Connect with us

Lajme nga vendi

Simeon Sakskoburgotski: Historia e historianëve, Maqedonia në BE

Published

on

Ish kryeministri i Bullgarisë dhe trashëgimtar i fronit perandorak bullgar, Simeon Sakskoburgotski, thotë për mosmarrëveshjen maqedonase-bullgare se shumë nga temat historike duhet t’u lihen historianëve, ndërsa politikanët duhet të përqendrohen në çështjet praktike dhe anëtarësimin e Maqedonisë në Bashkimin Evropian.

Siç raporton “Aktual”-ja, Sakskoburgotski e dha deklaratën për mediat në lidhje me Maqedoninë në Bruksel, ku, siç zbuloi më parë, u takua rastësisht me kryeministrin e Maqedonisë Hristijan Mickoski.

“Dje rastësisht takova kryeministrin dhe isha shumë i kënaqur. Mendoj se dialogu është pozitiv në çdo aspekt. Marrëdhëniet e fqinjësisë së mirë janë vetëm për të mirën e të gjithëve. Duhet të bëjmë përpjekje. Do të them përsëri diçka, ndoshta politikisht jo korrekte. Besoj se shumë tema duhet të ndiqen dhe të merren në konsideratë nga historianët, dhe duhet të shikojmë përpara, drejt praktikës dhe drejt hyrjes së Maqedonisë së Veriut në BE”, tha Sakskoburgotski.

Sakskoburgotski shërbeu si kryeministër në vitin 2007, kur Bullgaria u pranua në Bashkimin Evropian.

Lajme nga vendi

Kronika e zezë – Tetovë dhe Gostivar, 17 Nëntor

Published

on

Dje rreth orës 00:30, në SPB Tetovë është raportuar se në rrugën “Ilinden” në Tetovë, një i mitur tetëvjeçar nga Kumanova, me vendbanim në Tetovë, po lyp lëmoshë, duke rrezikuar kështu sigurinë e tij dhe sigurinë në komunikacion. Për ngjarjen është njoftuar prokurori publik, me udhëzimet e të cilit me fëmijën është zhvilluar bisedë në prani të një inspektori për delikuencë të të miturve dhe një psikologu nga Qendra për Punë Sociale, pas së cilës i është dhënë ndihmë mjekësore në Spitalin Klinik të Tetovës. Pas zbardhjes dhe dokumentimit të plotë të rastit, kundër nënës së tij 33-vjeçare nga Kumanova, me vendbanim në Tetovë, do të parashtrohet kallëzim përkatës sipas nenit 201 të Kodit Penal për “lënie pas dore dhe keqtrajtim të fëmijës”.

…….Dje në orën 11:30 në Zhelinë të Tetovës, zyrtarët policorë të SPB Tetovë e kanë privuar nga liria një 38-vjeçar nga fshati Zhelinë, i cili kërkohej me urdhërarrest lokal dhe qendror për vepër penale të kryer sipas nenit 396 paragrafi 1 të Kodit Penal. Ai është ndaluar në Stacionin Policor Tetovë për procedurë të mëtutjeshme.

……Dje në orën 12:36 në SPB Tetovë, nga Qendra Mjekësore Gostivar është raportuar se tek ata është sjellë me lëndime një i mitur 11-vjeçar nga Gostivari. Sipas raportimit, lëndimet i ka marrë gjatë mbylljes së një dere në shkollën fillore në Gostivar, ku ai ndjek mësimet.

…….Dje në orën 12:54 në SPB Tetovë, nga Qendra Urgjente Gostivar është raportuar se tek ata është sjellë me lëndime një nxënës shtatëvjeçar nga Vrapçishti i Gostivarit. Sipas raportimit, lëndimet i ka marrë gjatë orës së edukatës fizike në shkollën fillore në fshat. Këqyrjen e vendit të ngjarjes e ka kryer një ekip i SPB Tetovë.

…….Dje në orën 14:40, zyrtarët policorë nga Stacioni Policor për Mbikëqyrje Kufitare Kodra e Diellit pranë Qendrës Rajonale për Çështje Kufitare Veri kanë ndaluar një 37-vjeçare nga Brazili, për shkak të ekzistimit të bazave të dyshimit për qëndrim të paparaqitur në shtet dhe keqpërdorim të qëndrimit. Ajo është ndaluar në Stacionin Policor Tetovë për procedurë të mëtejshme.

Advertisement

Dje në orën 15:30 në SPB Tetovë, një 32-vjeçar nga Gjerma e Tetovës, i punësuar në Institucionin Publik – Parku Kombëtar “Mali Sharr”, ka raportuar se rreth orës 11:50, derisa po kryente kontroll në zonën ndërmjet fshatrave Poroj dhe Xhepçisht, ka vërejtur një person me pushkë, i cili i ka drejtuar kërcënime dhe është larguar. Po ndërmerren masa për zbardhjen dhe dokumentimin e rastit.

……Dje në orën 20:00 në SPB Tetovë, një 48-vjeçare nga Tetova ka raportuar se rreth orës 16:30 në rrugën “Strasho Pinxhur” në Tetovë, djali i saj 14-vjeçar është sulmuar fizikisht nga pesë të mitur, tre prej të cilëve i njihte. Po ndërmerren masa për zbardhjen e rastit.

……Dje në orën 21:03 në SPB Tetovë, një 39-vjeçar nga një fshat i Tetovës ka raportuar se është mashtruar nga një person nga Bogovina e Tetovës për shumën prej 16.000 eurosh. Sipas raportimit, para dy muajsh ishte marrë vesh me personin që t’i shiste një automjet pasagjerësh “BMV” për një shumë të caktuar parash. Pasi i ishte paguar vetëm një pjesë e parave, automjetin e kishte lënë peng te një person nga Shkupi, i cili i kishte kërkuar të lidhnin kontratë shitblerjeje te noteri dhe e kishte kërcënuar. Po ndërmerren masa për zbardhjen e rastit.

……Pas mesnate në orën 00:10 në SPB Tetovë, një 38-vjeçar nga Merova e Tetovës ka raportuar se më datë 17.11.2026 rreth orës 21:30 para një objekti tregtar në fshat, djali i tij i mitur është sulmuar fizikisht nga një 26-vjeçar nga i njëjti fshat. Më datë 18.11.2026 në orën 01:00, 26-vjeçari është paraqitur vetë në Stacionin Policor Tetovë, ku është ndaluar për procedurë të mëtejshme, pas së cilës do të vijojë parashtresa përkatëse.

……Pas mesnate në orën 01:50 në Nerasht të Tetovës, zyrtarët policorë të SPB Tetovë – Departamenti Policor Tearcë e kanë privuar nga liria një 43-vjeçar nga Nerashti, duke vepruar pas denoncimit të mëparshëm nga një 20-vjeçar nga i njëjti fshat se më datë 17.11.2026 rreth orës 22:15 në oborrin e tij, e ka sulmuar me një send metalik. Ai është ndaluar në stacionin policor për procedurë të mëtejshme dhe zbardhjen e dokumentimin e plotë të rastit.

Advertisement

……Dje në orën 14:20 në DPB Gostivar, një 45-vjeçar nga Zdrunja e Gostivarit ka raportuar se më datë 17.11.2026 rreth orës 15:20 në një këmbimore në Gostivar, pas mosmarrëveshjeve të mëparshme, një person ka tentuar ta sulmojë fizikisht dhe i ka drejtuar kërcënime me armë zjarri. Më vonë, ai sërish ka shkuar në zyrën e tij dhe sërish i ka drejtuar kërcënime. Po ndërmerren masa për zbardhjen e rastit.

Continue Reading

Lajme nga vendi

Shasivari : Dhuna ndaj fëmijëve kërkon përgjigje përtej kufijve shtetërorë

Published

on

Ministri i Drejtësisë, Jeton Shasivari, po merr pjesë në Konferencën e Dytë Globale Ministrore për Eliminimin e Dhunës ndaj Fëmijëve, që po mbahet në Manila të Filipineve, me pjesëmarrjen e ministrave nga 131 shtete, përfaqësuesve të institucioneve ndërkombëtare, ekspertëve dhe organizatave nga e gjithë bota.

Siç bëri të ditur Ministria e Drejtësisë, konferenca organizohet nga Qeveria e Filipineve, në partneritet me Organizatën Botërore të Shëndetësisë (OBSH) dhe UNICEF-in, me qëllim forcimin e bashkëpunimit ndërkombëtar dhe zhvillimin e zgjidhjeve konkrete për parandalimin dhe eliminimin e të gjitha formave të dhunës ndaj fëmijëve.

Në kuadër të konferencës, ministri Shasivari mori pjesë në diskutimin “Europe: Shared Challenges, Shared Solutions”, kushtuar sfidave të përbashkëta në parandalimin e dhunës ndaj fëmijëve dhe mundësive për tejkalimin e tyre përmes zgjidhjeve të koordinuara.

Në fjalimin e tij, ministri ka theksuar tri sfida thelbësore: përhapjen e formave të reja të dhunës përmes teknologjive digjitale, zbatimin jo të njëtrajtshëm të garancive ekzistuese ligjore dhe koordinimin e pamjaftueshëm ndërmjet institucioneve përgjegjëse për mbrojtjen e fëmijëve.

Vëmendje e veçantë iu kushtua rreziqeve që sjell zhvillimi i përshpejtuar teknologjik. Platformat digjitale krijojnë mundësi të reja për abuzim, shfrytëzim seksual, ngacmim dhe përhapje të përmbajtjeve të dëmshme, ndërsa dhuna mund të vazhdojë edhe jashtë shkollës, familjes apo mjedisit ku jeton fëmija. Këto dukuri kërkojnë zgjidhje bashkëkohore ligjore, mekanizma më efikasë të raportimit, kapacitete të specializuara hetimore dhe përgjegjësi më të madhe nga platformat digjitale.

Advertisement

“Në këtë drejtim, ministri informoi se Republika e Maqedonisë së Veriut, si palë e Konventës së Këshillit të Evropës për Mbrojtjen e Fëmijëve nga Shfrytëzimi Seksual dhe Abuzimi Seksual, e njohur si Konventa e Lanzarotës, po ndërmerr aktivitete për harmonizimin e mëtejshëm të legjislacionit penal me standardet ndërkombëtare”, qëndron në komunikatën e Ministrisë së Drejtësisë.

Nga atje shtojnë se përgatitja e Kodit të ri Penal paraqet mundësi për mbylljen e zbrazëtirave ekzistuese ligjore në mbrojtjen e fëmijëve nga dhuna në hapësirën digjitale. Një nga zotimet e paraqitura në konferencë ka të bëjë pikërisht me ndryshimin dhe plotësimin e legjislacionit penal dhe atij përkatës, me theks të veçantë në mbrojtjen e fëmijëve të moshës 14 deri në 17 vjeç nga dhuna në internet dhe shfrytëzimi seksual.

Krahas ndryshimeve ligjore, u theksua edhe nevoja për rritjen e njohurive digjitale te fëmijët, prindërit, mësimdhënësit dhe profesionistët që punojnë me fëmijë, si dhe për vendosjen e mekanizmave të qasshëm dhe të sigurt për raportimin e abuzimeve. Parandalimi kërkon gjithashtu bashkëpunim me kompanitë teknologjike për identifikimin dhe largimin në kohë të përmbajtjeve që paraqesin abuzim ndaj fëmijëve.

Sfida e dytë që trajtoi ministri lidhet me dallimin ndërmjet mbrojtjes së parashikuar me ligj dhe zbatimit të saj në praktikë. Në fjalim u përmendën gjetjet e hulumtimit “Disrupting Harm”, të cilat evidentojnë mungesën e personelit të mjaftueshëm, ngarkesën e madhe me lëndë, procedurat e zgjatura dhe rastet kur fëmijët u nënshtrohen intervistimeve të përsëritura përpara institucioneve të ndryshme.

Për tejkalimin e këtyre dobësive, nevojitet vendosja e protokolleve të standardizuara për intervistimin e fëmijëve, angazhimi i profesionistëve të specializuar, përcaktimi i afateve të qarta për trajtimin e lëndëve që përfshijnë fëmijë dhe zhvillimi i shërbimeve të integruara, përmes të cilave fëmija mund ta raportojë dhunën në një mjedis të sigurt, pa qenë i detyruar ta përsërisë në mënyrë të panevojshme përvojën traumatike.

Advertisement

Ministri iu referua edhe Ligjit për Drejtësinë për Fëmijët, të miratuar në vitin 2024, i cili parasheh garanci të veçanta procedurale, mbrojtjen e interesit më të mirë të fëmijës dhe vlerësimin individual të nevojave të fëmijëve viktima. Ligji e përcakton privimin nga liria si masë të fundit, garanton të drejtën e fëmijës për t’u informuar për të drejtat e tij dhe parasheh shoqërimin nga prindi, kujdestari ose një person tjetër i rritur i caktuar gjatë marrjes në pyetje.

Rëndësi të veçantë kanë dispozitat që synojnë parandalimin e viktimizimit dytësor, përfshirë kufizimin e ekzaminimeve mjekësore vetëm në rastet kur ato janë të domosdoshme për procedurën penale, si dhe zbatimin e masave të veçanta të mbrojtjes procedurale sipas nevojave individuale të fëmijës.

“Sfida e tretë lidhet me koordinimin institucional. Ministri theksoi se mbrojtja e fëmijëve nuk mund të jetë efikase nëse institucionet arsimore, shërbimet shëndetësore, qendrat për punë sociale, policia dhe organet e drejtësisë veprojnë të izoluara, pa detyrime të përcaktuara qartë dhe mekanizma për ndjekjen e çdo rasti të raportuar”, theksohet në komunikatë.

Në këtë drejtim, u theksua nevoja për caktimin e personave përgjegjës për koordinimin e rasteve, procedura dhe afate të qarta për veprimin institucional, trajnime të përbashkëta, shkëmbim të sigurt të informacioneve dhe mbikëqyrje të pavarur mbi zbatimin e masave mbrojtëse.

Në fjalim u theksua se efikasiteti i vërtetë i sistemit nuk vlerësohet vetëm nga respektimi i procedurave formale nga institucionet, por nga fakti nëse fëmija ka marrë mbrojtje në kohë, nëse është parandaluar përsëritja e dhunës dhe nëse i është siguruar mbështetja e nevojshme, shtojnë nga Ministria e Drejtësisë. përcjell Zhurnal.mk .

Advertisement
Continue Reading

Lajme nga vendi

Arrestohet 43-vjeçari që dyshohet se kërcënoi me thikë gruan dhe djalin

Published

on

Një shtetas turk 43-vjeçar është arrestuar në zonën e Bit Pazarit në Shkup, pasi dyshohet se ka ushtruar dhunë fizike ndaj bashkëshortes 50-vjeçare dhe djalit të tyre të mitur, si dhe i ka kërcënuar me një mjet të mprehtë.

Rastin në polici e ka denoncuar bashkëshortja. I dyshuari është ndaluar më 16 nëntor, ndërsa pas dokumentimit të plotë të rastit, policia paralajmëroi kallëzim përkatës.

Continue Reading

Më të lexuarat