Lajme nga vendi
Dita e dytë e debatit për Ribalancin e buxhetit
Debati për ribalancimin e buxhetit duhet të vazhdojë sot në kuafër të Komisionit parlamentar për financim dhe buxhet pasi dje në ditën e parë të debatit u drejtua ministrja e Financave Gordana Dimitrieska-Koçoska.
Në ekspozenë e saj, ministrja e Financave tregoi se ribalancimi është bërë sipas situatës së konstatuar në buxhet dhe se janë parashikuar mjete për gjithçka që duhet paguar në përputhje me ligjin.
“Me ribalancin sigurojmë mjete për të gjitha ato dhe për çdo gjë që është paraparë me ligj dhe nuk ka pasur mjete të planifikuara, gjegjësisht mjete për punëtorë, pensionistë, studentë, kompani, si dhe për pagesën e detyrimeve në bazë të kamatës, kredive, etj. Jemi munduar dhe kemi bërë kursime maksimale nga çdo gjë që nuk ka pasur dinamikë të realizimit dhe mjetet që kanë mbetur të pashfrytëzuara nga çdo gjë që paraqet shpenzime jo esenciale dhe kemi arritur të gjejmë kursime prej 20 miliardë denarë dhe t’i përdorim aty ku nevojiten”, tha Dimitrieska Koçoska.
Për deputetët nga shumica parlamentare, ribalanci është për shpëtim të shtetiut sepse mjetet nga XBuxheti ishin planifikaur vetëm për gjashtë muajt e parë të vitit dhe hudhin para për obligime që duhet të paguhen nga ana e shtetit, përderisa sipas deputetëve të opozitës, ribalanci është për përmbushje të marrëvehsjeve të koalicionit dhe nuk bëhet fjalë për kursim sepse nga Buxheti duhet të paguhen së paku 12 funksionarë të rinj me katër minsitritë e reja.
Reaguan nga Këshilli buxhetor gjyqësor dhe nga Prokuroria publike duke thënë se nuk guxon të ketë shkurtime të mjeteve dedikaur për pushtetin gjyqësor dhe për prokurorinë, sepse, siç cekën, kjo do të ndikojë në autonominë e tyre dhe cilësinë dhe efikasitetin e drejtësisë.
Në ribalancin e buxhetit nuk janë parashikuar para për rritjen e pagave në shëndetësi dhe arsim, gjë që u konfirmua nga ministrat e shëndetësisë dhe arsimit dhe shkencës.
Nga Lidhja e sindikatave që para zgjedhjeve kanë kërkuar nga qeveria e re rritje të pagës minimale në 450 euro. Dje në një kumtesë për opinionin theksuan se nuk e shohin arsyetimin që punëdhënësit të marrin gjysmë miliardë euro mbështetje nga shteti, kurse paga minimale të mos mund të rritet.
“Nuk e shohim arsyetimin që punëdhënësit të marrin gjysmë miliardë euro dhuratë nga shteti (para nga kredia dhe para që punëdhënësit nuk i paguajnë në buxhet, të cilat më pas u kthehen punëtorëve dhe qytetarëve) ndërsa Qeveria dhe punëdhënësit të kenë arsyetim që të mos rritet menjëherë pagën minimale në 450 euro, si dhe të mos rriten pagat në sektorin privat dhe publik”, thonë nga LSM.
Debati i përgjithshëm për Ribalancin e buxhetit zgjat maksimumi tre ditë, ndërsa debati amendamentar, për të cilin janë dorëzuar 58 amendamente, gjashtë ditë.
Në Ribalancin e buxhetit, të ardhurat e përgjithshme janë planifikuar në nivel prej 318,2 miliarëd denarë, ndërsa shpenzimet në nivel prej 362,8 miliardë denarë. Rritja e BPV-së është projektuar në 2,1 për qind, inflacioni në nivel prej 3,5 për qind, ndërsa deficiti buxhetor në 4,9 për qind.
Gjatë miratimit të Ribalancit të buxhetit, Qeveria me propozim të Ministrisë së Financave miratoi disa konkluzione. Ndër to i ka obliguar shfrytëzuesit buxhetorë gjatë lidhjes së kontratave kolektive që të kenë parasysh mjetet e miratuara buxhetore dhe të mos ndërmarrin obligime për të cilat nuk kanë siguruar mjete në buxhet për vitin aktual, ndërsa dërmarrjet publike dhe shoqëritë aksionare shtetërore duhet të kërkojnë mendim nga Ministria e Financave. Në këtë reaguan nga sindikata e AAGJSH-së nga ku pyetën nëse është në horizont pezullimi i marrëveshjeve kolektive.
Prokuroria ka hapur hetim ndaj tre personave të cilët dyshohet se kanë dashur të mbysin një person tjetër
“Prokurori Publik i Prokurorisë Themelore Publike në Shkup lëshoi një Urdhër për të zhvilluar një procedurë hetimore kundër tre personave të cilët dyshohen se për kryerjen e veprës penale “tentim vrasje”
dyshuar për tentativë për të kryer një vepër penale si bashkëpunëtorë – Vrasje.
Të dyshuarit, dy vëllezër dhe i njohuri i tyre, me dashje u përpoqën t’i merrnin jetën një personi dhe rrezikuan jetën e dy të tjerëve. Ata e kryen krimin para një klubi fitnesi në Çair, më 1 qershor në mbrëmje.
Incidenti filloi si një grindje verbale në të cilën ata shkëmbyen fyerje dhe sharje, dhe vazhdoi me një përleshje fizike, dhe në një moment i dyshuari i parë nxori një thikë dhe e goditi të dëmtuarin në gju, bark dhe gjoks. Lëndime u shkaktuan edhe dy të dëmtuarve të tjerë të cilët u përpoqën t’i ndanin dhe t’i ndihmonin të plagosurit”, thuhet në njoftimin e Prokurorisë.
Nga atje shtojnë se prokurori publik i paraqiti gjykatësit të procedurës paraprake një propozim për caktimin e paraburgimit për të tre të dyshuarit.
Edhe pse janë në koalicionin Fronti Europian, Aleanca për Shqiptarët e Selës ka një qëndrim krejtësisht të ndryshëm nga ai i BDI-së lidhur me nismën për një njësi zgjedhore. Kryetari i partisë, Ziadin Sela, vazhdon me qëndrimin e tij të mëhershëm se për ata të pranueshme janë vetëm 8 njësi zgjedhore. Një njësi zgjedhore është në dëm të shqiptarëve, tha ai.
“Ne jemi kundër një njësie zgjedhore, jemi për 8 njësi zgjedhore, se është e studiuar dhe do të sillte zhvillim. Jemi kundër një njësie për shkak të rrethanave demografike që kemi, jemi kundër për shkak se asnjë subjekt politik shqiptar nuk ka shtrije në të gjithë territorin e Maqedonisë së Veriut dhe si e tillë është e dëmshme dhe vetëm mund të çonte në zvogëlim të numrit të deputetëve shqiptarë. Jemi për lista të hapura. Jemi për diasporën që të votojë me postë prej shtëpisë së tyre atje ku jetojnë dhe ta dërgojnë votën me postë këtu të numërohet”, tha Ziadin Sela
Çështja është biseduar edhe në VLEN, tregoi Billall Kasami, duke shtuar se po shqyrtojnë nëse do ta mbështesin idenë për një, tre ose tetë njësi zgjedhore. Kjo mund të ketë implikime ndëretnike, sepse me një njësi zgjedhore duhet të ketë garanci që nuk do të vijë deri te shtrembërimi i realitetit etnik, tha Kasami.
“Kjo mund të ketë edhe implikime ndëretnike, sepse me një njësi zgjedhore sigurisht që duhet të ketë garanci që në të gjithë territorin e Maqedonisë së Veriut do të mund të ruhet vota dhe nuk do të mund të ketë deformime të realitetit etnik të përfaqësimit në Kuvend. Pra duke i marrë parasysh të gjitha këto aspekte. Ne jemi duke ndërtuar qëndrimin tonë se a do të jemi për një njësi zgjedhore, për tre apo për tetë”, deklaroi Bilall Kasami. (Tv21)
Lajme nga vendi
ASH: Përfaqësimi disproporcional edhe në Ministrinë e Mbrojtjes – Nga 120 punësime, vetëm 14 shqiptarë
Aleanca për Shqiptarët shpreh shqetësimin e saj të thellë lidhur me të dhënat e fundit qe vijne nga Ministria e Mbrojtjes, të cilat dëshmojnë për një përjashtim të qartë dhe të pajustifikueshëm të shqiptarëve nga përfaqësimi institucional.
Nga gjithsej 120 vendime për emërime në pozita të nënoficerëve, vetëm 14 janë shqiptarë. Një përfaqësim i tillë jo vetëm që nuk pasqyron realitetin demografik të vendit, por përbën një precedent të rrezikshëm drejt përjashtimit sistematik të shqiptarëve nga institucionet shtetërore, përfshirë edhe ato të sigurisë kombëtare.
Ky zhvillim nuk është rastësi administrative, por vazhdimësi e një politike diskriminuese që, fatkeqësisht, po zbatohet nën petkun e reformave dhe premtimeve për barazi. Ajo që po ndodh është një prirje e rrezikshme drejt margjinalizimit të shqiptarëve nga vendimmarrja dhe strukturat shtetërore.
U bëjmë thirrje përfaqësuesve të koalicionit VLEN dhe drejtuesve institucionalë që të ndalin menjëherë këtë politikë përjashtuese dhe të rikthejnë respektimin e përfaqësimit të drejtë dhe proporcional, ashtu siç e përcakton Kushtetuta dhe siç e imponon realiteti shumëetnik i vendit.
Shqiptarët nuk janë 10% e popullsisë, siç pasqyrohet në këtë rast dhe në shumë raste të tjera të ngjashme. Ata përbëjnë 29.52% të qytetarëve të këtij shteti, sipas të dhënave zyrtare. Çdo përpjekje për të mohuar këtë realitet është e papranueshme dhe cenon rëndë legjitimitetin e përfaqësimit shtetëror.
Aleanca për Shqiptarët do të vazhdojë të ngrejë zërin dhe të veprojë në mbrojtje të barazisë, përfaqësimit të drejtë dhe të dinjitetit të çdo qytetari shqiptar në Republikën e Maqedonisë së Veriut.
Rruga që ndoqi Aleanca për Shqiptarët, duke braktisur një qeveri monoetnike dhe duke refuzuar të qëndron si suvenirë i VMRO-DPMNE-së, është e drejtë. Koha po e dëshmon për çdo ditë se veprimi ynë ishte i duhur, i sinqertë dhe në interes të shqiptarëve.
Aleanca për Shqiptarët – ASH
Prokuroria hap hetim ndaj tre personave për tentativë vrasjeje në Shkup
Sela: Aleanca për Shqiptarët është për 8 njësi zgjedhore!
ASH: Përfaqësimi disproporcional edhe në Ministrinë e Mbrojtjes – Nga 120 punësime, vetëm 14 shqiptarë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
Me iniciativë të kryeshefit Rijat Ali, shërbimet për dokumentacione edhe në stacionet lokale
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve