Më 27.06.2025, rreth orës 15:00, në Stacionin Policor të Pehçevës është raportuar se në korridorin e objektit të Qendrës për Punë Sociale në Pehçevë, pas një debati të mëparshëm për shkak të mosmarrëveshjeve lidhur me vajzën e tyre të mitur, është prishur rendi dhe qetësia publike përmes një përleshjeje fizike midis V.T. (27) nga Gjevgjelia dhe V.P.N. (23) nga Pehçeva.

Sipas kallëzimit, V.T. e ka shtyrë V.P.N. drejt një dritareje, nga ku ajo ka rënë në oborrin e objektit. V.P.N. ka marrë ndihmën e parë mjekësore nga Ndihma e Shpejtë në Pehçevë, ndërsa V.T. është ndaluar në stacionin policor.

Pas dokumentimit të plotë të rastit, do të ngritet padia përkatëse.

Aleanca për Shqiptarët shpreh shqetësim lidhur me përmbajtjen e draft-rezolutës së Parlamentit Evropian, e cila evidenton ndikimin destabilizues të konceptit të ashtuquajtur “Bota Serbe” në Maqedoninë e Veriut dhe në gjithë rajonin e Ballkanit Perëndimor.

https://we.tl/t-T4ov6VxMM0 (Në ketë vegëz gjindet paralajmërimi i Arben Taravarit në intervistën “Poltico” për ndikim sërb në RMV)

Në këtë dokument të rëndësishëm, të bazuar në raportin e eurodeputetit Tomas Waitz, thuhet qartë se Bota serbe po zhvat sovranitetin e Maqedonisë së Veriut dhe të rajonit, dhe për këtë ka përkrahje dhe promovim nga përfaqësues të Qeverisë në Shkup.

Këto konstatime përputhen plotësisht me paralajmërimet e përsëritura të liderit të Aleancës për Shqiptarët, Arben Taravari, i cili në intervistën e fundit për emisionin “Politiko” në televizionin Kanal 10 të Kosovës theksoi se nëse bisedoni me njerëz kompetentë nga përfaqësuesit ndërkombëtarë, është i pamohueshëm ndikimi serb, posaçërisht në vitin e fundit si asnjëherë më parë në këto 35 vite. Ndikimi ka të bëjë me fushën e sigurisë, në politika dhe në investime. Nëse analizoni investimet që planifikohen nga VMRO-DPMNE, ato nuk i shërbejnë askujt tjetër përveç politikave serbe”.

Raporti i Parlamentit Evropian kërkon hapjen e arkivave të UDBA-s dhe KOS-it në Maqedoni dhe Serbi, si një hap domethënës drejt zbardhjes së së kaluarës totalitare dhe forcimit të demokracisë dhe transparencës institucionale.

Advertisement

Në draft-rezolutë theksohet se Maqedonia e Veriut mbetët objekt i operacioneve armiqësore për ndikim të huaj… veçanërisht përmes mediave në gjuhën serbe, të cilat përhapin narrativa të Kremlinit dhe gëzojnë ndikim të konsiderueshëm.

Po ashtu, dokumenti ngre shqetësime serioze për rrjete ruse të ndikimit dhe për aktivitetet propagandistike të Kinës përmes mediave vendore, investimeve me klauzola detyruese dhe huave me kushte asimetrike – përfshirë një hua të marrë nga Hungaria për Maqedoninë e Veriut, e cila dyshohet se është me origjinë kineze.

Aleanca për Shqiptarët paralajmëron se përfshirja e thellë e strukturave të “botës serbe” në vend, përmes kanaleve të mediave, investimeve politike dhe strukturave të errëta të sigurisë, përbën kërcënim të drejtpërdrejtë për orientimin euroatlantik të shtetit dhe për bashkëjetesën ndëretnike në Maqedoninë e Veriut.

Ne i bëjmë thirrje të gjitha forcave progresive, partive politike, shoqërisë civile dhe mediave të lira që të qëndrojnë në anën e demokracisë dhe të kundërshtojnë çdo përpjekje për instrumentalizim të shtetit në funksion të agjendave të huaja destruktive.

Më 8 korrik në Strasburg pritet të zhvillohet debati për këtë dokument alarmues. Aleanca për Shqiptarët do të vazhdojë të ngrejë zërin në të gjitha nivelet për ta mbrojtur karakterin demokratik, pluralist dhe euroatlantik të Maqedonisë së Veriut.

Advertisement

Aleanca për Shqiptarët

Me  shpalljen e  ekipeve  kampione në kategorinë e djemve dhe  vajzave  nga   Shqipëria, Kosova, Turqia, Rumunia, Moldavia  dhe  vendi  nikoqir  Maqedonia e Veriut  që u mbajt në sheshin “Iliria” në Tetovë përfundoi  kampionati Ballkanik i Volejbollit në rërë për moshat  nën  22 vjeç. Titulli kampion  ballkanik në kategorinë e  vajzave  i  takoi  reprezentacionit të Rumanisë pasi në  finalen mundën ekipin  Turqia   1, ndërsa në kategorinë e djemve kampion i Ballkanit  u  shpall ekipi 1 i Turqisë  1 që mundi  ekipin  e Turqisë  2  me  rezultatin  2-0  në sete.,  Kupat dhe  medaljet  ekipeve  fitues  ua  ndan kryetari I komunës së Tetovës  Bilall Kasami  dhe Petar Jovanovski kryetari i Fefderatësë së Volejbollit të Maqedonisë  . Pas  përfundimit të këtij  eventi  kryetari  Kasami falënderoi  të  gjithë ata   që kanë kontribuar  në organizimin perfekt të këtij spektakli të madh sportiv që përherë të parë mbahet në Tetovë.

Në  fund të  manifestimi  kryetari  Bilall Kasami ndau mirënjohje pwr  Agron Hajredinit pë medaljen e  fituar  në Olimpiadë pë sportist me nevoja të veçanta.

Në ndeshjet  për vendin e tretë dhe  medaljet e bronztë, në kategorinë e meshkujve  ekipi Moldavia 2 mundi ekipin Moldavia 1 me  rezultatin 2-1  në sete, ndërsa në kategorinë e vajzave  Moldavia  mundi Turqinë  2 me rezultatin 2-0 në sete.  Ndryshe Kampionati ballkanik i volejbollit  në rërë për moshat nën 22 vjeç ishte kjo hera  e pestë që organizohet  nga Federata e Volejbollit të Maqedonisë dhe atë 3 herë qytetin e Shtipit  një here në Strumicë dhe tani në Tetovë./TV KOHA/

default