Të gjitha zgjidhjet e rëndësishme normative, sistematike, siç është organizimi territorial i vetëqeverisjes vendore, duhet të jenë rezultat i një debati të gjerë, konsultimeve me të gjithë aktorët dhe me një synim të përcaktuar saktë, për të ditur pse po bëhet.

Aktualisht është duke u vlerësuar zbatimi i Ligjit për Organizimin Territorial të Vetëqeverisjes Lokale, thotë ministri i Vetëqeverisjes Lokale, Risto Penov, në një intervistë për “Lokalno”.

Sa i përket nivelit të ulët të decentralizimit fiskal, Penov vlerëson se kjo nuk mund të jetë një masë e njëhershme që do t’i zgjidhë të gjitha çështjet si me shkop magjik, duke shtuar se komunat duhet të bëjnë gjithçka që kanë në duar për të ulur kostot.

“Nuk ka kohë për të zhvendosur përgjegjësinë. Ata që dinë të menaxhojnë në kushte krize do të kenë sukses. Dhe komunikimi mes pushtetit qendror dhe atij vendor është një domosdoshmëri dhe unë insistoj që në ditën e parë të mandatit tim, thekson Ministri.