Lajme nga vendi
“Makinat luksoze”, shtyhet gjyqi për Ramiz Merkon
U shty edhe një seancë tjetër gjyqësore për blerjen e automjetit luksoz Audi A6 prej 70 mijë eurove dhe tre vetura të tjera për nevoja të komunës, ku akuzohet kryetari i komunës së Strugës, Ramiz Merko. Mbrojtja ka paraqitur gjithsej 68 prova voluminoze materiale dhe verbale, për të cilat është dashur kohë të shqyrtohen. Për këtë Merko tha në sallën e gjykatës se provat nuk mund të silleshin as me makinën Audi e lëre me dorë, për të cilën gjykatësi i kërkoi Merkos të përmbahej nga komentet, pasi nuk ishte në emision.
“Mbrojtja me dorëzimin e kësaj liste do të tentojë të hedh poshtë tezën e prokurorisë publike, se i akuzuari nuk ka kryer fare vepër penale”, deklaroi Igor Petkovski- avokat i Merkos.
“Akuza është për veprën e keqpërdorimit të pozitës zyrtare. Ne besojmë se ka vepër. Do ta mbështesim aktakuzën e paraqitur nga Prokuroria Publike e Shkupit”, u shpreh Nikolla Jolevski – prokuror publik.
Gjykatësja Nadica Mitrevska thotë se qëllimi është që gjykimi të përfundojë sa më shpejt.
“Nuk do të shtyjnë”. Synimi është të mos shtyjnë. Prokuroria do të përpiqet të sigurojë dokumentet e nevojshme për mbrojtjen në kohë sa më të shkurtër. Kur prisni të përfundojë gjykimi? Sipas parimit të gjykimit, brenda një afati të arsyeshëm, por me respektimin e të drejtave të mbrojtjes”, tha Nadica Mitrevska- gjykatëse.
Në kundërshtim me parimet e ligjshmërisë dhe integritetit, si dhe në kundërshtim me interesin publik, në kushtet kur komuna kishte borxhe të papaguara dhe xhiro- llogari të bllokuar, i akuzuari ka blerë katër automjete me vlerë të përgjithshme rreth 114.000 euro, duke marrë përfitim pronësor për bartësin e furnizimit publik- thuhet në aktakuzë. Dy raste të tjera janë aktive për Merkon në gjykatën e Strugës, për emërimin e drejtorëve në tri shkolla fillore në Strugë. Prej një viti është në listën e zezë amerikane dhe është shpallur person “non grata” nga Departamenti amerikan i shtetit. As sot Merko nuk deshi të japë deklaratë, nëse ndihet fajtor apo jo. /Alsat.mk
Një grua 40-vjeçare është mbytur në liqenin e Dibrës pranë plazhit të qytetit.
Gruaja është vërejt nga dy persona të cilët e kanë nxjerrë nga uji dhe ku janë përpjekur ta reanimojnë, por pa sukses.
“Pas thirrjes, menjëherë ka arrit ekip i Ndihmës së shpejtë nga Spitali i përgjithshëm me aktivitete të zgjeruara. Mjeku kujdestar vetëm ka konstatuar vdekjen. Në trupin e viktimës nuk ka pasur shenja dhune”, thonë nga policia.
Është kryer mbikëqyrje nga policia dhe prokurori kujdestar, ndërsa trupi është dërguar në autopsi.
Pas rreth dhjetë vitesh, ky është rasti i parë me fatalitet në këtë liqen. Që nga viti 2017, në plazhin e qytetit ka pasur ekipe shpëtimi. Këtë verë nuk funksionin shërbimi për shpëtim.
Lajme nga vendi
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Më 27.06.2025, në ora 11:00, zyrtarë policorë nga SPB Tetovë kanë vepruar pas një raportimi të mëparshëm se në rrugën lokale nga Tetova drejt fshatit Trebosh, në një arë me sipërfaqe rreth 500 metra katrorë, kishte bimë të llojit “kanabis”. Është kryer inspektim nga ekipi hetimor i SPB-së, ndërsa në vendngjarje ka qenë i pranishëm edhe një agronom nga Ministria e Bujqësisë, i cili ka konstatuar se bëhet fjalë për bimë të vetëmbira. Me udhëzim të prokurorit publik nga Prokuroria Themelore Publike në Tetovë, bimët janë shkatërruar.
Lajme nga vendi
Inspektorati i Tregut ka vërejtur rritje të çmimeve tek produktet ushqimore bazë deri 5 %
Inspektorati i Tregut ka vërejtur rritje të çmimeve tek produktet ushqimore bazë deri në pesë për qind tek tregtarët me pakicë, ndërsa tregtarët e shitjeve me shumicë kanë kthyer çmimet që kanë pasur para vendimit për kufizimin e marzhave dhe ngrirjen e çmimeve që përfunduan me 30 prill të këtij viti. Këto gjetje janë nga inspektimet e kryera në mbi 1.000 pika të shitjeve, ndërsa për këtë është informuar edhe Ministria e Ekonomisë.
“Ka rritje të caktuara prej 3 deri në 5 për qind tek produkte bazë që janë produkte me qarkullim të lartë, ndërsa tek ato me qarkullim të ulët, produkte higjienike, pelena dhe ushqime për foshnja, rritjet lëvizin prej 10 deri mbi 20 për qind. Dua ta përmend se janë vërejtur ulje prej 20 deri 100 për qind tek perimet dhe pemët”, tha Vllatko Stojkoski, drejtori i Inspektoratit Shtetëror të Tregut .
Në shtatë muajt e fundit Inspektorati i Tregut gjithashtu ka kryera mbi 2 mijë inspektime në objekte hotelierike ku ka gjobitur 879 objekte dhe janë lëshuar 79 vendime për ndalim të përkohshëm për kryerjen e aktiviteteve.
“Në përgjithësi vërejtjet janë për mos pasjen e licencave për punë, kushte jo të duhura apo mos plotësimin e kushteve minimale teknike në çfarëdo konteksti, kalimi i orarit të punës, disiplinë jo e duhur dhe respektim të ligjit të veprimtarisë hotelierike, apo për respektimin e orarit të punës”, shtoi ai.
Në lidhje me respektimin e ligjit për ndalim të duhanit në ambiente të mbyllura, nga 1104 inspektime janë gjobitur 151 objekte./Alsat.mk
Mbytet një grua në Liqenin e Dibrës
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Inspektorati i Tregut ka vërejtur rritje të çmimeve tek produktet ushqimore bazë deri 5 %
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve