Lajme nga vendi
Mbahet seanca konstituive e grupit të punës për reformën zgjedhore | VIDEO
Grupi i punës për reforma zgjedhore ka mbajtur sot seancën konstituive ku kryetar u zgjodh Aleksandar Novakovski, ekspert dhe ish-kryetar i KShZ-së.Ky grup punues fillimisht do të fokusohet në miratimin e ndryshimeve që kanë të bëjnë me rekomandimet dhe vërejtjet e OSBE/ODIHR-it dhe më pas pritet të përpilohet një kod i ri zgjedhor.
“Unë jam optimist për mënyrën e punës sepse shoh që përfaqësues në këtë grup punues janë persona të cilët janë nga kjo fushë dhe të cilët kohë të gjatë punojnë në këtë materie dhe shpresoj se, do të dalim me propozim dhe do të arrijmë t’i respektojmë afatet që janë të përcaktuara me disa standarde evropiane që këto ndryshime të zbatohen në periudhë 6 muaj para zgjedhjeve” – tha Aleksandar Novakovski, kryetar i grupit të punës.
I pyetur nëse në kuadër të këtij grupi punues do të ndryshohet edhe modeli zgjedhor, Ministri i Drejtësisë, Krenar Lloga, , tha se kjo nuk është prioritet.
“Të gjitha vërejtjet që janë vënë në raportit e OSBE/ODIHR-it do të inkorporohen. Sot biseduam për modalitetin se si do të jepen zgjidhje këto dhe do të diskutohen nga ana e ekspertëve por edhe nga ana e institucioneve tjera dhe mendoj që do të kenë zgjidhje konkrete ligjore për këtë punë” – deklaroi Krenar Lloga, ministër i Drejtësisë.
Ndërkaq, përfaqësuesi i BDI-së Arbër Ademi, tha se janë të hapur që mbi bazë të argumenteve të diskutojmë për çfarë do lloj modeli.
“Në radhë të parë na duhet konsensus, konsensus i gjerë ndëretnik e ndërpartiak i cili do të pasqyrojë realitetin heterogjen të shoqërisë. Sot nuk u lëshuam në diskutime që kanë të bëjnë me modeli zgjedhor dhe ky grup punues nuk është i themeluar ekskluzivisht të diskutojë vetëm për këtë çështje, por edhe shumë çështje të tjera që janë të një rëndësie jetike” – tha Arbër Ademi.
VMRO – DPMNE, nuk i është përgjigjur ftesës që të merr pjesë në këtë grup punues. Megjithatë, ata propozojnë që në kuadër të ndryshime në kodin zgjedhor, të vendoset modeli me një njësi zgjedhore. Ministri Lloga i bëri thirrje VMRO-DPMNE që t’i bashkëngjiten grupit punues dhe aty t’i parashtrojnë të gjitha propozimet dhe iniciativat për reforma në legjislacionin zgjedhor.
Lajme nga vendi
Nivelet e pothuajse të gjitha lumenjve në vend shënojnë ulje të lehtë në krahasim me ditën e djeshme
Nivelet e pothuajse të gjitha lumenjve në vend shënojnë ulje të lehtë në krahasim me ditën e djeshme, tregojnë matjet e fundit të bëra nga Drejtoria për Punë Hidrometeorologjike (DPHM).
Përjashtim janë lumenjtë Strumica në vendin matës Sushevë ku ka rritje të nivelit të lumenjve prej katër centimetra në krahasim me ditën e djeshme dhe Drini i Zi në Lozhan ku niveli është më i lartë për 31 centimetra në krahasim me ditën e djeshme, si dhe Babuna në vendin matër Bogomilë ku niveli i ujit është i njejtë me ditën e djeshme.
Rritje prej një centimetër në krahasim me ditën e djeshme ka edhe niveli i Liqenit të Ohrit, ndërsa te dy lumenjtë tjerë natyror në vend niveli i ujit është i njejtë me ditën e djeshme. Me këtë, niveli i Liqenit të Ohrit është për 10 centimetra më i lartë nga mesatarja historike për janarin, liqeni i Prespës është për 2,33 metra më i ulët nga mesatarja, ndërsa te liqeni i Dojranit është për 85 centimetra më i lartë nga mesatarja për janarin, por megjithatë është 96 centimetra nën minimumin e dakorduar.
Lajme nga vendi
U miratua Plani vjetor për Tranzicion të drejtë 2026: fokusi i punëtorëve, hapje e mundësive të reja për punësim
Qeveria e miratoi Planin vjetor për implementim të Tranzicionit të drejtë për vitin 2026, me çka vazhdohet me zbatim sistematik të procesit të drejtë energjetik dhe transformim ekonomik në vend, kumtoi Ministria e Energjetikës, Minierave dhe Burimeve Minerale.
Në kumtesë ceket se me miratimin e Planit, Qeveria dhe Ministria “e konfirmojnë përkushtimin e vet drejt sigurimit të tranzicionit të drejtë i cili do t’i marrë parasysh pasojat socioekonomike ndaj bashkësive dhe punëtorëve në rajonet e prekura nga tranzicioni, me fokus të veçantë në hapjen e mundësive të reja për punësim, rikualifikim të fuqisë punëtore dhe nxitje të zhvillimit të qëndrueshëm lokal ekonomik”.
Me mekanizmat e paraparë sigurohet qasje e koordinuar mes institucioneve kompetente dhe ndërmarrjeve publike.
“Plani vjetor për vitin 2026 është përpunuar në pajtim me dokumentet strategjike nacionale dhe Agjendën reformuese, si dhe me obligimet e ndërmarra në kuadër të procesit të tranzicionit të përshpejtuar nga karboni ndaj burimeve të qëndrueshme të energjisë. Plani paraqet dokument operativ i cili i definon aktivitetet konkrete, kornizën kohore, institucionet kompetente dhe resurset e nevojshme për realizimin e tij. Ministria e Energjetikës, Minierave dhe Burimeve Minerale është e obliguar ta publikojë Planin vjetor në ueb-faqen e saj dhe ta koordinojë implementimin e tij, përderisa minsitritë e resorit dhe institucionet relevante do t’u japin prioritet aktiviteteve në kuadër të programeve të veta vjetore, me njoftim të rregullt për përparimin gjatë implementimit”, kumtoi Ministria.
Në kumtesë ceket se Plani vjetor për implementim të tranzicionit të drejtë për vitin 2026 “paraqet hap të rëndësishëm në drejtim të zbatimit më efikas dhe të koordinuar të reformave të planifikuara, përforcimit të kornizës institucionale dhe avancimit të bashkëpunimit me partnerët ndërkombëtarë dhe institucionet financiare”.
Qeveria aktuale e Kryeministrit Mickoski, në vend të integrimit, po e çon vendin drejt izolimit, akuzojnë sot nga LSDM.
“Një bashkëpunëtor i ngushtë i Mickoskit dhe zv. kryeministrit në qeverinë e tij është Ivan Stoilkoviq, qëndrimet e hapura pro-ruse dhe lidhjet e drejtpërdrejta të të cilit me Moskën përbëjnë një kërcënim serioz për orientimin euroatlantik të vendit.
Vetëm pak ditë më parë, zëvendëskryeministri Ivan Stoilkovic mori pjesë në festimin e Ditës së Republikës Serbe së bashku me grupin “Ujqërit e Natës”, të njohur për mbështetjen e Putinit dhe përhapjen e narrativave anti-perëndimore.
Edhe më keq se kjo është se vetë kryeministri Mickoski, pavarësisht deklaratave publike për bashkëpunim strategjik me SHBA-në dhe integrimin në BE, me veprimet e tij dhe lidhjet e ngushta me Vuçiqin dhe SNS-në, po bën gjithçka të kundërtën, duke e çuar Maqedoninë drejt izolimit.
Reformat e BE-së shmangen qëllimisht, konfliktet me fqinjët krijohen qëllimisht, arsyet shpiken për të bllokuar negociatat. E gjitha është një skenar i sajuar, pjesë e një fushate anti-BE që qeveria të vazhdojë të plaçkitë vendin.
Sipas hulumtimit të fundit nga viti 2025, deri në 70% e qytetarëve të Maqedonisë së Veriut mbështesin anëtarësimin në BE, dhe 77% e shohin anëtarësimin në NATO si pozitiv”, thonë nga LSDM.
Nivelet e pothuajse të gjitha lumenjve në vend shënojnë ulje të lehtë në krahasim me ditën e djeshme
SHBA-ja u bën thirrje qytetarëve amerikanë: Largohuni menjëherë nga Irani
Parlamenti izraelit miraton në lexim të parë projektligjin për dënimin me vdekje për palestinezët
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
