Lajme nga vendi
Sadije Aliti promovon krijimtarinë poetike në Stamboll
Krijimtaria letrare, portret letrar i poetes tetovare Sadije Aliti u promovua në Stamboll, njëherit u përurura edhe botimi më i ri, libri me poezi“Diell dashurie –Aşkgüneşi”. Në hapësirat e Shoqatës “Üsküp Kültûr ve Dayanışma Derneği” në Stamboll, që tubon në një vend bashkë popujt nga Ballkani dhe shqiptarë nga e gjithë hapësira shqiptare në një ambient të ngrohtë e kulturor u organizua mbrëmja letrare, portret letrar i Sadije Alitit, vargje dashurie. Në këtë mes të pranishëm ishin mosha e profesione të ndryshme, përfaqësues të shoqatave të ndryshme, Drejtori i Qendrës informative kulturore në Stamboll, mysafirë e gazetarë televizioni.
Drejtori i Qendrës informative kulturore në Stamboll, Dime Ratajkoski në fjalën përshëndetëse mes tjerash bëri të ditur se: “Në këtë mbrëmje jemi në shoqëri me fjalët dhe me poezitë e Sadijes, e cila di të na befasojë të gjithëve. Me poeten Sadije, jemi kolegë jo vetë të pendës por edhe të profesionit sepse një kohë të gjatë të dy kemi punuar në sferën e gazetarisë, a gazetarët nganjëherë janë krijues shumë të mirë, këtë e dëshmon autorja me opusin e saj të gjerë krijues dhe me librat e botuar e të përkthyer në shumë gjuhë e dëshmon këtë më së miri. Nga gjithsejtë 25 titujt e botuar, shpresoj se ajo edhe me shumë do ta zgjerojë krijimtarinë e saj me tituj të rinj, uroj që vargu i Sadijes të depërtojë deri te zemra e lexuesve”. Pastaj ai tregoi edhe për agjendën e aktiviteteve të kësaj qendre që po realizohen gjatë kësaj periudhe. Kryetari i shoqatës, Naim Araz theksoi se është i rëndësishëm ky takim, ky promovim që po bëhet te hapësirat e shoqatës dhe uroi edhe për bashkëpunime të mëtutjeshme. Ai tha se emrin e autores e ka të njohur edhe përmes aktiviteteve humanitare në Shoqatën Humanitare El Hilal në Maqedoni, me të cilën bashkëpunojnë një kohë të gjatë.
Autorja e librit faleminderoi të gjithë bashkëpunëtorët për realizimin e këtij aktiviteti letrar duke theksuar se aktivitetet kulturore ndërtojnë ura bashkëpunimi dhe afrojnë kulturat dhe traditat e popujve të vendeve tona.
“Libri im është botuar në gjuhën shqipe dhe turke, është botuar këtu në Stamboll nga Shtëpia botues “Artshop” nën përkujdesjen e Vedat Akdamar, përmes kulturës njerëzit e njohin njëri tjetrin dhe afrohen mes tyre përmes artit. Stambolli ndër shekuj ka qenë një qendër kulturore ku janë shkolluar e arsimuar shumë emra të njohur të kulturës dhe letërsisë shqipe të cilët edhe për popullin shqiptar dhe popullin turk kanë krijuar shumë histori, kulturë e art, uroj që libri të lexohet edhe te ata që e njohin gjuhën shqipe, por të lexohet edhe nga lexuesi turk, libra do të shpërndahen edhe te ato qendra ku mësohet gjuha shqipe përmes kurseve të gjuhës shqipe”.
Shkëputje nga recensionet e librit në gjuhë shqipe e turke nga redaktori i librit Rami Kamberi dhe recensenti i librit dr.Behixhudin Shehapi lexuan Delfina Çerkezi studente që ndjek studimet post diplomike në Stamboll dhe Elbi Yankı, gaezar dhe aktor në Tv Rumeli. Njëherit edhe poezitë u lexuan nga këta tërinj të përcjellur nën tingujt e bukur të instrumentit të sharkisë nga zonja Banu Vulaş Taşpinar .Programin e moderoi aktorja tetovare që ndjek studimet posdiplomike në Stamboll, Shpresa Hashimi.
Shkollat duhet t’i respektojnë protokollet për punë gjatë temperaturave tepër të larta, porositi ministrja e Arsimit dhe Shkencës, Vesna Janevska. Rregullat përcaktojnë edhe se kur duhet të hapen apo të mbyllen dritaret dhe cilat aktivitete duhet t’i zhvillojnë nxënësit. Protokollet janë publikuar në ueb-faqen e Ministrisë së Arsimit dhe Shkencës (MASH), ndërsa u janë dorëzuar edhe të gjitha shkollave. Janevska tha se drejtuesit e shkollave dhe mësimdhënësit duhet ta përshtatin mësimin me kushtet atmosferike.
A do të shkurtohen orët mësimore në ditët kur moti do të jetë shumë i nxehtë, ishte një pyetje e gazetarëve drejtuar Ministres së Arsimit, Vesna Janevska, lidhur me vapën afrikane që ka kapluar vendin edhe në fillim të vitit shkollor dhe sipas paralajmërimeve do të vazhdojë edhe më tej.
Ministrja potencoi se shkollat duhet të veprojnë konform protokolleve për situata të këtilla, duke shtuar se nuk mund t`u ikim ndryshimeve klimatike pasi ato janë të njëjta për të gjithë fëmijët në Evropë dhe në botë.
“Udhëheqësit e shkollave dhe vet mësimdhënësit. Është pjesë e punës së tyre. Të adaptohen konform kushteve. Nëse është nxehtë, nuk do të zhvillojnë edukatë fizike, do të kenë pushim, art figurativ, muzikë, diçka tjetër… Unë nuk dua të ndërhyj në punën e tyre, por ja, kjo mund të jetë një ide. Nëse është më freskët, mund të bëjnë edhe ndonjë ushtrim fizik. Në protokolle përcaktohet kur duhet të hapen dhe kur të mbyllen dritaret, si dhe cilat aktivitete duhet t’i kenë fëmijët. Duhet të përshtatemi me çdo gjë që do të jetë sfidë”
E pyetur nëse në shkolla do të sigurohen kondicionerë për freskim gjatë ditëve të nxehta në fillim dhe në fund të vitit shkollor, ministrja u përgjigj se do të ketë kondicionerë kur si shtet do të jemi në gjendje të sigurojmë kondicionerë në të gjitha shkollat.
Nga ana tjetër, Kryetari i Komunës së Aerodromit, Dejan Miteski, deklaroi se në shkollat e kësaj Komune, orët mësimore do të shkurtohen vetëm nëse aktivizohet “faza e verdhë” për shkak të temperaturave të larta.
Dje në orën 11:00 në SPB Tetovë, një 52-vjeçar nga Republika e Kosovës, me banim në Norvegji, ka raportuar se në fshatin Dobrosht të Tetovës i është marrë motoçikleta e tij „BMV“, e cila ishte e parkuar në fshat. Po merren masa për gjetjen e motoçikletës dhe për zbardhjen e rastit.
…….Dje në orën 19:15 në Tetovë, zyrtarët policorë kanë privuar nga liria personin një 44 vjeçar nga Tetova, duke vepruar sipas raportimit paraprak nga vëllai i tij 46-vjeçar se, pas një debati të shkurtër në shtëpinë familjare, e ka sulmuar fizikisht dhe i ka dëmtuar telefonin celular. Pas dokumentimit të plotë të rastit, do të vijojë parashtresa përkatëse.
……Dje rreth orës 19:50 në SPB Tetovë është raportuar se në Spitalin Klinik në Tetovë, një 24 vjeçar nga fshati Pallatcë i Tetovës, pasi i është kërkuar të kryejë një pagesë për shërbim mjekësor, është sjellë në mënyrë agresive dhe ka thyer xhamin e sportelit të pranimit, me ç’rast ai dhe dy punonjës të tjerë kanë pësuar lëndime. Pas ndërhyrjes së zyrtarëve policorë, ai ka sulmuar fizikisht edhe një zyrtar policor, e më pas, për shkak të seriozitetit të lëndimeve, është transportuar në Kompleksin e Klinikave „Nënë Tereza“ në Shkup për t’iu ofruar ndihmë mjekësore. Është kryer këqyrje e vendit të ngjarjes dhe pas dokumentimit të plotë të rastit do të dorëzohet kallëzimi përkatës.
……Dje në orën 22:00 në rrugën „107“ në Tetovë, zyrtarët policorë nga SPB Tetovë kanë privuar nga liria një 24 vjeçar nga Tetova sepse gjatë kontrollit të ushtruar ndaj tij është gjetur dhe konfiskuar marihuanë. Personi është ndaluar në stacionin policor dhe pas dokumentimit të rastit do të vijojë parashtresa përkatëse.
……..Dje në orën 22:20 në rrugën „Iliria“ në Tetovë, zyrtarët policorë nga SPB Tetovë kanë privuar nga liria një 42-vjeçare nga Velesi, me banim në Tetovë, sepse gjatë kontrollit të ushtruar ndaj saj është gjetur dhe konfiskuar një substancë e bardhë pluhur. Personi është shoqëruar në polici dhe pas dokumentimit të rastit do të dorëzohet kallëzimi përkatës.
Pas mesnate në orën 01:50 në rrugën „107“ në Tetovë, zyrtarët policorë nga SPB Tetovë kanë arrestuar një 30-vjeçar nga Tetova, i cili kërkohej me urdhëresë gjyqësore për vuajtjen e dënimit me burg për vepër penale të kryer sipas nenit 130 paragrafi 1 të Kodit Penal. Personi është dërguar në Institucionin Ndëshkues-Përmirësues Burgu i Tetovës për vuajtjen e dënimit.
Lajme nga vendi
Arlinda Hasani Sinani u zgjodh zëvendësguvernatore e re e Bankës Popullore të Maqedonisë së Veriut
Kuvendi i Maqedonisë së Veriut votoi Arlinda Hasani Sinanin në pozitën e re të zëvendësguvernatores së Bankës Popullore, pas propozimit të dorëzuar nga kreu i BPM.
Arlinda Hasani Sinani vjen në këtë detyrë të rëndësishme shtetërore me një përvojë të bujshme prej 22 vitesh në sektorin bankar, ku përgjatë karrierës së saj ka ushtruar funksione udhëheqëse në fushën e kreditimit, menaxhimit të rrezikut dhe bankingut afarist.
Ajo ka nisur rrugëtimin e saj profesional si analiste krediti në ProCredit Bank, duke avancuar në pozita të larta drejtuese si drejtoreshë e ekspoziturës, e Qendrës së Biznesit dhe e Sektorit për Ndërmarrje të Vogla dhe të Mesme, ndërsa nga viti 2023 ka mbajtur pozitën e drejtoreshës rajonale për rajonin veriperëndimor në Stopanska Banka SH.A. Shkup.
Ajo është ekonomiste e diplomuar në Universitetin Shtetëror të Tetovës dhe ka përfshirë në formimin e saj profesional trajnime të specializuara në ProCredit Academy në Frankfurt të Gjermanisë.
Arlinda Hasani Sinani merr zyrtarisht detyrën e re, duke pasuar në këtë post zëvendësguvernatorin e deritanishëm, Fadil Bajrami, mandati i të cilit përfundon më 14 shtator 2026.(INA)
VAPA AFRIKANE: A DO TË SHKURTOHEN ORËT MËSIMORE?!
ATLETËT E KAMJANIT DINJITOZ NË LOJËRAT EVROPIANE TË ATLETIKËS PËR FËMIJË
SHAH: KLUBI I SHAHUT “ANPASAN” KA SIGURUAR MBIJETESËN NË ELITË
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
