Lajme nga vendi
“Titanik 2”: Mijalkov, Thaçi dhe të gjithë të akuzuarit dënohen me dy vjet burg për parregullsi zgjedhore (VIDEO)
Gjyqtarët Ognen Stavrev dhe Osman Shabani kanë rigjykuar rastin “Titanik 2”, i cili ka të bëjë me parregullsitë zgjedhore të bëra në zgjedhjet e vitit 2013. Gjykata vlerësoi të gjitha rrethanat lehtësuese dhe rënduese dhe i shpalli fajtorë të gjithë të dyshuarit.
Në gjykimin e përsëritur, ish-drejtori i UBK-së, Sasho Mijalkov, është dënuar me dy vjet burg. Edhe lideri i PDSH-së, Menduh Thaçi, u dënua me dy vjet burg.
Nga ish-anëtarët e KSHZ-së, të cilët u rikualifikuan për veprën e tyre dhe tani ndiqen për shkelje të së drejtës së votës, Bedredin Ibraimi u dënua me dy vjet burg, si dhe Vlatko Sajkovski, Sasho Srtsev dhe Anita Stefanovska të cilët morën një dënim me dy vjet burg.
Të pandehurit kanë bërë shkelje të drejtpërdrejtë të së drejtës zgjedhore në interes të interesave të tyre partiake, me shkelje të drejtpërdrejtë dhe të paramenduar”, tha ndër të tjera gjyqtari Stavrev.
Sasho Mijalkov u soll në gjyq me gjysmë ore vonesë nga policët e burgut nga burgu i Strugës. Në sallën e gjyqit ishte i pranishëm edhe djali i tij Aleksandar Mijalkov.
Të gjithë të akuzuarit e mohuan fajësinë në gjykimin e përsëritur. Sasho Mijalkov dhe Menduh Thaçi ndiqen penalisht për nxitje, ndërsa ish anëtarët e KSHZ-së akuzohen për anulim të votimit me urdhër të tyre. Ata prisnin që prokurori Gavril Bubevski ta tërhiqte aktakuzën sepse sipas tyre ajo ishte e pabazuar dhe pasi kjo nuk u bë, prisnin që gjyqtarët Stavrev dhe Shabani të jepnin aktakuzë lirues.
Gjykata e Apelit e anuloi vendimin në dhjetor 2019.
Në rastin “Titanik 2” ka parashkrim të caktuar për veprën e “marrjes së shpërblimit për ndikim të kundërligjshëm” për të cilën akuzohej Mijalkov, tashmë në prill të këtij viti. Nëse Apeli nuk merr vendim për këtë rast deri në prill, Mijalkov do të lirohet nga akuza. Për pjesën tjetër të të pandehurve, përfshirë Thaçin, afatet e parashkrimit nuk skadojn së shpejti.
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
