Lajme nga vendi
Të rinjtë deri në moshën 40 vjeç dhe prindërit vetushqyes do të ndërtojnë shtëpinë e parë pa taksa komunale në Gjorçe Petrov
Këshilli i Komunës së Gjorçe Petrovit miratoi një vendim me të cilin çiftet e reja bashkëshortore dhe prindërit vetushqyes do të lirohen plotësisht nga pagesa e pjesës komunale të taksave komunale gjatë ndërtimit të shtëpisë së tyre të parë familjare.
Masa u referohet çifteve bashkëshortore, në të cilat të paktën njëri nga bashkëshortët është deri në moshën 40 vjeç, si dhe prindërve vetushqyes të së njëjtës moshë.
Për ta realizuar të drejtën e lirimit nga pagesa, aplikuesit duhet të ndërtojnë shtëpinë e tyre të parë familjare për banim personal, me një njësi banimi dhe sipërfaqe të përgjithshme bruto deri në 120 metra katrorë. Përveç kësaj, asnjëri nga bashkëshortët, përkatësisht prindi vetushqyes, nuk duhet të posedojë ndonjë pronë tjetër të paluajtshme banesore, as në pronësi të vetme dhe as në bashkëpronësi.
Mbështetja do të vlejë në të gjithë territorin e komunës, si në pjesën urbane, ashtu edhe në atë rurale.
Vendimin e bëri të ditur kryetari i komunës, Aleksandar Stojkoski, i cili theksoi se qëllimi është t’ua lehtësojë familjeve të reja ndërtimin e shtëpisë së parë dhe t’i nxisë që ta ndërtojnë të ardhmen e tyre në Gjorçe Petrov.
Masa është pjesë e një iniciative më të gjerë për uljen e shpenzimeve për ndërtimin e shtëpisë së parë familjare. Qyteti i Shkupit paraprakisht kishte paralajmëruar lirimin nga 60 për qind e taksave komunale, përkatësisht nga pjesa që i takon Qytetit. Me përfshirjen edhe të komunës, familjet e reja në Gjorçe Petrov përfitojnë lirim të plotë nga shuma e përgjithshme e kompensimit.medial.mk
Lajme nga vendi
Alarm për sigurinë ushqimore: Kosova bllokon produktet e një qumështoreje nga Maqedonia, zbulohet bakteri E. coli!
Autoritetet e Kosovës kanë ndaluar importin e produkteve të një qumështoreje nga Maqedonia e Veriut, pasi në disa dërgesa është konstatuar prania e bakterit Escherichia coli (E. coli).
Pas këtij vendimi, Agjencia e Ushqimit dhe Veterinarisë (AUV) në Maqedoninë e Veriut ka paralajmëruar kontroll të jashtëzakonshëm inspektues në qumështoren përkatëse.
Sipas AUV-së, ndalesa është vendosur në fillim të nëntorit, por institucioni pretendon se nuk ka marrë njoftim zyrtar nga autoritetet kosovare.
Ende nuk dihet emri i qumështores, cilat produkte janë të prekura dhe nëse të njëjtat seri janë shitur edhe në tregun vendor.
Lajme nga vendi
61 shqiptarë dhe 105 maqedonas janë punësuar së fundi në institucionet shëndetësore në Kumanovë
Anëtari i VLEN në Kumanovë, Orhan Kurtishi ka publikuar shifrat e punësimit të shqiptarëve dhe maqedonasve në këto institucione.
Sipas Kurtishit, në Shtëpinë e Shëndetit, Qendrën e Shëndetit Publik dhe Spitalin e Përgjithshëm në Kumanovë janë gjithsej 105 të punësuar maqedonas dhe 61 shqiptarë.
Ai ka paraqitur edhe ndarjen sipas institucioneve:
* Shtëpia e Shëndetit: 36 shqiptarë dhe 6 maqedonas.
* Qendra e Shëndetit Publik: 11 shqiptarë dhe 1 maqedonas.
* Spitali i Përgjithshëm: 14 shqiptarë dhe 98 maqedonas.
Kurtishi ka bërë të ditur se në periudhën e ardhshme pritet punësimi edhe i 15 shqiptarëve, në bazë të një marrëveshjeje politike.
“Para argumenteve të gjithë heshtin, përveç propagandës së lodhur të BDI-së”, ka shkruar Kurtishi, duke iu përgjigjur kritikave të opozitës.
Sipas tij, VLEN është ende në mandatin e parë qeverisës, i cili nuk ka përfunduar, ndërsa ka kërkuar që para publikimit të akuzave për skandale, të verifikohen shifrat dhe të bëhen llogaritë.(INA)
Lajme nga vendi
Skandal milionësh në TEC “Manastir”! Ish-drejtori dënohet me burg, ndërmarrjes iu shkaktuan 2.9 milionë euro dëme!
Ish-drejtori i TEC “Manastir”, Pece Matevski, është dënuar me dy vjet burg për shpërdorim të detyrës zyrtare në një tender publik, që i shkaktoi ndërmarrjes dëme prej rreth 2.9 milionë eurosh.
Sipas vendimit të shkallës së parë të Gjykatës Themelore në Manastir, parregullsitë lidhen me një tender të vitit 2022, me vlerë mbi 11 milionë euro, për nxjerrjen e djerrinës në minierën Brod Gneotino.
Gjykata konstatoi se përjashtimi i ofertës më të lirë të kompanisë “Granit” favorizoi kompaninë “Rud Kop”, duke dëmtuar financiarisht termocentralin.
Gjashtë persona të tjerë morën dënime me kusht, ndërsa tre anëtarë të Komisionit të Prokurimit Publik u liruan nga akuzat.
Alarm për sigurinë ushqimore: Kosova bllokon produktet e një qumështoreje nga Maqedonia, zbulohet bakteri E. coli!
61 shqiptarë dhe 105 maqedonas janë punësuar së fundi në institucionet shëndetësore në Kumanovë
Skandal milionësh në TEC “Manastir”! Ish-drejtori dënohet me burg, ndërmarrjes iu shkaktuan 2.9 milionë euro dëme!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13
-
Lajme nga vendi2 months agoSot protestohet në Shkup për katërshen e UÇK-së