Kryetari i Komunës së Tetovës Bilall Kasami ka thënë se do të vazhdojë të realizohet bulevardi V.S Bato në Tetovë në drejtim të fshatit Poroj dhe në drejtim të qarkores në fshatin Trebosh që është në realizim e sipër. Aktualisht, ky bulevard përfundon në lagjen Drenovec, respektivisht në fund të ish fabrikës së tullave. Megjithatë nëse vazhdohet të realizohet deri në fshatin Poroj në njërën anë dhe në drejtim të fshatit Trebosh, në anën tjetër atëherë atëherë ky do të ishte lehëstim I madh për rrugën aktuale Tetovë-Jazhincë, e cila vazhdimisht është e stërngarkuar dhe mjaft e frekuentuar. Kasami nënvizon se është në planet e komunës që të vazhdohet ky bulevard.
“ Pajtetër që do të vazhdojë, sigurisht se projektet kapitale nuk realizohen në një periudhë të shkurtër, besoj që në mbledhjen e rradhës të këshillit komunal, do të propozojmë programën zhvillimore ku është paraparë përfundimi I këtij bulevardi, deri në fshatin Poroj me çka kjo rrugë do të jetë plotësisht funksionale dhe në të njejtën kohë jemi në bisedime me qeverinë, më konkretisht me drejtorinë për rrugë shtetërore për të vazhduar edhe krahun tjetër deri në qarkoren në fshatin Trebosh që është në ndërtim e sipër”, deklaroi Kryetari I Komunës së Tetovë Bilall Kasami.
Ky bulevard është një ndër arteriet kryesore të komunikacionit për trafikun e stërngarkuar në rrugët e qytetit të Tetovës dhe kishte për qëllim që të evitojë kaosin në pjesët kryesore, sidomos për automjetete që vijnë nga Shkupi dhe Gostivari dhe desticnacion nuk e kanë Tetovën, por rrugën regjionale Tetovë-Jazhincë dhe anasjelltas.

Nga Koalicioni VLEN sot kanë akuzuar se regjistrimi i popullsisë në vitin 2021 u shit dhe se BDI preu në besë shqiptarët. Sipas Blerim Sejdiut, të dhënat flasin vetë ngase në fshatrat me shumicë shqiptare si Gërçeci në regjistrimin e fundit janë regjistruar vetëm 36 banorë, ndërsa në Reçicë figurojnë vetëm 1653 banorë. Këto shifra nuk janë gabime të rastësishme, por rezultat i një pazari të qëllimshëm politik, akuzuan nga koalicioni VLEN.

Pyesim publikisht: Si është e mundur që në Reçicë të Vogël regjistrimi të numërojë vetëm 1.653 shqiptarë mbi 18 vjeç, ndërsa në zgjedhjet e fundit të dalin mbi 2.400 vota vetëm për partitë shqiptare?Si është e mundur që në fsh. Zhelinë të ketë 3432 banorë e 4103 votues? Si është e mundur që në fsh.Strimnic të ketë 1937 banorë të regjistruar e 2644 votues? Dhe kjo gjendje vazhdon edhe ne shume fshatra tjerë? A ka përdorur BDI lista të fryra për të mbushur kutitë? Apo ka shpërngulur njerëzit në “botën e statistikave të fshehta”? Dhe si në çdo skemë mashtrimi, në fund u shtua edhe “qershia mbi tortë”: një kategori fantazmë, “persona për të cilët të dhënat janë marrë nga burime administrative”. Kjo kategori nuk ekziston në asnjë ligj, por prodhoi mbi 132.000 banorë të panjohur, shumica maqedonas, ndërsa shqiptarët e vërtetë, ata të diasporës, u zhdukën qëllimisht nga numrat.Dhe më në fund, Gjykata Kushtetuese, para dy ditësh, e rrëzoi këtë mashtrim të ligjshëm, duke shpallur antikushtetues ndarjen “rezident/jorezident”. Kjo është fitore e së vërtetës, dhe dënim moral për tradhtarët e interesit kombëtar.Ne në VLEN nuk bëjmë kalkulime me popullin tonë. Ne nuk frikësohemi nga mërgata, përkundrazi, jemi zëri i saj. Ne nuk njohim shqiptarë “të mirë” e “të padëshiruar” sipas interesit të pushtetit.Çdo shqiptar ka vend në vendimmarrje. Ne nuk do ndalemi, derisa kjo padrejtësi të korrigjohet, me riregjistrim të diasporës, me përfshirje të saj në çdo mekanizëm përfaqësimi.Regjistrimi i vitit 2021 nuk ishte dështim, ishte TRADHTI. Një tradhti e planifikuar, e zbatuar me urdhër nga lart, me puthadorë të bindur në çdo institucion. Por sot, kjo skemë është rrëzuar. Dhe jo, as Soravia, as klanet e Reçicës, nuk do ta shpëtojnë dot më gënjeshtrën.

Kryetari i Lëvizjes Besa Bilall Kasami, thotë se lidhur me ndarjen e popullatës  në rezident dhe jo rezident gjatë regjistrimit të vitit 2021, duhet të ketë edhe përgjegjësi politike. Pasojat sipas Kasami janë të mëdha, pasi që me uljen e popullsisë ulen edhe financimet nëpër komunat me shumicë shqiptare.Më tej Kasami është shprehur se do të tentojnë që ky diskriminim të përmirësohet.

Kasami nuk përjashton mundësinë që në të ardhmen të diskutohet që mos të ulet numri I këshilltarëve nëpër komuna. Vendimet që ka marrë qeveria janë pasojë e regjistrimit të fundit, që sipas Kasamit ka qenë antikushtetues prandaj do të kërkohet të revidohet ai vendim.

Ndërkaq, lidhur me paralajmërimet për regjistrim online të popullsisë, Kasami është shprehur se si koalicion do të marrin një qëndrim që regjistrimi I ardhshëm të refletkojë realitetin etnik.