Lajme nga vendi
Gjykimi kundër Llatasit dhe Llazarovit u shty për më 10 maj
Gjykimi kundër gazetarit Dragan Pavloviq Llatas dhe influencuesit Stefan Llazarov, të akuzuar për veprën penale “përhapje e materialit racist dhe ksenofobik përmes sistemit kompjuterik” u shty për më 10 maj, pasi mbrojtja e të akuzuarit të parë, për shkak të obligimeve me një lëndë tjetër për krim të organizuar dhe korrupsion dhe me kërkesë për kontrollim të dokumenteve sot kërkoi shtyrjen e procesit.
Sipas akuzës, dy të akuzuart përmes sistemit kompjuterik kanë përhapur përfaqësim racist dhe ksenofobik të një ideje që promovon dhunë ndaj grave, që kanë shkaktuar reagime dhe një ndjenjë kërcënimi dhe shqetësimi në opinion.
“I akuzuari i parë, duke u paraqitur në një intervistë të publikuar më 14 shkurt si një podkast në kanalin Jutjub të akuzuarit të dytë, ka promovuar publikisht një akt të dhunës gjinore, duke evokuar kujtime të së kaluarës së tij të supozuar, pa shprehur dënim moral ose pendim, duke promovuar me vetëdije një dhunë të tillë. I akuzuari i dytë, edhe pse ka qenë i vetëdijshëm për ndikimin që e ka përmbajta që e transmeton, sidomos te popullata e re, megjithatë nuk e ka ndalur dhe as e ka ndërprerë bashkëbiseduesin, por më tej e ka shtyrë atë të ritregojë ngjarjen e diskutueshme me komente dhe nënpyetje” qëndron në kumtesën e Prokurorisë.
Llatasit, Gjykata Penale i ka caktuar masë parandaluese, përkatësisht marrje të përkohshme të dokumentit të udhëtimit, gjegjësisht ndalesë të lëshimit të tij dhe ndalesë të kryerjes së disa aktiviteteve të punës lidhur me veprën penale, gjegjësisht ndalesë të paraqitjeve publike që promovon përhapje të materialeve raciste dhe ksenofobike, ndërsa Llazarovit i caktoi ndalesë për paraqitje publike.
Sipas Kodit Penal, ai që përmes sistemit kompjuterik në opinion shpërndan materiale të shkruara raciste dhe ksenofobike, fotografi ose paraqitje tjetër të një ideje ose teorie që ndihmon, promovon ose nxit urrejtje, diskriminim ose dhunë, kundër çdo personi ose grupi, në bazë të racës ngjyrës së lëkurës, origjinën kombëtare dhe etnike, si dhe besimin fetar, do të dënohet me burg nga një deri në pesë vjet.
Procesin e udhëheq gjykatësja Diana Gruevska Ilievska, ndërsa përfaqësues i akuzës është prokurori Daniell Kocev.
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
