Lajme nga vendi
Për shkak të mos respektimit të afateve, është ndërprerë kontrata me kompaninë franceze që ndërtoi kolektorët e ujërave të zeza në Vardar
Ministria e Mjedisit ka ndërprerë kontratën me kompaninë franceze “NGE” e cila po ndërtonte sistemin e grumbullimit të ujërave të zeza në lumin Vardar. Kontrata u ndërpre për shkak të një sërë problemesh me kontraktorin gjatë ndërtimit. Tani kolektorët, të cilët janë parakusht për ndërtimin e stacionit për trajtimin e ujërave të zeza në Shkup, do t’i ndërtojë Ministria e Mjedisit dhe do të sigurohen para me buxhetin për vitin e ardhshëm, trransmeton Portalb.mk.
“Ka mbetur që të vendosen tubacione edhe për 900 metra dhe të ndërtohen 10 boshte. Gjatë ndërtimit ka pasur shumë probleme, kompania ka kërkuar para shtesë për punimet e ndërtimit. Nuk do të lejoj askënd të na shantazhojë. Mosmarrëveshja është fituar në favorin tonë në një gjykatë arbitrazhi ndërkombëtar dhe kontrata do të ndërpritet pa paguar asnjë gjobë. Pjesa tjetër është një pjesë e vogël në lagjen Lisiçe, afër deponisë Vardarishte. Kah fillimi i vitit të ardhshëm do të shpallim tenderin edhe për përfundimin e kësaj pjese”, thotë ministri i Mjedisit Naser Nuredini.
Sistemi kolektor i ujërave të zeza në lumin Vardar në Shkup filloi të ndërtohet në qershor të vitit 2018, ndërsa në fillim të punimeve u tha se do të ishte gati në fillim të vitit 2020. Ambasadori i atëhershëm francez në vend , Christian Thimonier, tha se gjatë punimeve të ndërtimit do të përdorte mekanizimin më të fundit, gjegjësisht makina që mund të kryejnë gërmime në thellësi 6 metra.
Ndërtimi kushton rreth 10 milionë euro, nga të cilat rreth 9 milionë euro janë siguruar nga fondet e Bashkimit Evropian dhe pjesa tjetër nga buxheti i shtetit.
“Ky është një nga projektet që financohet nga BE-ja dhe ndikon drejtpërdrejt në mbrojtjen e mjedisit dhe të popullatës. Projekti parasheh ndërtimin e rrjetit të kanalizimit 8 kilometra në të dy anët e Vardarit. Me ndërtimin e këtij sistemi ujërat në lumin Vardar do të pastrohen dhe jam i kënaqur që ky projekt i rëndësishëm do të realizohet në Shkup përmes fondeve të BE-së”, tha ambasadori evropian Samuel Zhbogar në fillim të punimeve ndërtimore.
Pas ndërtimit të sistemit kolektor, do të menaxhohet nga Qyteti i Shkupit, gjegjësisht NP “Ujësjellës dhe kanalizim”.
Përndryshe, procedura e tenderit për ndërtimin e impiantit të trajtimit të ujërave të zeza është shpallur në qershor të vitit 2020 dhe zbatimi praktik i tij në terren duhet të kishte filluar tashmë këtë vit. Afati fillestar për përfundimin e ndërtimit ishte 2026. Objekti kapital i Shkupit duhet të mbledhë ujërat e zeza nga rreth 500.000 banorë të kryeqytetit dhe t’i derdhë të pastruara në lumin Vardar, me çka do të tejkalohet problemi me ndotjen ekzistuese të ujërave të lumit.
Ministria e Punëve të Brendshme njoftoi se dje ka pasur të shtëna në fshatin Matkë e Epërme, komuna Saraj, ku një person ka mbetur i plagosur, përcjell TV21.
“Sipas denoncimit të bërë më 29.05.2025, në ora 12:53 në SPB Shkup, në fshatin Matkë e Epërme, komuna Saraj, Sh.I. (36) nga fshati Gërçec, rajoni i Shkupit, është plagosur në këmbë nga arma e zjarrit. Sipas raportit, derisa ai po ecte në këmbë, dy persona të panjohur kanë shtënë ndaj tij dhe më pas janë arratisur. Po merren masa për zbardhjen e rastit”, njoftojnë nga MPB.
Deputetja e Alternativës dhe e koalicionit VLEN, Imerlije Saliu, ka deklaruar se mërgata nuk fshihet nga listat e votimit, duke shtuar se populli është lodhur nga dramat e sajuara për interesa të politikave ditore.
“Mërgata nuk fshihet nga listat e votimit– mërgata është ZEMRA JONË!
Populli është lodhur nga manipulimet dhe dramat e sajuara për interesa të politikave ditore.
Nga regjistrimi i popullsisë më 2021, rezultatet janë alarmante për vendbanimet shqiptare. Plot 85.003 shqiptarë më pak në këto komuna në krahasim me vitin 2001!
Kjo nuk është thjesht statistikë – është pasojë e drejtpërdrejtë e 22 viteve qeverisje të BDI-së, që në vend se t’u sigurojë shqiptarëve kushte për jetë dinjitoze në vendin e tyre, ua tregoi valixhet dhe i shtyu drejt emigrimit për kafshatën e gojës dhe për kushte më të mira.
Ju i detyruat të rinjët pjesën më të vyeshme të shoqëris ta braktisin vendin të boshatisin shtëpitë e tyre duke i lënë prindërit dhe të moshuarit të vetëm nëpër shtëpi, sot pa fije turpi në foltore bëni aktorët e teatrove politike.
Ja të dhënat Statistikore per vendbanimet shqiptare nga regjistrimi I popullesis në vitin 2001 dhe 2021
2001 2021
Gostivari: 81.042 në 59.770 -21.272 banorë
Kërçova: 56.734 në 39.669 -17.065 banorë
Struga: 63.376 në 50.980 -12.396 banorë
Kumanov: 105.484 në 98.014 -7.470 banorë
Vrapçishti: 25.399 në 19.842 -5.557 banorë
Zhelina: 24.390 në 18.988 -5.402 banorë
Tearca: 22.454 në 17.694 -4.760 banorë
Likova: 27.058 në 22.308 -4.750 banorë
Dibra: 19.542 në 15.412 -4.130 banorë
Bërvenica: 15.855 në 13.654 -2.201 banorë
Kur e shkaktuat ktë MURTAJ TË BARDHË ndaj popullit shqiptare, me dorën tuaj e kishit votuar edhe drejtorin e më e keqja zëvendës drejtorin e Entit Shtetëror Statistikor i cili ishte shqiptare. Pse nuk reaguat kur i etiketuat shqiptarët ne REZIDENT DHE JOREZIDENT.
Mërgata jonë u largua– jo sepse donin, por sepse JU i detyruat”, ka shkruar Saliu.
Nga Drejtoria për Zbatimin e Sanksionev njoftojnë se në burgun e “Idrizovë” është kryer një kontroll në repartin e hapur, gjatë të cilit janë gjetur dhe konfiskuar një sasi e konsiderueshme e gjësendeve të ndaluara.
“Gjatë aksionit janë sekuestruar: 50 gramë marihuanë, 48 karikues telefoni, 37 telefona celularë, 3 USB, 5 kufje me bluetooth, 3 bateri për telefona celularë dhe tableta metadon”, njoftojnë nga DZS.
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Të shtëna me armë zjarri në Matkë të Sarajit, plagoset një banor i Gërçecit
REPREZENTACIONI “A”. NISI PËRGATITJET PËR DY NDESHJET E QERSHORIT
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
Me iniciativë të kryeshefit Rijat Ali, shërbimet për dokumentacione edhe në stacionet lokale
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve