Kasami i përgjigjet Ahmetit: Pse nuk i pyeti mbrëmë njerëzit rreth vetes se kush e ndërton shkollën dhe rrugën e fshatit Sellcë?

Kryetari i Tetovës Bilall Kasami, i është përgjigjur Ali Ahmetit, i cili mbrëmë në një tubim në fshatin Sellcë tha se Kasami ka nevojë për votat e maqedonasve.

Kasami sot në një konferencë për shtyp, tha se “mbrëmë Ali Ahmeti është dashur t’i pyes njerëzit rreth tij se kush e ndërton rrugën dhe shkollën e fshatit Sellcë”.

“Begatonët janë një pjesë e vogël e punëve që bëhen në terren. Ndërtojmë çdo ditë rrugë, shkolla, pishina, ndërtojmë në çdo cep të Tetovës. Bile ndërtojmë edhe rrugën ku Aliu mbrëmë nga Sellca u mundua të më njollos mua”.

“Aliu duhet të jetë pak i moralshëm dhe t’i pyes ata rreth vetes se kush e ndërton këtë rrugë, kush e ndërton shkollën e Sellcës dhe pse ata nuk i ndërtuan për 20 vite, dhe pastaj të flas për mua dhe të tjerët. Tetova tashmë është kantier ndërtimi, kjo ka nisur prej kur unë jam në krye të komunës, pra puna e begatonëve nuk ka të bëjë aspak me zgjedhjet”, tha Kasami.

Advertisement

Kryetari aktual dhe kandidati për kryetar komune të Gostivarit nga Aleanca Kombëtare për Integrim (AKI), Valbon Limani, prezantoi një pjesë të programit të tij për rininë gjatë një debati të organizuar në qendrën rinore “iCan”. Në fokus të programit qëndron mbështetja për start-up-et dhe përfshirja aktive e të rinjve në jetën komunitare dhe në vendimmarrje. Një nga pikat kyçe të këtij programi është ofrimi i granteve prej 60.000 denarësh për të rinjtë nën 30 vjeç që synojnë të hapin bizneset e tyre.

“Çdo vit do të mbështeten 30 të rinj përmes kësaj skeme, me qëllim zhvillimin dhe realizimin e ideve afariste,” deklaroi Limani.

Një tjetër iniciativë është emërimi i ‘Ambasadorëve të Respektit’ në shkolla.

“‘Ambasadorët e Respektit’ do të promovojnë mesazhe kundër bullizmit dhe do të luajnë rol kyç në parandalimin e kësaj dukurie në institucionet arsimore,” shtoi më tej Limani.

Ai theksoi gjithashtu se Komuna e Gostivarit ka përmbushur të gjitha obligimet që rrjedhin nga Ligji për Politikat Rinore, duke krijuar edhe tre qendra rinore, përfshirë “iCan”, ku u zhvillua debati. Limani shtoi se të gjitha propozimet dhe idetë e të rinjve do të merren seriozisht dhe do të integrohen në politikat e ardhshme të komunës.

Advertisement

Ndërkaq, bartësi i listës për Këshillin Komunal të Gostivarit nga AKI, Valdet Xhaferi, theksoi se lista e kandidatëve përbëhet nga një numër i madh të rinjsh, duke theksuar se përfshirja e tyre do të ndihmojë në zgjidhjen më efikase të sfidave me të cilat përballet rinia.

“Programi i AKI-së për rininë në Gostivar synon krijimin e një mjedisi më të favorshëm për zhvillimin personal dhe profesional të të rinjve, si dhe rritjen e përfshirjes së tyre në jetën publike,” tha Xhaferi.

Gjatë debatit u theksua rëndësia e mbështetjes për programe që motivojnë të rinjtë të jenë pjesë aktive e komunitetit dhe e procesit të vendimmarrjes.

VMRO-DPMNE mbajti tubime në Dollnen, Makedonski Brod dhe Kërçovë. Kandidati për kryetar komune në Kërçovë, Aleksandar Jovanovski, akuzoi kryetarin aktual se ka lënë qytetin në errësirë dhe kolaps. Premton largim urgjent të deponisë ilegale dhe ndërtim të stacionit për selektimin dhe riciklimin e mbeturinave jashtë qytetit. Tha se ka zgjidhje për qentë endacak të cilët do të strehohen në një vend adekuat. Vetëm nga kafshimet e qenve, komuna qytetarëve u paguan çdo vit nga 7 milion denarë thotë Jovanovski.

“Përfundimisht do ta ndërtoj kanalizimin historik në Zajaz dhe Drugovë, do ta zgjidhë problemin e furnizimit me ujë në Sërbjan, Fusha e Manastirit, Novo Sellë dhe gjithkund ku ka probleme të tilla komunale. Urgjentisht do të ndërmarr masa për rikonstruimin dhe ndërtimin e rrugëve në fshatrat ku gjendja është alarmante. Mosekzistimi i këndeve të lojërave, vendtubime për të rinjtë, për sport, rekreacion dhe muzikë, do të ngelin kaluar. Dua që fëmijët tanë të rriten në ambient të pastër, të sigurt dhe të avancuar. Ta zhvillojmë kreativitetin dhe talentin…”, tha Aleksandar Jovanovski – Kandidat i VMRO-DPMNE-së për kryetar të Kërçovës. /Alsat.mk