Lajme nga vendi
RMV, maturantët sot i nënshtrohen provimit për lëndën e parë eksterne
Sot gati 15.000 nxënës që do të mbarojnë arsimin e mesëm do t’i nënshtrohen provimit të parë nga dy provimet eksterne të maturës shtetërore – gjuhë amtare dhe letërsi.
Sipas të dhënave të Qendrës Shtetërore të Provimeve (QSHP), organizator i maturës shtetërore, për provimin në gjuhë dhe letërsi maqedonase janë regjistruar 10.088 kandidatë, për gjuhë dhe letërsi shqipe 4.189 dhe për gjuhë dhe letërsi turke 315 kandidatë.
Provimi i dytë ekstern (me zgjedhje) do të jepet më 8 qershor.
Janë regjistruar 1356 kandidatë për matematikë, 13198 për gjuhë angleze, 37 për frëngjisht, 114 për gjermanisht, 84 për estetikë dhe nga një kandidat për gjuhë dhe filozofi ruse.
Sipas llojit të arsimit, 6341 maturantë janë të shkollave të mesme, 8230 të arsimit profesional dhe 263 të arsimit artistik.
Këtë vit shkollor, në vend të klasave, maturantët do t’i nënshtrohen testeve në hapësira të mëdha të shkollave: salla, salla sportive të shkollës ose në një hapësirë tjetër e madhe shkolle ku ka kushte për t’u testuar.
Qëllimi është që të ketë më shumë testues në një vend për të mundësuar kontroll më të mirë gjatë provimit dhe për të parandaluar kopjimin apo ndarjen masive të përgjigjeve, siç ndodhi vitin e kaluar në një grup në aplikacionin Viber në provimin e gjuhës angleze.
Provimi do të mbikëqyret nga rreth 2000 testues – mësues të cilët janë të punësuar në shkolla të tjera, jo në shkollat e tyre, si dhe rreth 200 vëzhgues nga QShP, Byroja për Zhvillimin e Arsimit, Ministria e Arsimit dhe Shkencës dhe Qendra për Arsimi dhe Formimi Profesional.
Maturantët që nuk do të kalojnë maturën shtetërore në sesionin e qershorit, do të mund të regjistrohen në sesionin e gushtit kur do të jepen dy provimet eksterne në datat 12 dhe 14 gusht 2024.
Lajme nga vendi
Kasami: Përfundon “Tetova n’festë”, 19 ditë, 32 aktivitete kulturore, sportive, koncerte, netë rinore
Kryetari i komunës së Tetovës, Bilall Kasami ka njoftuar se më natën finale të Streetballit, ka përfunduar edhe Vera Tetovare “Tetova n’festë”.
“Me natën finale të Streetballit 3×3 përfundoi edhe Vera Tetovare “Tetova n’festë”! 19 ditë, 32 aktivitete kulturore, sportive, koncerte, netë rinore dhe shumëçka tjetër!
Një falënderim i veçantë për qytetarët dhe mërgimtarët për pjesëmarrjen e tyre gjatë aktiviteteve!
Ju faleminderit nga zemra”, ka shkruar kryetari i Besës, Bilall Kasami.
Qendra për Menaxhim me Kriza informoi sot në mëngjes se në territorin e vendit ka katër zjarre aktive, në komunat Çashkë, Likovë, Studeniçan dhe Makedonski Brod.
Në komunën e Çashkës, mbi Bogomillë po digjet një pyll i përzier, në komunën e Likovës midis fshatrave Vaksincë dhe Sllupçan është djegur një pyll i ulët, në komunën e Studeniçanit, më saktësisht pranë fshatit Dreçavicë, ka zjarr pyjor në male, ndërsa në komunën e Makedonski Brod pranë fshatit Greshnicë po digjet një pyll i degraduar me bimësi të ulët.
Nën kontroll janë zjarret në komunën e Dollnenit, pranë fshatit Strovijë, pas vendit të quajtur Gajdarec – Klepalë, ku është djegur një pyll me bimësi të ulët, dhe në komunën e Zhelinës, në afërsi të fshatit Cerovë, ku po digjet një pyll i përzier.
Sipas informacioneve të QMK-së, në 24 orët e fundit kishte gjithsej 23 zjarre nga të cilat 17 janë shuar.
Prokuroria Themelore Publike në Kumanovë ka hapur një procedurë hetimore dhe ka lëshuar udhëzime për SPB Kumanovë për të hetuar elementet e një vepre penale të mundshme, të lidhur me thirrje me përmbajtje të gjuhës së urrejtjes nga persona të panjohur.
Incidenti ndodhi gjatë ndeshjes së basketbollit mes përfaqësueseve të Maqedonisë dhe Rumanisë, e zhvilluar më 2 gusht në Kumanovë, ku në një pjesë të tribunës u dëgjuan thirrje raciste dhe anti-shqiptare.
Sipas njoftimit të Prokurorisë, është dhënë gjithashtu urdhër për sigurimin e incizimeve nga kamerat e sigurisë, me qëllim identifikimin e autorëve të kësaj ngjarjeje.
Ndeshja në fjalë ishte e para në ciklin kualifikues për Kampionatin Botëror 2027, ndërsa përfaqësuesja e Maqedonisë u mund nga Rumania me rezultat 72:80. Ky aktivitet sportiv shënoi edhe hapjen zyrtare të sallës së rinovuar të sporteve në Kumanovë.
Kasami: Përfundon “Tetova n’festë”, 19 ditë, 32 aktivitete kulturore, sportive, koncerte, netë rinore
QMK: Katër zjarre aktive, dy janë nën kontroll
Thirrjet anti-shqiptare në Kumanovë, Prokuroria nis hetimin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve