Kit-Go, përmes një ndryshimi të regjistruar të emrit të kompanisë, ditët e fundit zyrtarisht ka marrë emrin e zinxhirit ndërkombëtar të supermarketeve Spar.

Kit-Go tani quhet “Spar North Macedonia”, ndërsa 62 markete të shitjes me pakicë në të gjithë vendin janë riemërtuar me emrin e ri. Numri më i madh i pikave të shitjes është në Shtip, por edhe në Shkup, si dhe pothuajse në të gjitha qytetet më të mëdha dhe më të vogla në vend, të cilat tani janë të regjistruara zyrtarisht si Spar.

Në janar u njoftua se Spar do të riemërtojë marketet Kit-Go në Maqedoni dhe do të kalojë nën emrin e brendit të njohur holandez. Marketet Kit-Go, rreth 60 në të gjithë shtetin, për rreth 60 milionë euro u blenë nga kompania kosovare Viva Fresh disa vite më parë, por ende operonin me emrin e tyre të vjetër.

Më herët u publikua edhe një informacion mediatik se zinxhiri holandez i tregtisë me pakicë planifikon të hapë një market në Kavadar. Nga komuna kanë deklaruar, sipas informacioneve të tyre, se kompania tashmë po kërkon një lokacion të përshtatshëm. Në rajon, Spar është i pranishëm në Kosovë dhe Shqipëri.

Në mars të këtij viti, zinxhiri tregtar kosovar Viva Fresh Group, i pranishëm edhe në Maqedoni përmes Viva Fresh Store, Super Kit Go dhe Modern Studio & Top Shop, e mori nën kontroll Spar Albania nga Balfin Group. Spar është themeluar në vitin 1932. Brendi është i pranishëm në 48 vende me 13.800 dyqane. Deri më tani nuk kishte markete në Maqedoni.

Advertisement

Spar kishte interes për të hyrë në tregun e Maqedonisë edhe para fillimit të pandemisë së Covid-it. I themeluar në vitin 1932 në Holandë, SPAR është shndërruar në një brend global i pranishëm në rreth 48 vende me mbi 13.900 dyqane në mbarë botën. Ai dallohet nga të tjerët veçanërisht për përshtatjet lokale të çdo dyqani në komunitetin ku operon. Ndryshe nga zinxhirët e mëdhenj të centralizuar, SPAR funksionon përmes partnerëve të licencuar dhe operatorëve të pavarur, që do të thotë se çdo dyqan është në gjendje t’i përgjigjet nevojave specifike të popullsisë lokale.

Deputetët shqiptarë të opozitës e kanë tërhequr propozim-ligjin me të cilin propozuan që provimi i jurisprudencës të jepet edhe në gjuhën shqipe, Rina Ajdari nga BDI tha për Portalb.mk se duhet vetëm të zbatohet Ligji për përdorimin e gjuhëve. Ndërkaq nuk kanë shpresa se Qeveria do ta zgjidh këtë çështje që provimi të jepet edhe në shqip.

Duke komentuar deklaratat e kryeministrit Hristijan Mickoski, deputetja e BDI-së, Rina Ajdari thotë se kanë vendosur ta tërheqin propozim-ligjin për jurisprudencë për shkak se, siç thotë: qëllimi i qeverisë nuk është jurisprudenca, por është mohimi i Ligjit për përdorimin e gjuhëve.

“Tendenca, qëllimi përfundimtar i shumicës parlamentare, i VMRO-DPMNE-së në koalicion me VLEN është abrogimi i neneve, e dini që ka nismë edhe në Gjykatën Kushtetuese për abrogim të 18 dispozitave të Ligjit për përdorimin e gjuhëve. Kësaj shumice parlamentare, VMRO-DPMNE-së, kryeministrit Mickoski, i pengon Ligji për përdorimin e gjuhëve, i pengon gjuha shqipe zyrtare në vend, duke parë gjithë këtë situatë, ne vendosëm t’i tërheqim ligjet, jemi thirrur në nenet e Ligjit për përdorimin e gjuhëve që e konsideron gjuhën shqipe si gjuhë zyrtare ”, tha Ajdari.

E pyetur për nismën që Avokati i Popullit i ka dorëzuar Qeverisë ku i propozon të bëjë ndryshime ligjore që provimi i jurisprudencës të jepet edhe në shqip, Ajdari tha se nuk pret që Qeveria t’i bëjë këto ndryshime.

“Nuk kam pritshmëri se do të rregullohet, sepse Ligji vetëm duhet të zbatohet, nuk duhet asgjë tjetër”, tha Ajdari.

Advertisement

Më 23.03.2026, në ora 19:45 në Strugë, zyrtarët policorë nga Njësia për tregti të paligjshme me drogë dhe armë pranë SPB Strugë i privuan nga liria L.R. (19) dhe vëllain e tij 15-vjeçar, për shkak të dyshimit për kryerjen e veprës penale “prodhim, posedim, ndërmjetësim dhe tregti e paautorizuar me armë ose materiale shpërthyese”. Gjatë bastisjes në shtëpinë e tyre në Strugë, me urdhër gjykate, u gjetën dhe u sekuestruan një pistoletë “Dessert Lort” kalibër 9 mm dhe një karikator i zbrazët, të cilat i posedonin pa leje. I mituri ka deklaruar se prindërit nuk kanë qenë në dijeni.

Po atë ditë, në ora 17:00 në Kërçovë, zyrtarët policorë nga Zyra e Jashtme për punë kriminalistike Kërçovë e privuan nga liria B.B. (52) nga Kërçova. Gjatë bastisjes në shtëpinë e tij, me urdhër gjykate, u gjetën dhe u sekuestruan 23 copë municion kalibër 9 mm.

Në ora 16:35 në Ohër, zyrtarët policorë nga Njësia për tregti të paligjshme me drogë dhe armë pranë SPB Ohër e privuan nga liria Sh.F. (37) nga Ohri. Gjatë bastisjes në shtëpinë e tij, me urdhër gjykate, u gjet dhe u sekuestrua marihuanë.

Për rastet janë njoftuar prokurorët publikë kompetentë dhe pas dokumentimit të plotë të tyre, ndaj personave do të parashtrohen kallëzime përkatëse.