëndimet gjatë rrëzimit nga motocikleta “Yamaha” me targa të Gostivarit në afërsi të kishës “Shën Petka” në Gostivar. Pas kontrolleve të kryera është konstatuar se ai e ka drejtuar motocikletën pa pasur të kryer provimin e shoferit. Me udhëzim të Prokurorit Publik, motocikleta është konfiskuar, ndërsa pas dokumentimit të rastit do të vijojë parashtresa përkatëse.

……Dje në ora 12:35 në SPB Tetovë është raportuar se në rrugën rajonale fshati Zhelinë-fshati Shemeshovë, në afërsi të kompleksit ushtarak Erebinë, ka shpërthyer një zjarr ku është djegur bar i thatë, me ç’rast pjesërisht është përfshirë edhe sipërfaqja me bar brenda kompleksit ushtarak. Nuk ka persona të lënduar, ndërsa zjarri është fikur nga Njësia Territoriale Kundër Zjarrit Tetovë. Është kryer këqyrja e vendngjarjes nga ekipi i këqyrjes i SPB Tetovë.

……Dje në ora 15:20 në Stacionin Policor Gostivar, një 45-vjeçar nga fshati Gradec ka raportuar se rreth orës 12:45 në një kazino në Gostivar është sulmuar fizikisht nga një person. Po merren masa për zbardhjen e rastit.

Advertisement

Dje në ora 18:40 në bulevardin “Ilinden” në Tetovë, zyrtarët policorë nga SPB Tetovë kanë privuar nga liria një 49-vjeçar nga Tetova. Gjatë një kontrolli në trafik, zyrtarët policorë kanë ndaluar një motocikletë “Suzuki” me targa të Tetovës, të cilën ai po e drejtonte, me ç’rast është konstatuar se ai po e drejtonte motocikletën pa leje drejtimi, gjegjësishtë pa patente shoferi. Pas dokumentimit të plotë të rastit, do të vijojë parashtresa përkatëse.

……Dje në ora 22:25 në rrugën “Lenin” në Tetovë, zyrtarët policorë kanë privuar nga liria një 43-vjeçar nga Tetova sepse ka prishur rendin dhe qetësinë publike, ndërsa pas kontrolleve të kryera është konstatuar se ai ishte nën ndikimin e alkoolit, përkatësisht i janë matur 1.28 promilë alkool në gjak. Ai është ndaluar në stacionin policor dhe pas dokumentimit të rastit kundër tij do të vijojë parashtresa përkatëse.

…….Pas mesnate në ora 00:20 në Stacionin Policor të Kamjanit, një 24-vjeçar nga fshati Rakovec, ka raportuar se rreth orës 00:10 në një autolarje në rrugën rajonale në fshatin Pirok, pas një mosmarrëveshjeje të mëparshme për një vend parkimi, është sulmuar fizikisht nga një 20-vjeçar nga fshati Senakos, rajoni i Gostivarit. Po merren masa për zbardhjen e ngjarjes.