Lajme nga vendi
KShPK demanton ministrin Osmani: Pretendimet për keqpërdorimin e makinave zyrtare janë të bazuara në raportin e Revizionit
Komisioni Shtetëror për Parandalimin e Korrupsionit i demanton publikisht pretendimet e ministrit të Punëve të Jashtme të RMV-së, të publikuara më 20.01.2023 në Tv Alasat, ku Osmani kishte thënë se në MPJ nuk ka një raport të tillë siç është komentuar në opinion, në të cilin ndonjë revizorë i brendshëm konstaton, përkundrazi, sipas tij, auditori i brendshëm thotë se në krahasim me të kaluarën ka rregull. “Nuk ka raport të tillë, ndoshta është keqinterpretim”, kishte thënë Osmani, transmeton Portalb.mk.
Ndërkohë sot nga Komisioni Shtetëror për Parandalimin e Korrupsionit thonë se pretendimet e veta i bazojnë në Raportin Përfundimtar të nxjerrë nga revizioni i kryer i rregullsisë së shpenzimeve të deklaruara për automjetet zyrtare në Ministrinë e Punëve të Jashtme nga data 01.08 deri më 31.10.2021 (në proces zgjedhor) me numër 58-13627/ 22-1 nga 29.04.2022, dorëzuar në KShPK më 03.05.2022.
Nga KShPK thonë se në Përmbledhjen ekzekutive për ministrin, renditen gjendjet që tregojnë se:
Nuk ka person kompetent të caktuar për mbajtjen e evidencës së automjeteve dhe pajisjeve dhe servisimin, regjistrimin dhe sigurimin e tyre;
Nuk mbahen shënime se cili person drejton cilin mjet zyrtar dhe as nuk bëhen urdhra udhëtimi me shënimin e të dhënave për kilometrat e kaluar;
Përdorues të caktuar të automjeteve zyrtare nuk kanë ofruar dhe dorëzuar dokumente kontabël të rregullta dhe të besueshme në departamentin e çështjeve financiare;
Nuk është krijuar asnjë sistem për të kontrolluar përdorimin dhe shfrytëzimin e karburantit të automjeteve zyrtare.
“Kjo është në kundërshtim me pretendimin e ministrit se nuk ka një raport të tillë nga “ndonjë” revizorë i brendshëm dhe se KShPK po i keqinterpreton pretendimet. Duke marrë parasysh pretendimet nga Raporti, Komisioni Shtetëror ka miratuar Vendimin përkatës nr. 12-.436/1 23.01.2023″, thuhet në demantin e KShPK-së.
Katica Nikollovska nga Anti Korrupsioni një javë më parë deklaroi se nga dokumentet e marra nga Revizioni i brendshëm në MPJ konstatohet se gjatë periudhës zgjedhore, MPJ ka pasur 15 automjete të saja dhe dy i ka marrë nga Agjencia e Zbulimit. Por për këto automjete ministria nuk mban asnjë evidencë për përdorimin e tyre pasi nuk ka pasur person të angazhuar i cili duhej të kujdeset për automjetet, mënyrën për përdorimin e tyre, gjendjen teknike dhe higjienën. Por se nuk mund të vërtetohet shpenzimi mesatar i një automjeti, se për cilat automjete sa lëndë djegëse është mbushur dhe harxhuar gjatë periudhës së kontrolluar. Mungojnë edhe evidenca të rregullt për kilometrat e kaluar të automjeteve si dhe leje për udhëtim me ta.
“Gjendjet e këtilla shërbimi për revizion të brendshëm pranë ministrisë i ka vlerësuar me rrezik të lart ligjor, respektivisht me rrezik të mos respektimit të akteve ligjore dhe nënligjore, respektivisht rrezik nga mosrespektimi i rregullativës ligjore në periudhën e kontrolluar, me rrezik të lartë financiar si dhe me rrezik të shpenzimit pa dedikuar të mjeteve buxhetore dhe me rrezik të lartë personal, respektivisht sjellje joetike dhe keqpërdorim të detyrës zyrtare. Për tejkalimin e këtyre shërbimi për revizion të brendshëm ka dhënë katër reskomandime ndaj personave udhëheqës të ministrisë”, tha Katica Nikollovska, Anti korrupsioni.
Automjetet zyrtare i kanë drejtuar persona nga kabineti i ministrit, zv/ministrit, sekretari shtetëror dhe drejtori i drejtorisë për punë organizative. Kryetarja e Anti Korrupsionit, Biljana Ivanovska thotë se edhe më tragjik është fakti që Ministri Bujar Osmani gjatë zgjedhjeve në orar të punës ka udhëtuar dhe ka mbajtur aktivitete partiake.
“Ajo që shikohet në xhirim, do e komentoja, Ministri i Punëve të Jashtme jo që e përdor automjetin për aktivitete partiake, por edhe nga shtabi i partisë së tij jep deklaratë për punë shtetërore, që aspak nuk është në pajtueshmëri me kodeksin etike për anëtarët e qeverisë, sepse atje thuhet se derisa është në orar të punës, çdo bartës i funksioni publik, duhet ta kryej funksionin e tij, ndërsa aktivitetet zgjedhore duhet të kryhen pas përfundimit të orarit të punës. Që do të thotë se ky jo vetëm që e ka përdorur automjetin për të shkuar kudo që duhet, ai nga shtabi zgjedhor i partisë së tij jep deklaratë lidhur me funksionimin e shtetit”, tha Biljana Ivanovska, Kryetare Anti Korrupsion.
Nga Anti Korrupsioni thonë se përdorimi i veturave zyrtare gjatë zgjedhjeve është vërejtur edhe tek Ministri i Mjedisit jetësor. Megjithatë thonë se dokumentet tregojnë që për dallim nga Ministria e Punëve të Jashtme, ministria e Mjedisit jetësor i ka miratuar të gjitha aktet për përdorimin e automjeteve zyrtare. Nga anti korrupsioni do të kërkojnë nga zv/kryeministrja për Krijimin e politikave të mira, Sllavica Gërkovska, të ngre iniciativë për procedurë për përgjegjësi për Ministrin e Punëve të Jashtme dhe për Ministrin e Mjedisit Jetësor.
Mirëpo kundër pretendimeve të Komisionit Kundër Korrupsionit doli shefi i diplomacisë, Bujar Osmani.
“Në rastin tonë, në MPJ nuk ka një raport të tillë siç është komentuar në opinion, në të cilin një auditor i brendshëm konstaton, përkundrazi, auditori i brendshëm thotë se në krahasim me të kaluarën ka rregull. Nuk ka raport të tillë, ndoshta është keqinterpretim”, tha Osmani.
Lajme nga vendi
Ndërtimi i autostradës Tetovë Gostivar në kuadër të korridorit 8 ka ngritur një shqetësim tek banorët në territorin e Komunës së Bogovinës
Ndërtimi i autostradës Tetovë Gostivar në kuadër të korridorit 8 ka ngritur një shqetësim tek banorët që jetojnë në territorin e Komunës së Bogovinës.Bëhet fjalë për qasjen në austostradë të banorëve të fshatrave të kësaj komune. Sipas informacioneve të deritanishme nga Tetova deri në Gostivar do të ketë vetëm një kyçje kryesore edhe atë në fshatin Pirok mes territorit të komunës së Bogovinës dhe Vrapçishtit.Ndërsa, pothuajse të gjithë fshatrat do të kenë qasje në rrugën ndihmëse e cila do të lidhet me korridorin.Këto shqetësime të këtyre banorëve janë shprehur edhe në takimin e fundit të kryetarit të Komunës së Bogovinës Feti Abazi me përfaqësues të Bechtel Enka. Kryetari Abazi thotë se në këtë takim janë marrë informacione lidhur me projektin por pritet që të ketë edhe takime tjera. Krahas kësaj është kërkuar infrastrukturë edhe për bujqit që janë në pjesën e poshtme të korridorit.“Nga takimi që kishim, ne u furnizuam me disa informacione. Tani, nga takimi arritëm në përfundim se secili vendbanim do të ketë qasje në rrugën ndihmëse për në autostradë. Rrugë e cila do të ketë qasje direkte në korridorin 8 do të jetë në fshatin Pirok, ku edhe është kufiri ndërmjet Komunës së Bogovinës dhe Komunës së Vrapçishtit, ndërsa të gjithë fshatrat do të ketë qasje por përmes rrugës ndihmëse. Ne parashtruam kërkesa dhe do keto kërkesa do të dorëzohen edhe zyrtarisht” thotë kryetarit të Komunës së Bogovinës Feti Abazi.Ndërkaq, kërkesa e kahmotshme e banorëve të fshatit Zherovjan për nënkalimin mbetet çështje për diskutim, pohon kryetari Abazi. “Ne kemi kërkuar që të bëhet edhe drenazhimi i autostradës sepse kemi fshatin Zherovjan që ndodhet poshtë autostradës dhe aty kemi nënkalim. Poashtu, e kemi fshatin Sedllarcë që ndodhet shumë afër austostradës, ndërsa pronat bujqësore i kanë poshtë autostradës, ku ka edhe ferma të cilët faktikisht duhet të kenë edhe rrymë dhe infrastrukturë tjetër përcjellëse, që mos kemi probleme ndërkohë. Për Zherovjanin kemi kërkuar nënkalim me të gjitha parametrat dhe një trotuar për lëvizje të banorëve” thotë kryetari Abazi. Problem tjetër sipas tij janë edhe shpronësimet pasi që toka që u është marrë qytetarëve nuk u paguhet mirë. “Është fakt se banorët tonë janë të dëmtuar me kompenzimin e pronës.Shpresoj se do të ketë mirëkuptim, qytetarëve u bëj apel që të bëjnë ankimime dhe sa do të pranohen ankesat e tyre unë nuk e di, por do të jem në krah të qytetarëve”, tha kryetari Abazi. Edhe pse për këtë pjesë kryetari Abazi thotë komunat nuk kanë komptenca, por nënvzon se do të përkrah banorët.
Për tre nga pesë të arrestuarit nga Bërvenica të cilët dyshohen për tregti me drogë dhe armë, gjykata ka caktuar masën e kujdesit afatshkurtër prej 48 orëve, përkatësisht mbajtjen në dobi të hetimit. Një i dyshuar tjetër është obliguar me paraqitje.
“Dy klientët e mijë, me inicialet SZ dhe IJ që dyshohen për vepër penale tregti me drogë dhe armë dhe lëshim të pa autorizuar në treg, të paraparë me Nenin 396 të KP të RMV dhe të Nenit 215 paragrafi një, të cilat hyjnë në kategorinë e veprave të rënda dhe serioze”, tha Qenan Ramani, avokat.
Një nga pesë të arrestuarit ditë më parë, tek i cili është gjetur sasia më e madhe e parave, është liruar nga akuza, sepse i njëjti ka dëshmuar me dokument prejardhjen e parave dhe ai nuk do të ndiqet penalisht. Grupi i arrestuar ditë më parë dyshohet të ketë lidhje të forta me pushtetin aktual dhe qendror. Policia është duke punuar për zgjerimin e hetimit dhe shpartallimin e plotë të grupit kriminal.
Presidentja Gordana Siljanovska Davkova dekretoi Kodin Penal. Thotë se ka vërejtje, por sipas saj është më i mirë se Kodi paraprak Penal. Siljanovska thotë se ndryshimet i pranon vetëm si tranzicion, pra deri në miratimin e Kodit tërësisht të ri në qershor.
“Unë e kam nënshkruar ligjin ja do të them përse. Kam menduar, por kam edhe unë vërejtje për disa zgjidhje por më së voni pres që ky tranzicion të tejkalohet në qershor, siç më kanë shpjeguar, sepse unë kërkova sqarime të detajuara. Do ta toleroj këtë vetëm në prag të pritjes së Kodit të ri Penal, për të cilin punohet gjatë kohë dhe sipas meje do të jetë kyç edhe për reformat në gjyqësor”, tha Gordana Siljanovska Davkova, Presidente.
Siljanovska tha se e mbështet plotësisht edhe ligjin për kundërvajtje në trafik, respektivisht sistemin “Safe City”. Ajo thotë se iniciativat që e vënë në pikëpyetje kushtetutshmërinë e sistemit janë të pabaza.
“Unë jam juriste dhe teza se sistemi ka të bëjë vetëm me disa qytete është tezë laike nuk është tezë e bazuar juridikisht sepse në Kumanovë, Shkup dhe Tetovë nuk drejtojnë automjetet vetëm banorët e atyre qyteteve por ka shoferë nga i gjithë shteti. Unë nuk shoh këtu diskriminim. Diskriminimi është i mundshëm vetëm nëse bëhet fjalë për dallime në baza gjinore, mbi baza të çfarëdolloj përkatësie”, u shpreh Gordana Siljanovska Davkova, Presidente.
“Safe City” do të hyjë në fuqi të plotë më 1 shkurt, kur dhe do të nis zbatimi i gjobave ndaj shkeljeve të detektuara nga sistemi i kamerave. Gazetare: Ajnur Bafqari
Ndërtimi i autostradës Tetovë Gostivar në kuadër të korridorit 8 ka ngritur një shqetësim tek banorët në territorin e Komunës së Bogovinës
Paraburgim për tre të arrestuarit nga Bervenica për armë dhe drogë
“Safe City”/ Presidentja dekretoi Kodin Penal
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
