Lajme nga vendi
Protestë tjetër e punonjësve të Filharmonisë para Ministrisë së Kulturës
Sot në orën 14:00, punonjësit e Filarmonisë do të mbajnë protestë para Ministrisë së Kulturës, e cila sipas tyre “ka marrë tashmë karton të kuq” në koncertin e fundit të pjesës zyrtare të sezonit koncertor “Damar na slobodata”, që u mbajt të premten në skenën e Operës dhe Baletit Kombëtar në kuadër të festivalit “Mbrëmjet e Operës së Majit”.
“Protestat tona vazhdojnë deri në ndryshimin përfundimtar të vendimit të dëmshëm të Ministrisë së Kulturës. Sa më shumë që Ministria e Kulturës prologon zgjidhjen e problemit, aq më të thella janë pasojat, të cilat tashmë janë reflektuar në punën e institucionit tonë”, thonë nga atje.
Në njoftimin e Sindikatës së Filarmonisë së Maqedonisë, thuhet se fushata negative mediatike në muajt e fundit ka dëmtuar rëndë reputacionin e institucionit të tyre.
“Sulmet ndaj individëve, si dhe shkrimet e orkestruara me pagesë në media, shtrembëruan plotësisht pamjen reale të problemit në publik. Njëqind herë gënjeshtra e përsëritur – bëhet e vërtetë ishte motivi i lehtë i fushatës manipuluese mediatike që ende po zhvillohet kundër institucionit tonë”, thonë nga Sindikata.
Ndryshe, pakënaqësia e punonjësve të Filarmonisë nisi në fund të muajit mars, pas vendimit të Ministrisë së Kulturës që Orkestra Kombëtare e Xhazit e sapoformuar do të zhvillonte prova dhe koncerte përkohësisht në objektin e tyre. Ata pretendojnë se në objektin e Filarmonisë nuk mund të punojnë paralelisht dy institucione.
Shoqata e Muzikantëve të Xhazit, nga ana tjetër, është përgjigjur se qëndrimet e punonjësve të Filarmonisë janë të pajustifikuara dhe të papranueshme dhe sipas tyre ekziston mundësia që këto dy institucione muzikore të bashkëpunojnë dhe të funksionojnë së bashku. Ata pohojnë gjithashtu se puna e tyre nuk do të ndërhyjë në punën e Orkestrës Filarmonike.
Zv.kryeministri Arben Fetai dhe njëri ndër liderët e VLEN-it, ka thënë se do ta mbështesin Mendi Qyran si kandidat për kryetar të Komunës së Strugës.
Para shpalljes së kandidaturës nga Mendi Qyra, Fetai në emisionin “PodGo”, tha se VLEN do ta mbështesë Mendi Qyran, duke e quajtur edhe kandidaturë të qëlluar dhe fituese.
“Jemi në fazën e sondazheve. Është një kandidaturë e pavarur e cila tashmë përkrahet zyrtarisht nga VLEN-i që është Mendi Qyra në Komunën e Strugës. Është kandidatura më e qëlluar e mundshme. Do ta ketë përkrahjen e plotë të koalicionit. Ai ka qenë edhe themelues i subjektit Aleanca për Shqiptarët, e ndjejmë të afërt me dhe besoj është kandidaturë fituese që në fillim”, tha mes tjerash Fetai.
Ndërsa sa i përket komunave tjera, ai tha se ende nuk i kanë konfirmuar kandidatët dhe se për momentin janë duke bërë sondazhe.
Lajme nga vendi
Limani: Nuk e përjashtoj mundësinë që të jem kandidat për kryetar të komunës së Kërçovës
Ministri për Politikë Sociale, Demografi dhe Rini nga radhët e VLEN, Fatmir Limani nuk e përjashtoi mundësinë që të jetë kandidat për kryetar të komunës së Kërçovës në zgjedhjet lokale në vjeshtë, përcjell TV21. Limani tha se emri i tij është pjesë e anketave që po zhvillohen.
“Emri im është duke u anketuar, është pjesë përbërëse e anketave nga pala tjetër e opozitës. Nuk e përjashtoj këtë mundësi. Të gjithë e dimë se as Kërçova dhe as një komunë tjetër nuk janë dëshirë e jona personale, por është një realitet i bazuar mbi kërkesën dhe nevojat e qytetarëve. Ashtu siç të vendoset, ashtu edhe do të prononcohemi në fund”, the Limani.
Nga Ministria e Punëve të Brendshme njoftojnë se një person ka humbur jetë nga aksidenti i mbrëmjes së djeshme në rrugën “Leninova” në Shkup, përcjell TV21. Sipas MPB-së, një motoçikletë ka goditur për vdekje një këmbësor 68 vjeç.
“Më 01.07.2025 rreth orës 19:30 në SPB Shkup është raportuar se në një vendkalim për këmbësorë pranë rrugës “Leninova” në Shkup, një motoçikletë e markës “Kawasaki” me targa të Shkupit ka goditur këmbësorin J.N. (68) nga Shkupi, pas çka motoçiklisti është larguar nga vendi i ngjarjes. Nga aksidenti, këmbësori ka pësuar lëndime të rënda trupore, ndërsa bashkudhëtari në motoçikletë, H.I. (26) nga Shkupi, ka pësuar lëndime të lehta, të cilat janë konstatuar në Kompleksin e klinikave “Nëna Terezë” dhe në Spitalin e përgjithshëm të qytetit “Shën Naum i Ohrit”. Si pasojë e lëndimeve të marra, J.N. ka ndërruar jetë në Kompleksin e klinikave “Nëna Terezë”. Është kryer ekspertizë në vendin e ngjarjes nga një ekip i SPB Shkup dhe po ndërmerren masa për zbardhjen e plotë të rastit”, thonë nga MPB.
Fetai: VLEN do ta mbështesë Mendi Qyrën në Komunën e Strugës
Urat e Mitrovicës, Vuçiç i ankohet Perëndimit: Nuk u mor pëlqimi i popullit serb!
Limani: Nuk e përjashtoj mundësinë që të jem kandidat për kryetar të komunës së Kërçovës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve