Lajme nga vendi
Mbi 100 fëmijë vitin e ri e presin në spitale, infeksionet virusale shkaktar hospitalizimi
Mbi 100 fëmijë Vitin e Ri do ta kalojnë të hospitalizuar në reparte spitalore në Kozle apo në Klinikën për sëmundje të fëmijëve. Sipas mjekëve infeksionet virusale janë shkaktari kryesor për hospitalizim.
“Parimisht, të gjithë fëmijët që vinë fillimisht janë vizituar nga mjeku i familjes ose janë mjekuar në institucion tjetër në një qytet tjetër, por pas pranimit të terapisë njëjavore kanë ardhur të gjithë tek ne. Ka disa fëmijë që kanë rënie të saturacionit deri në 80-85% dhe atyre u jepet mbështetje oksigjeni që në ditët e para.”, – deklaroi drejtori i spitalit të fëmijëve “Kozle”, Besnik Zeqiri.
Zekiri thotë se trajtimi spitalor tani zgjat deri në dhjetë ditë. Kjo bëhet për shkaqe sigurie, sepse virusi ndonjëherë është i paparashikueshëm. Ndryshe nga Kozle, ku më shpesh trajtohen sëmundjet akute, në objektin më të madh shëndetësor, Klinikën e Fëmijëve, ka fëmijë në terapi intensive.
“Për momentin kemi rreth 70 pacientë të hospitalizuar, 10 prej të cilëve janë në reanimacion. Më të shpeshta janë sëmundjet e frymëmarrjes, bronkiti, gjendjet febrile dhe konvulsionet.”, – u shpreh mjekja, Andrijana Andreevska Stepanovska.
Edhe pse të gjithë ne dëshirojmë shëndet të mirë, ata që do të kenë nevojë për ekzaminim dhe mjekim, klinika e fëmijëve dhe ekipet mjekësore të “Kozles” do të jenë në dispozicion për ta njëzet e katër orë.
Lajme nga vendi
Grabitje si në filma në qendër të Shkupit: Taksisti i kërkon telefonin pasagjerit, i vjedh edhe çantën dhe arratiset
Dje në ora 17:00, në SPB Shkup, F.J. (26) nga Shkupi ka denoncuar se rreth orës 03:00, në zonën e Qendrës, një person që drejtonte një automjet taksi i ka kërkuar telefonin celular për të kryer një telefonatë dhe, pasi ia ka dhënë, i ka marrë edhe çantën në të cilën kishte dokumente dhe sende të tjera, pas së cilës është larguar nga vendi i ngjarjes me automjet.
Po ndërmerren masa për zbardhjen e rastit.
Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturina Komunale i Republikës së Maqedonisë së Veriut (KRRE) solli vendimin, me të cilin bëhet rritja e çmimeve të shitjes me pakicë të derivateve të naftës mesatarisht 0,77 % në raport me vendimin e datës 26.1.2026.
Çmimet e shitjes me pakicë të benzinës EUROSUPER BS-95 dhe EUROSUPER BS-98 nuk ndryshojnë. Çmimet e shitjes me pakicë të EURODIZELIT (D-Е V) dhe të Vajit Ekstra të Lehtë për Amvisëri (ЕL-1) rriten për 0,50 denarë/litër. Çmimi i shitjes me pakicë i Мazutit М-1 SU rritet për 0,786 den/kg dhe do të jetë 33,885 den/kg.
Nga data 3.2.2026, ora 00:01 çmimet maksimale të derivateve të naftës do të jenë:
Benzinë motori EUROSUPER BS – 95 72,00 (denarë/litër)
Benzinë motori EUROSUPER BS – 98 74,00 (denarë/litër)
Naftë motori EURODIZEL BS (D-E V) 68,00 (denarë/litër)
Vaj për Djegie Ekstra i Lehtë 1 (EL-1) 67,00 (denarë/litër)
Mazut М-1 SU 33,885 (denarë/kilogram).
Nga KRRE thonë se këto janë çmimet maksimale të derivateve të naftës nga ora 00:01 e datës 3.2.2025. Shitësit me shumicë dhe pakicë të derivateve të naftës dhe të karburanteve për transport mund të vendosin çmime të veçanta për derivatet e naftës dhe të karburanteve për transport edhe më të ulëta se çmimet më lartë të përcaktuara.
Lajme nga vendi
Hoxha-Hriçová: Krijojmë mundësi dhe bashkëpunim për forcimin e mëtejshëm të partneritetit
Ministri i Mjedisit Jetësor dhe Planifikimit Hapësinor, Muamet Hoxha, zhvilloi një takim pune me Ambasadoren e Republikës së Sllovakisë në Republikën e Maqedonisë së Veriut, Iveta Hriçová.
Në takimin Hoxha-Hriçová u theksuan marrëdhëniet tradicionalisht të mira dhe miqësore ndërmjet dy vendeve, si dhe përkushtimi i përbashkët për avancimin e mëtejshëm të tyre, veçanërisht në kontekstin e integrimit evropian të Republikës së Maqedonisë së Veriut.
Ministri Hoxha shprehu mirënjohje për mbështetjen e vazhdueshme dhe parimore që Republika e Sllovakisë i jep Republikës së Maqedonisë së Veriut në rrugën e saj drejt anëtarësimit në Bashkimin Evropian, duke theksuar se integrimi evropian përfaqëson një nga shtyllat kryesore të marrëdhënieve dypalëshe ndërmjet dy shteteve.
Veçanërisht u vlerësua roli i Republikës së Sllovakisë në nxitjen e debatit publik dhe institucional mbi perspektivën evropiane të vendit tonë, si dhe mbështetja për Konventën Kombëtare për Bashkimin Evropian, e iniciuar nga Ambasada e Sllovakisë në Shkup, si një mekanizëm i rëndësishëm për dialog gjithëpërfshirës dhe shkëmbim përvojash në procesin e anëtarësimit në BE.
Ministri Hoxha prezantoi prioritetet e Ministrisë së Mjedisit Jetësor dhe Planifikimit Hapësinor në kuadër të procesit të integrimit në BE, me fokus në shfrytëzimin efikas të fondeve IPA.
Bashkëbiseduesit u dakorduan se takimi përbën një bazë të mirë për identifikimin e mundësive konkrete për bashkëpunim të ardhshëm dhe për forcimin e mëtejshëm të partneritetit ndërmjet Republikës së Maqedonisë së Veriut dhe Republikës së Sllovakisë.
Grabitje si në filma në qendër të Shkupit: Taksisti i kërkon telefonin pasagjerit, i vjedh edhe çantën dhe arratiset
Shtrenjtohen çmimet e derivateve të naftës
Hoxha-Hriçová: Krijojmë mundësi dhe bashkëpunim për forcimin e mëtejshëm të partneritetit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoMoti me vranësira dhe reshje shiu
-
Lajme nga vendi2 months agoApel për ndihmë Zenun Hysa, një 28-vjeçar nga Kaçaniku i Kosovës, po përballet me një betejë të vështirë shëndetësore
-
Lajme nga vendi2 months agoPendarovski për CIVIL: Zyrtarë të qeverisë po e afrojnë vendin me botën serbe dhe ruse