Presidenti amerikan, Donald Trump, ka nënshkruar Ligjin për politikën e mbrojtjes prej gati 1 trilion dollarësh, pavarësisht dispozitave të futura nga Kongresi që ofrojnë ndihmë të re për Ukrainën dhe frenojnë aftësinë e tij për të ulur përfshirjen e SHBA-së në mbrojtjen e Evropës.

Akti i Autorizimit të Mbrojtjes Kombëtare 2026 autorizon një rekord prej 901 miliardë dollarësh në shpenzimet ushtarake vjetore, 8 miliardë dollarë më shumë sesa kërkoi Trumpi.

Në të përfshihet edhe Kosova. Dokumenti thekson rëndësinë strategjike të Kosovës si pjesë e Ballkanit Perëndimor dhe riafirmon angazhimin e SHBA-së për paqe, stabilitet, demokraci dhe zhvillim ekonomik në rajon. Kosova përmendet si një nga gjashtë shtetet kyç të Ballkanit Perëndimor, ku stabiliteti i saj lidhet drejtpërdrejt me sigurinë evropiane dhe interesat strategjike të SHBA-së.

“Paqja e vazhdueshme, stabiliteti dhe prosperiteti në Ballkanin Perëndimor është direkt i lidhur me mundësitë për përparim demokratik dhe ekonomik që u ofrohen qytetarëve të këtyre gjashte shteteve”, thuhet në dokument.

Në një nga pikat e rëndësishme të dokumentit është qëndrimi zyrtar i Kongresit amerikan për dialogun Kosovë-Serbi. Aty Marrëveshja e 2023-tës për normalizimin e marrëdhënieve konsiderohet hap pozitiv, ndërsa kërkohet përparim i menjëhershëm në Aneksin e zbatimit. Riafirmon se zgjidhja përfundimtare duhet të bazohet në njohje reciproke dhe kundërshton qartë çdo ide për ndarje territoriale, shkëmbime apo rishikim kufijsh mbi baza etnike.

Advertisement

Mbështet gjithashtu zgjerimin e NATO-s në Ballkanin Perëndimor, duke përfshirë edhe perspektivën e anëtarësimit të Kosovës në Aleancë, si dhe anëtarësimin në BE.

Në Ligj parashikohet mbështetje e vazhdueshme për reformat demokratike dhe sundimin e ligjit në Ballkanin Perëndimor, zhvillimin ekonomik, rritjen e investimeve dhe forcimin e institucioneve. Kosova po ashtu përfshihet në kuadrin rajonal të masave për monitorimin dhe kundërshtimin e ndikimit malinj rus dhe kinez në Ballkanin Perëndimor. Ligji mbështet rritjen e ndihmës amerikane për sigurinë kibernetike, nga e cila përfiton edhe Kosova.

Legjislacioni gjithëpërfshirës përcakton gjithçka, nga sa anije, avionë dhe sisteme raketash blihen nga SHBA-ja, te një rritje pagash për trupat, e deri te mënyra e adresimit të kërcënimeve gjeopolitike. Ai është një kompromis, që kombinon masa të veçanta të miratuara nga Dhoma e Përfaqësuesve dhe Senati, të dyja nën kontrollin e republikanëve.

Ligji përfshin po ashtu disa dispozita për të rritur sigurinë në Evropë.

Trumpi ka qenë kritik ndaj forcimit të sigurisë evropiane, duke argumentuar se aleatët duhet të paguajnë vetë. Strategjia e tij e sigurisë kombëtare, e publikuar së fundmi, shihet si miqësore ndaj Rusisë, armiqësore ndaj Bashkimit Evropian dhe një rivlerësim i marrëdhënies së SHBA-së me kontinentin.

Advertisement

Sipas ligjit, ofrohen 800 milionë dollarë për Ukrainën – 400 milionë dollarë në secilin prej dy viteve të ardhshme – si pjesë e iniciativës së ndihmës për sigurinë e Ukrainës, e cila paguan kompanitë amerikane për armë për ushtrinë e Ukrainës.

Ligji i mbrojtjes gjithashtu autorizon iniciativën e sigurisë së vendeve baltike dhe ofron 175 milionë dollarë për të mbështetur mbrojtjen e Letonisë, Lituanisë dhe Estonisë. Si dhe kufizon aftësinë e Departamentit të Mbrojtjes për të ulur numrin e forcave amerikane në Evropë në më pak se 76,000 dhe i ndalon komandantit evropian të SHBA-së të heqë dorë nga titulli i komandantit suprem të NATO-s.

Koalicioni VLEN vlerëson praninë e zëvendëskryeministrit Arben Fetai në Doha, në kuadër të CoSP11 – Konferencës së OKB-së kundër Korrupsionit, si dëshmi të një përfaqësimi serioz dhe përmbajtësor të vendit në platformat ndërkombëtare që trajtojnë sfidat reale të korrupsionit.

Modeli i prezantuar nga Fetai reflekton qasjen që mbështet VLEN: lufta kundër korrupsionit nuk ndërtohet mbi deklarata, por mbi udhëheqje të qartë, koordinim institucional dhe mekanizma konkretë zbatimi. Vetëm përmes veprimit real, llogaridhënies së vazhdueshme dhe përfshirjes aktive të shoqërisë civile mund të ndërtohet besimi i qytetarëve në institucione.

VLEN konfirmon se qeverisja e mirë është standard që duhet zbatuar brenda vendit dhe vlerë që përfaqësohet me dinjitet edhe në skenën ndërkombëtare. Politikat e bazuara në të dhëna, digjitalizimi i proceseve dhe transparenca mbeten shtylla themelore për reduktimin e korrupsionit dhe ndërtimin e institucioneve të pastra, të përgjegjshme dhe funksionale në shërbim të interesit publik.

KF Shkëndija ka shkruar histori duke siguruar kualifikimin në fazën play-off të UEFA Konferencë Liga  në debutimin e saj në fazën kryesore të një kompeticioni evropian. Pavarësisht humbjes minimale 1:0 ndaj AEK Larnaca në Qipro, rezultatet e tjera të xhiros së fundit ishin në favor të skuadrës sonë, e cila e mbylli fazën në vendin e 22-të në tabelë.
Klubi i futbollit Shkëndija  e Tetovës me  përfundimin e fazës së ligës   në UEFA  Konferencë Liga arriti suksesin historik duke  u renditur  në pozitën e  22-të ne  mesin e  36  ekipeve,  duke  i lënë  pas  ekipet me renome  si  Dinamo Kievin, Legia, Slovan Bratislava, Zrinjski, Sigma Olomouc, Universitatea Kraiova dhe Lincoln. Ky  sukses është  historik  për  Shkëndijën por edhe  për  futbollin e Maqedonisë  duke  u kualifikuar  në  fazën eliminatore në këtë kompeticion të garave që organizon UEFA.  Skuadra tetovar në fazën e ligës   luajti  6 ndeshje  ku  shënoi 2  fitore, 1 barazim dhe  3  disfata .  Në ndeshjen e    mbrëmshme  që ishte edhe e fundit   e  fazës  së ligës  Shkëndija  pësoi  1-0  ndaj  AEK Laranka  nga  minuta e  53  luajti me 10 lojtarë pasi Liriidon Latifi u ndëshkua me  kartonë të kuq, ndërsa autor i golit të vetëm ishte Karol Angielski 7 minuta para përfundimit të  ndeshjes.

Në takimin me gazetarët  pas  ndeshjes trajneri Jeton Beqiri i emocionuar për këtë sukses historik tha se luanim ndaj një skuadre shumë cilësore, që ka fituar skuadra të nivelit shumë të lartë në këtë kompeticion.

“Normalisht se janë emocione pozitive, pasi ne njëherë ëndërronim që të futemi në Konference Liga , pastaj ëndërronim që të kalojmë, tani që kaluam, do të ëndërrojmë që të kalojmë edhe një raund tjetër, ashtu jemi ne, veçanërisht tetovarët. Është diçka pozitive dhe unë besoj që edhe pse është pas ndeshjes, emocionet janë të pranishme, por jam i sigurt se Shkëndija gjatë këtyre gjashtë ndeshjeve ka treguar stabilitet dhe pak më tepër fat dhe eksperiencë, besoj që kemi merituar më shumë pikë. Një falënderim të veçantë për të gjithë që na kanë përkrahur, për të gjithë tifozët, opinionin sportiv, veçanërisht ‘Ballistët’ që kanë qenë me ne në çdo cep të Europës. Do të doja të falënderoj të gjithë dhe të ju them se në pranverë do të shihemi sërish në Europë, ndërsa për mua qëllimi kryesor do të jetë kampionati dhe Kupa, teksa Europa do të jetë një luks për ne. Skuadrat që mund të na përcaktohen në short, janë ekipe të fuqishme dhe spektakolare. Do të jetë një pranverë e bukur, një pranverë që do të na sjell gjëra pozitive. Gjithashtu dua ti falënderoj ata që kanë kritikuar gjatë gjithë kohës, besoj që ata janë më meritorët për rezultatet pozitive të Shkëndijës. Unë do të kërkoja që mos ti kritikojnë futbollistët, por të gjitha kritikat ti drejtojnë tek unë, pasi unë jam fajtori kryesor.”

Sukses historik ka arritur edhe Kampioni i Kosovës Drita e Gjilanit, e cila gjithashtu   ka siguruar  kualifikim në fazën eliminatore në Konferencë Liga duke  u  rendit e  20-ta me 8 pikë të fituara. Në ndeshjen e  futit  të kësaj  faze Rayo Vallecano mundi Dritën 3-0.  Pra  për herë të  parë  në histori dy  skuadra  shqiptare Shkëndija e Tetovës  dhe Drita e Gjilanit do të  garojnë në fazën eliminatore  të një Kompeticioni që organizohet nga UEFA

Shorti për  ndeshjet e play off-it  do të hidhet më 16 janar 2026,  ndërsa  raundi i 16-tave,  ndërsa për çerekfinalet, gjysmëfinalet dhe finalja shorti hidhet 27 shkurt 2026, Ndeshjet e play off-it  luhen më 19 dhe 26 shkurt 2026. Kundërshtarët e  mundshëm të Shkëndijës  janë Shkëndija kundër Samsunspor ose Lech Poznan

Advertisement

SHABAN SINANI – TV KOHA