Me ndeshjet e play off-it të shtunën zyrtarisht fillon kampionati i  ri i volejbollit  në kategorinë e meshkujve.  Në ndeshjen hapëse të  shtunën  në Tetovë  zhvillohen dy takime, Liria – Susheva në ora  17:00  dhe Shkëndija – Universiteti i Tetovës  në  orën  19:00.

Xhiroja e parë zhvillohet me sistemin e ri të garave ku do të takohen gjashtë ekipet  e para nga  kampionati i kaluar, kundër  gjashtë  ekipeve nga vendi i shtatë deri në të  12-tën.

Do të zhvillohen nga dy përballje,  një  si vendas dhe  një  si mysafir dhe ekipet fituese do të  kualifikohen  në  top gjashtëshin, ndërsa  ato humbëse  në grupin e  ekipeve  që  do të  luftojnë  ekzistencën.

Në mesin e ekipeve  pjesëmarrëse në kampionatin e ri janë edhe tre skuadrat tetovare Shkëndija, Universiteti i Tetovës dhe Liria e Zherovjanit.

Derbi i xhiros së parë është ndeshja Shkëndija – Universiteti i Tetovës.

Advertisement

Kapiteni i  ekipit të UT-së, Hamza Veseli, shprehet optimist se do mbeten në Top 6 të ekipeve që do të luftojnë për titullin kampion.

‘’ Klubi është në një formë të mirë me një tempo pothuajse të mirë ashtu siç kemi filluar dhe tani erdhëm deri në fund të përgatitjeve në mënyrë profesionale, në mënyrë të duhur. Dhe besoj se kemi arritur një nivel të tillë  edhe pse ishte koha pak më e shpejt, ne  të  jemi  konkurrues  në  këtë kampionat  edhe  në këtë ndeshje e cila do të zhvillohet  më 17 tetor ‘’  deklaroi kapiteni Hamza Veseli

Si të gjitha klubet tjera ashtu edhe ekipi i universitetit në radhët veta ka sjellë përforcime cilësore. Bëhet fjalë për dy volejbollistë gjeorgjian të cilët pritet të debutojnë në ndeshjen kundër Shkëndijës.

‘’Tani  edhe pse gjithmonë ndeshja a jonë me klubin  e  volejbollit Shkëndija  ka  qenë një ndeshje interesante. Ne jemi përgatitur realisht por edhe  Shkëndija tash  është një  ekip më e kompletuar, më kompakte dhe besoj se do të  jetë një ndeshje  interesante. Këtu gjithashtu  dua  të përmendi  se  të  vlej  të theksohet edhe  fati  sportiv, Shpresoj që ne të  dalim fitues‘’ tha  Hamza Veseli

Të shtunën po në Tetovë do të zhvillohet edhe ndeshja  Liria e Zherovjanit – Susheva.

Advertisement

Trajneri i Lirisë, Sadik Ferati,  pohoi  se ekipi ka bërë përgatitje për fillimin e  kampionatit  në  bazë të  kushteve  ekzistuese,  por  shpreson  se  kundër   Sushevës  do të arrijnë të kualifikohen në Top 6.

“Kemi punuar dhe jemi përgatitur për fillimin e kampionatit të r,  ku ndeshjen e parë  e kemi  kundër  ekipit të Sushevësi . Synojmë që të fitojmë dhe të arrijmë kualifikimin në  top gjashtëshin’’ deklaroi trajneri  Sadik Ferati

KV “Liria” edhe në kampionatin e ri do të luajë me ekipin nga kampionati kaluar që do të thotë se nuk ka asnjë prurje.

‘’Po, përforcime edhe këtë vit  do ta fillojmë si në kampionatin e kaluar domethënë me  krejt  lojtarët vendas ‘’ tha  Sadik Ferati

Ndeshja   Liria – Susheva  luhet  në  sallën e shkollës  fillore  ‘’Goce Dellçev’’  në Tetovë,  ndërsa    Shkëndija  –  Universiteti i Tetovës , zhvillohet në sallën sportive të Gjimnazit të Tetovë  në ora 19:00.

Advertisement