Një përleshje e dhunshme ka ndodhur dy ditë më parë në kantonin Thurgau të Zvicrës, ku u përfshinë disa persona nga vende të ndryshme, duke lënë disa të lënduar. Sipas raportimeve nga Policia Kantonale e Thurgaut, incidenti ndodhi rreth orës 04:00 të mëngjesit në një objekt hotelierik, kur një debat mes dy grupeve eskaloi në dhunë fizike.

Tre shtetas të Maqedonisë së Veriut – dy 41-vjeçarë dhe një 43-vjeçar – pësuan lëndime të rënda dhe u transportuan me urgjencë në spital. Përveç tyre, katër persona të tjerë morën ndihmë mjekësore për lëndime të lehta: një shtetas i Kosovës 54 vjeç, një shqiptar 35 vjeç, dhe dy zviceranë, 40 dhe 27 vjeç.

Dy pjesëmarrës të tjerë fatmirësisht nuk pësuan dëmtime: një zviceran 52-vjeç dhe një maqedonas 48-vjeç. Autoritetet zvicerane po hetojnë shkaqet e përleshjes dhe identitetet e të përfshirëve për të sqaruar rrethanat e ngjarjes. Gazeta Flaka

Për të tetën herë brenda pak muajsh, gjimnazi i Tetovës “Kiril Pejçinoviq” sot ka pranuar një mesazh për bombë. Alarmet e vazhdueshme kanë bërë që nxënësit të protestojnë para Stacionit Policor të Tetovës. Ata thonë se situata është bërë e padurueshme, pasi po humbin mësimin dhe janë të lodhur nga evakuimet e shpeshta.

“Si rrjedhojë e pakënaqësisë sonë me dukurinë e bombave të shpeshta, e cila ka ndodhur tetë herë në shkollën tonë dhe paraqet një indikator serioz të cenimit të mbarëvajtjes së mësimit, respektivisht të mosmbajtjes së mësimit, dëmi më i madh u shkaktohet nxënësve. Kjo për ne është e papranueshme dhe kërkojmë nga organet kompetente që të ndërmarrin masa të menjëhershme dhe serioze për mbarëvajtjen afatgjatë të procesit mësimor dhe për të parandaluar përsëritjen e këtyre dukurive.”

 “Kemi ardhur sot për të protestuar kundër policisë lidhur me alarmet për bomba. Çdo ditë po na lodhin me hyrje-dalje dhe nuk po mund të zhvillohet mësimi.”

“Alarmet e bombave në gjimnazin e Tetovës vërtet na kanë lodhur. Është hera e shtatë apo e tetë dhe situata ka eskaluar. Jemi të lodhur nga ajo që po ndodh në këtë gjimnaz.”

Ndërkaq, drejtori i gjimnazit e konsideron të papranueshme faktin që policia asnjëherë nuk merr përgjegjësi. Sipas tij, edhe pas kontrolleve që kryhen, autoritetet u thonë vetëm gojarisht se përgjegjësia është e shkollës nëse procesi mësimor vazhdon. Ai kërkon që të ndërmerren masa konkrete, në mënyrë që procesi mësimor të mos ndërpritet.

Advertisement

“Situata është e padurueshme. Ajo që ndodhi sot është e patolerueshme. Nuk kemi asnjë përgjigje nga Ministria e Punëve të Brendshme, ndërsa nga SPB Tetovë nuk ka marrje konkrete përgjegjësie. Edhe pse ata vijnë dhe kryejnë procedurat e tyre, ekipet e antiterrorit që duhet të marrin vendime konkrete nuk paraqiten, ndërsa përgjegjësia mbetet te ne. Ata e kryejnë vetëm aspektin protokollar, i cili nuk përputhet me aspektin profesional. E vetmja përgjigje që më jepet si drejtor është se përgjegjësia është e shkollës nëse nxënësit do të vazhdojnë mësimin. Nuk ka mundësi që unë të marr përsipër përgjegjësinë për 1.400 nxënës, kur vetë organi kompetent nuk e merr atë”, tha Jeton kamberi – drejtor i gjimnazit ‘Kiril Pejçinoviq’.

Gjimnazi i Tetovës nuk është shkolla e vetme në qytet që është përballur me alarme të rreme për bomba, por këtë vit pikërisht në këtë institucion ato kanë qenë më të shpeshta. Nga drejtoria, protesta dhe bojkoti i mësimit ishin paralajmëruar javë më parë, me arsyetimin se alarmet e vazhdueshme për bomba të rreme dhe mungesa e përgjegjësisë nga ana e Ministrisë së Punëve të Brendshme kanë bërë që procesi mësimor të ndërpritet pothuajse çdo javë.

Më 13 dhjetor u mbajt 2025ECONLIT Forum 2025, forum I cili mblodhi përfaqësues nga akademia, institucionet publike, sektori privat, shoqëria civile dhe arsimi i mesëm, me qëllim të përbashkët forcimin e edukimit ekonomik dhe financiar në Maqedoninë e Veriut.
Forumi u bashkëorganizua nga Instituti Alternativa Liberale (LAI) dhe Universiteti i Evropës Juglindore (SEEU), me mbështetjen e Economics Fundamentals Initiative (EFI) dhe Open Society Foundation (OSF). Ngjarja shënoi një moment të rëndësishëm në zhvillimin trevjeçar të Programit për Edukim Ekonomik, nga ngritja e vetëdijes deri te konsolidimi institucional dhe inovacioni digjital.
Në Forum morën pjesë përfaqësues të institucioneve kyçe, përfshirë Bankën Popullore të Republikës së Maqedonisë së Veriut, sektorin bankar, Drejtorinë e të Ardhurave Publike, universitete dhe institute kërkimore rajonale. Një theks i veçantë iu kushtua rolit të mësimdhënësve dhe shkollave në ndërtimin e kompetencave ekonomike tek të rinjtë.
Hapja solemne u bë nga Drejtori Ekzekutiv i Institutit Alternativa Liberale Orhan Ceka, i cili ofroi disa informata mbi mbi ndikimin që ka pasur Programi Për Edukim Ekonomik, në këto tre vite të fundit, I cili implementohet nga Instituti në bashkëpunim me Institutin e Bazave Ekonomike nga SHBA, si dhe nga Dekanja e Fakultetit të Biznesit dhe Ekonomisë pranë Universitetit të Europës Juglindore.
Programi përfshiu dy panele diskutimi. Paneli i parë u fokusua në mësimdhënien moderne të ekonomisë, ndërsa paneli i dytë trajtoi lidhjen ndërmjet edukimit ekonomik, rezistencën shoqërore dhe zhvillimit të qëndrueshëm. Gjithashtu, u prezantua platforma digjitale EduSpace, si mjet për zgjerimin e edukimit ekonomik formal dhe joformal.
ECONLIT Forum 2025 theksoi rëndësinë e edukimit ekonomik si bazë për qytetari të informuar, qeverisje të mirë dhe stabilitet afatgjatë. Forumi dërgoi një mesazh të qartë se investimi në njohuri është investim në të ardhmen e shoqërisë.