Sport
LIGA E DYTË: NESËR ZHVILLOHET JAVA E GJASHTË E KAMPIONATIT
Dy skuadrat tetovare Kamjani dhe Teteksi nesër janë nikoqire të ekipeve Detonit Plaçkovica gjegjësisht Osogovës në kuadër të javës së gjashtë të sezonit vjeshtor në Ligën e dytë. Të gjitha ndeshjet luhen nesër me fillim në ora 15:45.
Nesër në të gjitha terrenet e Ligës së dytë të futbollit vendor do të zhvillohen ndeshjet e javës së gjashtë të sezonit vjeshtor, ku në program janë disa ndeshje tejet tërheqëse dhe të pa parashikueshme.
Një ndeshje interesante pritet të zhvillohet në Kamjan aty ku ekipi vendas për kundërshtarë ka ekipin Detonit Plaçkovica nga Radovishi.
Vendasit në këtë ndeshje vijnë pas disfatës me Makdedonija Gj.P javën e kaluar.
“Tani vijmë prej një humbje prej ndeshjes me Makedonija Gj.P. Një humbje e pa merituar e ekipit luajtëm mire, mirëpo me një gol të pranuar në fund të ndeshjes nuk arritëm të marrim ar që deshëm në Shkup. Pa diskutim se do të shkojmë në fitore do të sulmojmë prej minutës së parë. Na duhen këto pikët shumë. Çdo pike tani është e rëndësishme shumë për ekipin . Edhe kishim një ecuri të mire disi kjo ndeshja e fundit na prishi pak edhe atmosferën edhe at disponimin pas asaj fitores që kishim në shpi. Kështu që me shumë optimizëm mendoj se nesër ekipi do të paraqitet mire, kemi folur i kemi diskutuar të gjitha gjërat. Sot nesër do ti finalizojmë të gjitha detyrat i kemi për ndeshjen”, deklaroi trajneri Burhan Emurllai
Kjo ndeshje ka një rëndësi të veçantë për trajnerin Burhan Emurllai pasi menjëherë pas takimit do të përshëndetet me ekipin pasi do të jetë në ekipin Gabala të Azerbejxhanit bashkë me trajnerin Jeton Beqiri.
Ai për TV Koha tha se puna dy mujore në këtë klub i ka dhënë përvojë shumë pozitive
”Pa diskutim se është një përvojë shumë pozitive, kam takuar dhe jam njohur me njerëz shumë dashamirës edhe të të futbollit edhe me shumë respekt ndaj meje. Më kanë dhënë ngrohtësinë të ndihem si në shtëpinë time , si me qenë prej shumë vitesh në Kamjan . Kemi pasur kushte të mira kemi punuar me qetësi me respekt edhe ndaj ekipit. Edhe shumë falënderime ndaj ekipit, shumë falënderime edhe nga kryesia e klubit për çdo gjë që e kemi kaluar. Çdo problem e kemi zgjidhur me shumë korrektësi, Edhe pse s’kemi pasur probleme kemi punuar me qetësi , kam pasur përkrahjen maksimale edhe është ndeshja e fundit për fat t keq. Tani jam i lumtur jam që largohem edhe s’jam i lumtur që largohem se jam afruar shumë me klubin edhe me njerëzit që janë rreth klubit “ – deklaroi Burhan Emurllai.
Në stadiumin e Qendrës sportivë në Tetovë skuadra e Teteksit është nikoqire e Osogovës, ndërsa në ndeshjet tjera të javës së gjashtë në Ligën e dytë takohen :
Kamjani – Detonit Plaçkovica, Kozhufi – Novaci, Euromilk – Bellasica, Pelisteri – Ohri, Makedonija Gj.P – Rabotniçki dhe AP Brera – Shkupi.
Të gjitha ndeshjet fillojnë në ora 15:45.
SHABAN SINANI – TV KOHA
Në renditjen e fundit të FIFA-s të publikuara pas përfundimit të ndeshjeve të shtatorit dhe tetorit, Spanja kryeson renditjen, Shqipëria e 66-ta, Maqedonia e Veriut e 71-ta, ndërsa Kosova e 76-ta.
FIFA ka publikuar renditjen e re të kombëtareve pas ndeshjeve të fundit ndërkombëtare. Renditjen e kryeson Spanja, e ndjekur nga Argjentina , Franca, Anglia dhe Portugalia, ndërsa në 10-të kombëtaret me të mira janë edhe Brazili, Maroku, Belgjika , Holanda dhe Meksika,
Sa i përket reprezentacionit të Maqedonisë së Veriut, shkaku i rezultateve të dobëta në ciklin shtator/tetor, ka bërë që ketë rënie prej dy vendesh në renditjen e FIFA-s, ku aktualisht ndodhemi në pozicionin e 71-të. Kujtojmë se Maqedonia e Veriut në katër ndeshjet e Ligës B pësoi po aq disfata ndërsa golaverazhi ishte 0-10.
Kombëtarja e Shqipërisë ka regjistruar një përmirësim të lehtë në klasifikim dhe janë ngjitur me një pozicion, duke u pozicionuar tashmë në vendin e 66-të në botë. Lëvizja vjen pas rezultateve të fundit të Kombëtares shqiptare. Në fokus është edhe Kosova, e cila ka arritur një pozicion historik në klasifikimin e FIFA-s. “Dardanët” janë ngjitur me dy vende, duke u pozicionuar në vendin e 76-të. Që është pozicioni më i lartë i regjistruar ndonjëherë nga Kosova në renditjen botërore të FIFA-s, duke vendosur kështu një tjetër pikë referimi në historinë e përfaqësueses.
Në krye të klasifikimit vijon të jetë Spanja, e cila ruan kreun pas një serie të gjatë rezultatesh pozitive. Kampionët e Evropës vazhdojnë të mbajnë distancën nga rivalët në pjesën e sipërme të renditjes.
Cristiano Ronaldo i ka kushtuar një mesazh të veçantë Lionel Messit, pas paraqitjes së fundit të yllit argjentinas me fanellën e kombëtares.
Messi kishte reaguar përmes një postimi në Instagram pas ndeshjes së Argjentinës ndaj Beninit, të cilën kampionët e botës e fituan me rezultat 3:0.
Kapiteni argjentinas ishte protagonist edhe në fitoren e skuadrës së tij, duke shënuar një gol. Në listën e realizatorëve u përfshinë edhe Nicolas Otamendi dhe Nico Paz, ndërsa Messi kontribuoi me asistime. Pas postimit të Messit, Ronaldo reagoi duke vlerësuar karrierën e tij me kombëtaren dhe sukseset që ka arritur ndër vite.
“Leo, kaq shumë vjet duke e mbrojtur vendin tënd dhe një tregim që do të zgjasë përgjithmonë. Gjithë respektin tim për atë që e ke arritur me Argjentinën. Të përqafoj”, ka shkruar Ronaldo.
Ish-mbrojtësi i Tottenhamit, Ramon Vega, ka konfirmuar synimin për të kandiduar në zgjedhjet presidenciale të FIFA-s, duke u shfaqur si kandidati i parë që deklaron publikisht ambicien për të sfiduar presidentin aktual, Gianni Infantino.
Vega, 55-vjeçar, ish-përfaqësues i Zvicrës dhe me një karrierë që përfshiu skuadra si Cagliari, Tottenham, Celtic dhe Ëatford, synon të garojë kundër Infantinos në zgjedhjet që pritet të mbahen në mars të vitit të ardhshëm.
Ish-futbollisti zviceran tha se synimi i tij është të reformojë dhe modernizojë FIFA-n, si dhe të rikthejë besimin në qeverisjen e futbollit botëror.
“Qëllimi im është i qartë: t’i shërbej futbollit dhe njerëzve që i japin jetë lojës”, tha Vega.
“Unë jam në këmbë për të ribashkuar familjen globale të futbollit, për të ofruar reforma të vërteta dhe të qëndrueshme, për të modernizuar FIFA-n për shekullin e 21-të, për të rivendosur stabilitetin dhe besueshmërinë, si dhe për të rindërtuar besimin që i nevojitet urgjentisht lojës sonë”, shtoi ai.
Kandidatura e Vegës vjen në një moment kur Infantino po përballet me kundërshtime të reja. Muajin e kaluar, Shoqata Zvicerane e Futbollit tërhoqi mbështetjen për një mandat tjetër të tij, ndërsa më herët edhe federatat e Anglisë, Uellsit, Francës, Serbisë dhe disa vendeve të tjera evropiane kishin bërë të njëjtin veprim.
Ndërkohë, UEFA ka paralajmëruar se do të paraqesë një kandidat rival përpara afatit të nëntorit.
Vega kishte shqyrtuar mundësinë për të kandiduar edhe në zgjedhjet e viteve 2015, 2019 dhe 2022, por këtë herë është kandidati i parë që e ka bërë publike ambicien për të sfiduar Infantinon.
“Futbolli nuk u përket presidentëve, konfederatave apo administratorëve. Futbolli është më i madh se çdo pozicion, çdo individ apo çdo institucion”, deklaroi Vega.
“Udhëheqja aktuale e ka demoralizuar lojën. Qeverisja e dobët ka dëmtuar besueshmërinë e FIFA-s dhe ka gërryer besimin në të gjithë familjen globale të futbollit. Ne duhet ta ndalojmë këtë konflikt që të përshkallëzohet”, përfundoi ai.
Vega, i cili fitoi Kupën e Ligës me Tottenhamin në vitin 1999 dhe më pas kompletoi tripletën vendase me Celticun në sezonin 2000/01, tani synon të kalojë nga fusha e futbollit në një nga postet më të rëndësishme të sportit botëror.
Kronika e zezë – Tetovë dhe Gostivar, 07 Tetor
RENDITJA E FIFA-s: KOSOVA E 76-ta, POZICION HISTORIK
Policia e trafikut me 33 skuterë të rinj “Piaggio Beverly 310”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKrimi i rëndë në Kosovë/ Kjo është 25-vjeçarja që u vra me armë zjarri, dyshohet se u qëllua nga bashkëshorti i saj, ishte në javën e 34 të shtatzënisë
-
Lajme nga bota2 months agoTrump paralajmëron “luftë ekonomike” ndaj Iranit: Kush e ndihmon, do të përballet me pasoja
-
Lajme nga rajoni2 months agoRikthehet fruthi në Kosovë, 25 raste të reja në vetëm një javë