Lajme nga rajoni
Krim i rëndë në Konispol/ Burri vret gruan me sëpatë, djali shtyn babanë nga shkallët, vdes edhe ai
Një krim i rëndë në familje ka ndodhur mëngjesin e sotëm në Konispol. Burri pas një grindjeje të çastit ka masakruar më sëpatë për vdekje bashkëshorten e tij.
Por pak çaste më pas, gjatë konfliktit edhe me të birin, njoftohet se ky i fundit e shtyu nga shkallët, teksa i moshuari gjeti vdekjen minuta më pas.
Ngjarja e rëndë sipas njoftimit paraprak të policisë vendore, ka ndodhur rreth orës 07:00 të mëngjesit të sotëm (6 Gusht). Policia sqaroi se autori-viktimë Hysen Islamaj ishte 69 vjeç, kurse gruaja e tij që humbi jetën, Shano Islamaj, 66 vjeçe. Policia njofton se ka nisur hetimet e menjëhershme dhe po kryen procedurat paraprake.
Gjithashtu u bë edhe prangosja e autorit të dyshuar, djalit të viktimave, Klementin Islamaj, 40 vjeç, teksa po verifikohen motivet e krimit të rëndë.
“Rreth orës 07:00, në fshatin Shalës, Konispol, dyshohet se gjatë një konflikti për motive të dobëta, në banesë, shtetasi H. I., 69 vjeç, ka vrarë me mjet prerës (dyshohet sëpatë) bashkëshorten e tij, shtetasen Sh. I., 66 vjeçe. Më pas, shtetasi H. I. dyshohet se është konfliktuar me djalin e tij, shtetasin K. I., rreth 40 vjeç, i cili e ka shtyrë shtetasin H. I. nga shkallët e banesës. Si pasojë e dëmtimeve, shtetasi H. I. ka humbur jetën në vendngjarje”, njoftoi policia.
GRQI- Një ngjarje e rëndë ka ndodhur ditën e sotme në zonën e Messinias, në Kalamata të Greqisë. Mësohet se një 61-vjeçar ka vrarë prindërit e tij, babanë 96-vjeçar dhe nënën 93-vjeçare. Dyshohet se të moshuarit janë vrarë me gërshërë brenda banesës së tyre këtë të diel.
Sipas mediave greke autori vuan nga probleme psikologjike. Megjithatë ende nuk dihen rrethanat e ngjarjes dhe kanë qenë fqinjët ata që telefonuan policinë, pasi dëgjuan britma nga banesa e çiftit të moshuarve. Me të mbërritur policia në vendngjarje gjeti dy të moshuarit përtokë mes gjakut dhe djalin e tyre, i cili u arrestua.
Parlamenti në Bosnje dhe Hercegovinë është mbyllur për një arsye krejt të pazakontë. Sipas mediave atje, një gjarpër i vogël çoi në ndërprerjen e seancës së Dhomës së Popullit të Federatës së parlamentit të Bosnjës dhe Hercegovinës.
Përpara se të fillonte seanca, deputetët vunë re një gjarpër të vogël që zvarritej në dyshemenë e sallës.
Përfaqësuesit u larguan nga salla dhe problemi u zgjidh nga një nga punonjësit e shërbimit teknik, i cili e kapi gjarprin me një leckë të zakonshme dhe e nxori jashtë.
Më vonë doli se ishte një gjarpër lumi jo-helmues që ndoshta kishte hyrë përmes vrimave të ventilimit, sepse salla është në nivel me shtratin e lumit Miljacka, i cili është habitati i këtyre zvarranikëve.
Megjithatë, Tomislav Martinović, Kryetar i Parlamentit, vendosi ta shtyjë seancën derisa ambientet të inspektoheshin plotësisht dhe ‘të siguroheshin kushtet për punën e sigurt dhe të papenguar të degës legjislative’.
Ai kërkoi gjithashtu që Ministria e Brendshme e Federatës së Bosnjës dhe Hercegovinës të kryejë një hetim. Ministri i Punëve të Brendshme të Entit, Ramo Isak, e quajti gjithçka një farsë para gazetarëve.
‘Një gjarpër i vogël për të penguar seancën, kjo është qesharake. Le të mos jemi mendjelehtë’, tha ai.
Lajme nga rajoni
“Ka qenë nxënëse e shkëlqyeshme”, flet gjyshi i vajzës nga Kosova që humbi jetën në Austri, tregon si e kuptuan lajmin
Vajza nga Kosova, Lea Bajrami është në mesin e dhjetë viktimave të sulmit me armë që ndodhi të martën në një shkollë të mesme në Grac të Austrisë.
Në një prononcim, gjyshi i të ndjerës, Muhabi Bajrami ka dhënë detaje si e morën vesh dhe si e pritën lajmin për vdekjen e saj.
“Jemi të shqetësuar, ne na ka ardhur një lajm trishtues. Kjo është 15 vjeçare, në shkollë private ka qenë nxënëse e shkëlqyeshme. Unë e kam mbesë. Ka ndodhur në mëngjes. Ne kemi dëgjuar që ka ndodhur, edhe të gjithë na kanë thirrur dhe na kanë pyetur ku është Lea? se emrin e ka Lea edhe e kuptuam që është ajo, shpresuam shumë që nuk është e vërtetë por në ora 2 djali, djali im, pra babai i vajzës më tha ‘baba Lea na la’ ”, ka rrëfyer ai për Tëvë1.
Të paktën 10 persona, përfshirë autorin e krimit, mëngjesin e së martës janë vrarë pas një sulmi me armë në një shkollë të mesme në Graz, një nga qytetet më të mëdha të Austrisë.
Nesër dhe të premten moti shumë i nxehtë me temperatura të larta
Filipçe: Siç ka filluar VMRO-DPMNE, më e keqja ende nuk ka ardhur
Borisov: PPE do të propozojë amendamente në të cilat Bullgaria këmbëngul në Raportin për Maqedoninë e Veriut
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve