Lajme nga vendi
Dikur 500 studentë, sot rreth 100! Ikja e të rinjve nga Maqedonia ul numrin e studentëve në fakultetet e disperzuara
Para 15 vitesh, kur u hap fakulteti i drejtësisë i disperzuar në Kërçovë kishte 500 student të regjistruar në vit, e sot numri i studentëve ka rënë në rreth 100. Situata është e njëjtë thuajse në të gjitha qytet ku ka fakultete ose degë të disperzuara fakultetesh. Profesor doktor Svetllana Vejlanoska thotë se së fundi ka filluar të rritet interesimi për të ndjekur studimet Master dhe doktor të shkencash. Këtë vit diplomojnë 65 studentë dhe 35 magjistra të drejtësisë.
“Tre ose katër vitet e fundit numri i studentëve në ciklin e parë ka rënë në 100 student në gjeneratë d.m.th. zvogëlimi i numri është i dukshëm por këta janë trendet edhe në shkollat e mesme zvogëlohet numri edhe në instancat e larta arsimore”, tha Prof.Dr.Svetllana Veljanoska, fakulteti i Drejtësisë.
Prorektori doktori Goran Iliq i fakultetit “Shën Klimenti i Ohrit” thotë se ikja e të rinjve dhe studentëve lidhet me situatën socio-ekonomike në vend. Shton se punojnë fuqishëm që t’i bëjnë studentët të rrinë në vendlindje dhe të investojnë me dijen e tyre si intelektualë, sidomos në qytet nga të cilat vijnë, por për këtë duhet ndihma e të gjitha palëve në vend.
“Kjo më shumë ka të bëjë me situatën socio-ekonomike në shtetin tonë të rinjtë kërkojnë standarde më të larta, kërkojnë jetë më cilësore dhe ajo që duhet bërë patjetër që ata t’i mbajmë këtu është investimi në stabilitetin dhe standardin socio-ekonomike në Republikën e Maqedonisë, ne si fakultet jemi vetëm një palë e vogël në atë mozaik të palëve, nëse të gjithë punojnë si ne që punojmë, nëse investojnë si ne që investojmë, unë kam besim se në të ardhmen Maqedoninë do ta bëjmë një vend më të mirë për të jetuar pas çka të rinjtë do të duan që të ikin përkundrazi do të duan të rrinë”, pohoi Prof.Dr. Goran Iliq, prorektor i fakultetit “Shën Klimenti i Ohrit”.
Duhet kujtuar që numri i nxënësve në shkollat e mesme bie dukshëm nga viti në vit, nga dy gjimnazet e Kërçovës, “Drita” dhe “Mirko Mileski” këtë diplomojnë vetëm 200 maturantë, përfshirë këtu edhe nxënësit e Komunës së Pllasnicës.lajmpress.org
Në Universitetin “Shën Kirili dhe Metodi” në Shkup, u mbajt Forumi i Parë Vjetor për Cilësinë në Arsimin e Lartë, në të cilin mori pjesë Rektori i Universitetit të Tetovës Prof. Dr. Jusuf Zejneli.
Ky forum kishte për qëllim shpërndarjen e përvojave dhe arritjeve të deritanishme në zbatimin e sistemit të ri për ndjekjen dhe përmirësimin e cilësisë në arsimin e lartë, në përputhje me standardet kombëtare dhe ato të Shoqatës Evropiane për Sigurimin e Cilësisë në Arsimin e Lartë.
Gjatë punimeve u prezantuan praktikat më të mira të njësive universitare, si dhe hapat e ardhshëm për zhvillimin e arsimit të lartë dhe rritjen e cilësisë.
Një nga pikat më të rëndësishme të forumit ishte thellimi i bashkëpunimit ndërmjet komunitetit akademik dhe sektorit të biznesit, me qëllim krijimin e një sistemi arsimor më të përshtatur dhe më relevant për nevojat e tregut të punës.
Forumi përfundoi me diskutime të frytshme dhe me qëllime të përbashkëta për forcimin e standardeve akademike dhe bashkëpunimit institucional në fushën e arsimit të lartë.
Wizz Air, prej sot dhe nesër fillon fluturime në pesë destinacione të reja – Bari, Stokholm, Madrid, Larnaka dhe Bazel, të cilat do të operojnë nga Aeroporti Ndërkombëtar i Shkupit dhe Aeroporti Shën Pali Apostull në Ohër, njoftoi TAV Macedonia, transmeton Portalb.mk.
Fluturimi i parë në linjën e re Shkup-Stokholm u nis nga Aeroporti i Shkupit këtë mëngjes në orën 6:05 të mëngjesit, dhe destinacioni i tij është aeroporti kryesor në kryeqytetin suedez – Arlanda.
Fluturimi i Wizz Air nga Shkupi për në qytetin e Barit në bregdetin italian është planifikuar për sot pasdite në orën 14:40, ndërsa aeroplani për në Bazel, Zvicër, është planifikuar të niset nga Aeroporti i Ohrit saktësisht në mesditë.
Linja e re Shkup-Madrid do të fillojë gjithashtu nesër (28 tetor), me fluturimin e parë në orën 16:05. Kthimi i linjës Shkup-Larnaka do të fillojë me një fluturim që mbërrin nga Larnaka në Shkup nesër në orën 7:15.
Fluturimet që fillojnë sot, 27 tetor, nga Shkupi për në Stokholm dhe për në Bari, si dhe nga Ohri për në Bazel, do të operohen dy herë në javë, pra çdo të hënë dhe të premte.
Linjat që do të fillojnë nesër – nga Shkupi për në Madrid, do të zhvillohen çdo të martë, të premte dhe të shtunë, ndërsa nga Shkupi për në Larnaka – të martën dhe të shtunën.
TAV Macedonia thotë se presin një vëllim të madh të trafikut të pasagjerëve në të pesë linjat e reja të Wizz Air, duke marrë parasysh faktin se të gjitha këto qytete janë destinacione tërheqëse turistike që ishin të kërkuara nga pasagjerët.
Nga pesë linjat e reja që fillojnë sot dhe nesër, Madridi dhe Bari janë destinacione krejtësisht të reja për tregun maqedonas, pra kryeqyteti i Maqedonisë do të lidhet për herë të parë me kryeqytetin spanjoll dhe qytetin bregdetar italian.
Larnaka dhe Bazeli janë linja të rivendosura, ndërsa Shkupi – Stokholmi është e re sepse Wizz Air tani do të fluturojë për në aeroportin kryesor në metropolin suedez – “Arlanda”.
“ Besoj se do t’i shijoni destinacionet e reja, dhe ne nuk po ndalemi këtu, jemi të përkushtuar të ofrojmë sa më shumë destinacione të jetë e mundur nga të dy aeroportet dhe jam i sigurt se gjëra edhe më emocionuese na presin”, tha drejtori i përgjithshëm i TAV Macedonia, Nexhat Kurt, në një deklaratë me shkrim.
Përveç pesë linjave të reja që fillojnë sot dhe nesër, Nikolloski njoftoi se më 3 nëntor do të fillojnë edhe fluturimet për në Gjenevë, e cila, sipas tij, është një destinacion jashtëzakonisht i rëndësishëm, sepse përveç turistëve, pritet të sjellë biznesmenë në Shkup. Fluturime direkte për në Pragë dhe Këln duhet të futen gjithashtu nga 15 dhjetori.
Komisioni Rregullator për Energjetikë (KRRE) solli vendimin, me të cilin bëhet rritja e çmimeve të shitjes me pakicë të derivateve të naftës mesatarisht 0,88 % në raport me vendimin e datës 20.10.2025.
Nga data 28.10.2025, ora 00:01 çmimet maksimale të derivateve të naftës do të jenë:
EUROSUPER BS – 95 73,50 (denarë/litër)
EUROSUPER BS – 98 75,50 (denarë/litër)
EURODIZEL BS (D-E V) 68,00 (denarë/litër)
Vaj për Djegie Ekstra i Lehtë 1 (EL-1) 67,50 (denarë/litër)
Mazut М-1 SU 36,057 (denarë/kilogram)
Çmimet e shitjes me pakicë të benzinës EUROSUPER BS-95 dhe EUROSUPER BS-98 rriten për 0,50 den/l.
Çmimet e shitjes me pakicë të EURODIZELIT (D-Е V) dhe të Vajit Ekstra të Lehtë për Amvisëri (ЕL-1) rriten për 1,00 denarë/litër.
Çmimi i shitjes me pakicë i Мazutit М-1 SU rritet për 0,010 den/kg dhe do të jetë 36,057 den/kg.
Theksojmë se këto janë çmimet maksimale të derivateve të naftës nga ora 00:01 e datës 28.10.2025.
UT – pjesë thelbësore e Forumit të Parë Vjetor për Cilësinë në Arsimin e Lartë
Wizz Air nisi pesë linja të reja nga aeroportet e Shkupit dhe Ohrit
REALI FITON EL KLASIKON KUNDËR BARCELONËS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
