Me pjesëmarrje masive të banorëve të Labunishtës, Mendi Qyra, kandidati i pavarur për kryetar të Komunës së Strugës, hapi zyrtarisht fushatën e tij zgjedhore, i mbështetur fuqishëm nga koalicioni VLEN dhe lista e kandidatëve për këshilltarë komunal.

“Labunishta është vendi ku sakrifica, puna dhe mërgimi kanë shkruar histori. Por është edhe vendi i premtimeve të pambajtura. Për 20 vite me radhë na sunduan të njëjtët njerëz me fjalë boshe. Kjo duhet të marrë fund!” – u shpreh Mendi Qyra në fjalimin e tij.

Qyra prezantoi projektet konkrete për Labunishtën: ndërtimin e një parku me fusha sportive, hapjen e një çerdheje për 150 fëmijë, zyrë administrative, legalizimin e hapësirës së pensionistëve dhe hartimin e planit urbanistik.

Po ashtu, ai zbuloi edhe vizionin për të gjithë Strugën, duke përfshirë: zgjidhjen e problemit me deponinë, ndërtimin e dy parkingjeve nëntokësore, projektimin e ujësjellësit pa gypa azbesti, rregullimin e plazheve, krijimin e strehimores për qentë endacakë, si dhe më shumë parqe, aktivitete kulturore dhe sportive.

Në mbrëmjen e hapjes folën edhe përfaqësuesit e koalicionit VLEN, të cilët theksuan se mbështetja për Mendi Qyrën është dëshmi e qartë se qytetarët e Strugës janë të bashkuar për ndryshim.

Advertisement

“Me 19 tetor, Struga vendos të ardhmen e saj. Me numrin 133 për kryetar dhe numrin 7 për Listën e Këshilltarëve të VLEN, qyteti ynë do të ketë qeverisjen që meriton – transparente, të përgjegjshme dhe zhvilluese” – përfundoi Qyra, duke dhënë thirrjen për mobilizim të madh qytetar.

Më 29 shtator 2025, dy shtetas turq, E.O. (29) dhe E.A. (22), u arrestuan në Shkup pasi u kapën duke marrë 40.000 euro nga H.Ç. (26), gjithashtu shtetas turk, përcjell TV21. Viktima kishte raportuar se një person tjetër e kërcënonte për t’i marrë para, dhe më pas E.O. i kërkoi paratë. Të dy të arrestuarit mbahen në stacion policor, ndërsa kundër tyre pritet të ngrihet kallëzim.

“Më 29.09.2025, në orën 18:40, në zonën e Qendrës në Shkup, punonjës policie nga Njësia kundër Krimit të Dhunshëm dhe Njësia e Policisë Intervenuese pranë SPB-Shkup, në koordinim me prokurorin publik, i arrestuan E.O. (29) dhe E.A. (22), të dy nga Republika e Turqisë. Ata u kapën duke pranuar 40.000 euro nga H.XH.Ç. (26) nga Republika e Turqisë, me qëndrim të përkohshëm në Shkup, të cilat më parë ishin përpunuar nga njësitë kriminalistike. Sipas deklaratës, më parë H.XH.Ç. kishte raportuar në stacionin policor se disa ditë më parë, personi B.O. nga Republika e Turqisë, i cili jeton në Emiratet e Bashkuara Arabe, vazhdimisht e kërcënonte se do ta vriste nëse nuk i jepte para. Para se ta raportonte ngjarjen në polici, E.O. e kishte kontaktuar dhe i kishte thënë se paratë duhet t’ia jepte atij dhe se në vendin e caktuar do të vinte edhe një person tjetër. Të dy janë mbajtur në stacionin policor dhe, pas dokumentimit të plotë të rastit, kundër tyre do të ngrihet kallëzim përkatës”, thonë nga MPB.

Kandidati i VLEN-it për kryetar të Tetovës, Bilall Kasami, sot para mediave ka shpalosur programin zgjedhor me moton ”Një zë për Tetovën 2025=2029”.

Kasami filimisht iu referua besimit të marrë nga qytetarët para katër vite përmes së cilit ai thotë se kanë ngarkuar me përgjegjësi për ta nxjerrë Tetovën nga errësia në dritë, dhe nga kaosi në normalitet.

Para katër viteve dola para jush që ta kërkoj besimin tuaj për ta ndalur shkatërrimin e Tetovës. Ishte treni i fundit i shpëtimit përpara se qyteti ynë të zhytej në kaos të pakthyeshëm. Ju gjykuat drejt dhe iu përgjigjët thirrjes sonë. Na e dhatë besimin dhe na ngarkuat me përgjegjësinë që ta nxjerrim Tetovën nga errësira në dritë, nga kaosi në normalitet institucional, nga borxhi drejt zhvillimit dhe nga shëmtia në rend dhe pastërti”, tha Kasami.

Ai tha se del ballëhapur para qytetarëev sepse për këto katër vite ka dhën gjithçka për Tetovën

”Për këtë dëshmojnë qindra projekte të përfunduara me sukses që ia ndërruan pamjen qytetit tonë. Nuk ka lagje në Tetovë e rrethinë ku nuk kemi zgjidhur të paktën një problem apo një nevojë të qytetarëve tanë. E gjithë kjo punë dhe projekte u realizuan me sukses dhe në të njëjtën kohë kemi arritur të shlyejmë borxh prej 9 milion euro”, theksoi Kasami

Advertisement

AI tha se mandati i parë ishte mandat i ndërhyrjeve emergjente, i zgjidhjeve të problemeve elementare dhe i rregullimit të infrastrukturës bazë.

”Ne jemi gati që Tetovën ta çojmë në një nivel tjetër me Kapitullin e Dytë të zhvillimit. Sepse Tetova nuk guxon të kthehet në epokën e anarkisë, kaosit, keqmenaxhimit dhe korrupsionit. Tetova duhet të vazhdojë të zhvillohet edhe më hovshëm. Prandaj, kam kënaqësinë që tua prezantoj planin e detajuar, me projekte dhe masa konkrete, për vazhdimin e këtij zhvillimi.

Kasami tha se planin e ka punuar duke bashkëpunuar me ekspertë, afaristë, qytetarë, dhe organizata joqeveritare.

”Tetova do të jetë komunë e hapur dhe transparente, me komunikim të rregullt me gazetarët, platformë online për ankesa dhe ide si dhe raporte pune 6-mujore për çdo sektor të komunës. Qytetari aplikon online, merr përgjigje pa radhë dhe ndjek statusin e kërkesës me numër reference e afat përgjigjeje. Këshillat e prindërve, bashkësitë lokale dhe Unioni i tyre do të kenë rol aktiv në vendimmarrje në Tetovën tonë”, premtoi Kasami

Mbi të gjitha Kasami tha se prioritet numrë një do të jetë sigurimi i ujit të pijshëm për 24 orë.

Advertisement

”Ndërmarrjet publike do t’i zhvillojmë edhe më tej, ndërsa shërbimet e tyre do t’i profesionalizojmë dhe digjitalizojmë. Prioritet gjatë këtij mandate: ujë 24/7, kanalizim modern, mbulim i çdo vendbanimi me ndriçim publik, mirëmbajtje rrugësh, menaxhim efikas i mbetjeve komunale, transport publik funksional dhe strategji parkimi, që do të ulë trafikun në qendër, si dhe do ta zgjidh problemin me parkimin në qytetin tonë. Për ujin parashikojmë instalim dhe modernizim të infrastrukturës me ujëmatës digjitalë, rrjete primare dhe sekondare të rinovuara, sigurimin e sasive shtesë të ujit si dhe rezervuar sedimentues për pastimin e ujit që vjen nga burimet e Leshnicës. Kolektor I ujërave të zeza si dhe impjant (filter stacion) për pastimin e ujërave të zeza si dhe kolektor për ujërat atmosferike në pikat dalëse të qytetit për të shmangur përmbytjet dhe bllokimet e nënkalimeve”, theksoi Kasami

Për transportin publik Kasami tha sa do të ndertohet stacion i ri i autobusave ndërsa për problmet me parkimin do të ketë garazh me kate dhe të gjitha shërbimet do të jenë digjitale.

Transporti publik ngrihet në standarde evropiane: stacion i ri autobusësh, korsi të dedikuara për transport publik, flotë e re me autobusë e minibusë elektrikë dhe nënstacione ekologjike, duke mbuluar linjat urbane e lidhjet me fshatrat e malësisë. Dhe lajmi më i mirë për qytetarët, transport publik falas. Menaxhimin e mbetjeve do ta profesionalizojmë edhe më tej, me impiant trajtimi, infrastrukturë të re grumbullimi, pika për mbetje inerte, siguri për punonjësit dhe edukim qytetar.Parkimi organizohet me Park & Ride në hyrje, garazhe me kate e zgjerim kapacitetesh në blloqet e planifikuara; të gjitha të menaxhuara përmes një aplikacioni digjital”, tha Kasami

Ai premtoi arsim gjithëditor dhe investime në projekte kapitae për shkolla të mesme, çerdhe, laboratorë si dhe subvencione prje 100 euro për çdo fëmijë që regjistrohet për herë të parë në shkollë.

Zbatojmë arsimin gjithëditor dhe investojmë në kushte moderne në çdo nivel: projekte kapitale për shkollat fillore e të mesme dhe çerdhet; laboratorë STEM, teknologji në klasa, edukim joformal dhe përkrahje të nxënësve ekselentë dhe atyre në nevojë. Rrisim përfshirjen në vendimmarrje, luftojmë politizimin, përforcojmë zhvillimin profesional të mësimdhënësve dhe sigurojmë qasje të barabartë për fëmijët me aftësi të kufizuara e komunitetet minoritare.Për ta bërë barrën e shkollimit më të lehtë për familjet tona, do të subvencionojmë me 100 euro çdo fëmijë që regjistrohet në klasë të parë.Kapitulli i Dytë do të jetë edhe kapitulli i transformimit urban dhe infrastrukturor të Tetovës. Tetova bëhet qytet kompakt, i lidhur dhe i gjelbër. Miratojmë Planin Gjeneral Urbanistik 2025–2035, paketa planesh detale urbanistike nga qendra te stadiumi dhe përgjatë bulevareve Iliria e Ilinden, plane për Kodrën e Diellit, Bllokun Urban 57, Qendrën Sportive dhe qendrën tregtare. Përshpejtojmë procedurat për dhënien e lejeve, ndërtojmë Sheshin me parking nëntokësor, përfundojmë bulevardet kryesore, lidhjet rrugore me fshatrat dhe nënkalimet për këmbësorë. Teleferiku Tetovë–Lisec–Kodra e Diellit bëhet realitet në bashkëpunim me Qeverinë, theksoi Kasami

Advertisement

Ai premtoi se Tetovëm do ta kthej në hartën e turizmit global duke tërhequr investitorë strategjikë për Kodrën e Diellit si dhe do të mbështesë agroturizmin dhe kulinarinë tetovare.

Mjedisi jetësor do të jetë gjithashtu në qendër të fokusit tone. Sektor komunal i dedikuar për mjedisin, monitorim modern i ajrit, ujit dhe tokës, rregullim shtratit të lumit në Reçicë të Vogël dhe Poroj, sanksione për ndotësit dhe raporte mujore publike. Zgjerim i hapësirave të gjelbra, krijimi i kadastrës së gjelbër, mbjelljen e 5.000 fidaneve të reja, efikasitet energjetike në objekte publike dhe infrastrukturë e gjelbër.Tetovën do ta kthejmë edhe në hartën e turizmit global, me vizion të qartë për zhvillim ekonomik të komunës sonë. Do të sigurojmë investitor strategjik për Kodrën e Diellit, që xhevahiri ynë turistik ta arrijë potencialin maksimal. Me infrastrukturë turistike gjithëvjetore, Tetova do të pozicionohet si destinacion kryesor në rajon. Do të mbështesim agroturizmin dhe promovojmë traditën kulinare lokale; krijojmë Udhëzues Investimesh, Regjistër Digjital të Bizneseve dhe Info Qendër për biznesin për ta lidhur komunën me ndërmarrësit, diasporën dhe investimet në energji të ripërtëritshme, bujqësi moderne e teknologji. Fshatrat e malësisë Bozovcë dhe Veshallë i shpallim zona me interes strategjik për zhvillim socio-ekonomik, kulturor e turistik”, tha Ksami

Kasami premtoi edhe ndërtimin e një qind banesave sociale përmes një plani social të përgatitur paraprakisht. Ndërkaq për kulturën Kasami tha se do të punojë në drejtimin të rritjes së festivaleve, dhe sigurimin bibliotekave moderne.

Komuna do të përkujdeset edhe për pjesën më të ndjeshme të shoqërisë sonë, me Planin Social që përfshin 100 banesa sociale, qendra për të moshuarit dhe shërbime “Ndihmë dhe kujdes në shtëpi”. Thellohet mbështetja për familjet e reja, për personat me aftësi të kufizuara, si dhe për gratë e fëmijët viktima të dhunës.Ringjalljen kulturore të Tetovës që e filluam në mandatin e parë do ta zgjerojmë e thellojmë me festivale, qendra kulturore, bibliotekë moderne dhe program të gjerë aktivitetesh. Ruajmë trashëgiminë materiale e shpirtërore, ndërtojmë Sahat Kullën dhe restaurojmë objektet historike. Tetova identifikohet me rininë, prandaj i kushtojmë rëndësi të veçantë ardhmërisë tonë.Hapësira kulturore dhe programe për të rinjtë, punësim praktik me bizneset, integrim ndëretnik dhe aktivitete kundër gjuhës së urrejtjes. Në sport, përfundojmë Stadiumin e Qytetit, hapim terrene atletike, vëmë në funksion sallat ekzistuese, mbështesim ligën shkollore dhe ndërtojmë parqe e fusha në lagje. Qendra Rinore institucionalizohet si hapësirë moderne për nevojat e brezit të ri, tha Kasami.

.Për të gjitha këto projekte Kassami tha se kan plane konkrete, vizion të qartë dhe konstrukt financiar.

Advertisement

”Ato nuk janë premtime elektorale, por program pune që buron nga analiza të thella e të detajuara që i kemi bërë gjatë këtyre 4 viteve, të materializuara në dokumente si Strategjia e arsimit 2025-2030, Plani i mobilitetit 2025-2035, Programi zhvillimor 2025-2029, Masterplani i ujësjellsit 2024-2027, Plani strategjik për zhvillim ekonomik lokal 2023-2027, Strategjia e turizmit 2025-2029, Plani social 2024-2027 dhe Strategjia për zhvillimin e vullnetarizmit në Komunën e Tetovës 2024-2027, përfundoi Kasami