Lajme nga vendi
Qeveria me plan aksionar për hetime financiare dhe konfiskim të pronave të fituara në mënyrë kriminale
Në ditët në vijim Qeveria do të miratojë plan të ri veprimi për hetimet financiare dhe konfiskimin e pronave. Plani do të duhet të zbatohet deri në vitin 2028 kurse në përgatitjen e tij janë përfshirë më shumë se 10 institucione nacionale. Gjithë punën e Planit të veprimit do ta monitorojë Këshilli për monitorimin e strategjisë për përforcimin e kapaciteteve për kryerjen e hetimeve financiare dhe kontrollin e konfiskimit të pronës. Sipas sekretarit të shtetit në MPB, pikërisht konfiskimi i pasurisë është kyç në luftën kundër krimit dhe korrupsionit.
“Ky këshill duhet të jetë ombrellë nga i cili e gjithë puna e këtyre institucioneve që janë të obliguara për zbatimin e hetimeve financiare dhe konfiskimit të pronës që mund të jetë sistem kontrolli. Mendoj se vetëm në këtë mënyrë dhe me konfiskimin e suksesshëm të pronës së fituar në mënyrë të paligjshme do të tregojmë se sa i përkushtuar është një vend në luftën kundër krimit të organizuar dhe korrupsionit”, deklaroi Sasho Petrushevski, sekretar shtetëror në Ministrinë e Punëve të Brendshme.
Konfiskimi i pasurisë në vend filloi të zbatohet në praktikë muajin e kaluar, pasi në shkurt të këtij viti deputetët miratuan Ligjin për konfiskimin e pasurisë në procedurën civile. Nga policia Financiare thonë se punojnë në zbatimin e strategjisë dhe detektimin në kohë të krimit financiar.
“Periudhën që vijon do të përkushtohemi në zbatimin efikas të strategjisë për hetim dhe konfiskim të pasurisë dhe në të njëjtën kohë besojmë se reformat institucionale në fushën e sigurisë do të bëjnë përshtatjen në përputhje me kornizën ligjore të ligjit për ngrirjen, konfiskimin dhe menaxhimin e pasurisë së fituar në rrugë kriminale”, thonë nga Policia Financiare.
Paralajmërimi për formimin e këtij plani vjen në kohën kur Komisioni Evropian publikoi raportin për zgjerimin, në të cilin, në pjesën e luftës kundër korrupsionit, thuhet se Maqedonia e Veriut duhet të vazhdojë me reformat dhe t’i përkushtohet luftës për konfiskim. Theksi vihet edhe te ndjekja penale e korrupsionit të profilit të lartë.
“Maqedonia e Veriut duhet të vazhdojë të zbatojë reformat në lidhje me BE-në, veçanërisht në kapitullin e bazave sidomos në gjyqësor, luftën kundër korrupsionit dhe krimit të organizuar. Korrupsioni duhet të trajtohet pa u pakësuar, duke përfshirë dosje solide në hetim, ndjekje penale dhe dënime përfundimtare të rasteve të nivelit të lartë”, thuhet në Raportin për Zgjerim të KE-së.
Në raportin e zgjerimit thuhet gjithashtu se Maqedonia e Veriut për të avancuar në rrugën e saj të integrimit evropian duhet të vendosë theksin pikërisht në fushën e sundimit të ligjit, drejtësisë dhe luftës kundër korrupsionit, përmirësimin e ndjekjes penale dhe zbulimin e veprave me procedura efektive operacionale, si dhe zbatimin e duhur të tyre tek organet e ndjekjes. /Alsat.mk
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
