Lajme nga vendi
Konferencë donatorësh me fokus të rinjtë, organizuar nga Ministria e Politikës Sociale, Demografisë dhe Rinisë
Ministri i Politikës Sociale, Demografisë dhe Rinisë, Fatmir Limani, hapi sot konferencën donatore të organizuar me qëllim të nxitjes së zhvillimit dhe realizimit të projekteve të fokusuar tek të rinjtë, si pjesë e politikave të Qeverisë së Republikës së Maqedonisë së Veriut dhe Ministrisë së Politikës Sociale, Demografisë dhe Rinisë.
Para ambasadorëve të pranishëm, përfaqësuesve të agjencive të OKB-së në Maqedoninë e Veriut dhe organizatave ndërkombëtare, ministri Limani iu referua prioriteteve strategjike të Qeverisë dhe Ministrisë në fushën e rinisë, gjegjësisht realizimin e synimeve të përcaktuara – përmirësimin e infrastrukturës rinore, organizimi i të rinjve dhe pjesëmarrja në sjelljen e vendimmarje dhe politikë. Më tej, ai vuri në dukje zhvillimin e politikës demografike me fokus të rinjtë, inkurajimin e migrimeve të kthimit, mbështetjen dhe mbrojtjen e familjeve dhe përmirësimin e sistemit në fushën e mbrojtjes së fëmijëve, të cilat synojnë zbutjen e tendencave negative demografike, si pjesë e politikave rinore në vend.
“Është shumë e rëndësishme të rritet pjesëmarrja e të rinjve në politikëbërje dhe në jetën sociale. Për këtë qëllim është e nevojshme rritja e numrit të Këshillave Rinor Lokal (KRL) të sapoformuar nëpër komuna, fuqizimi i bashkëpunimit me format e organizimit rinor, organizimi i trajnimeve për ngritjen e aftësive të anëtarëve të Këshillave Rinor Lokal dhe zyrtarëve rinorë, rritjen e numrit të organizatave rinore të mbështetura financiarisht për realizimin e projekteve në fushën e rinisë dhe të tjera”, tha Limani.
Ai gjithashtu theksoi se Ministria vazhdon me aktivitetet në fushën e mbështetjes për të rinjtë e talentuar, mbështetjen për poetët e rinj, artistët e rinj, mbështetjen për të rinjtë në fushën e punësimit të tyre, si dhe angazhimin në drejtim të zbatimit të plotë të Ligjit për pjesëmarrjen e të rinjve dhe politikave rinore.
“Si Qeveri dhe Ministri resore, së bashku me institucionet e tjera kompetente që përfshijnë politika dhe masa për të rinjtë në punën e tyre, ne vazhdojmë të investojmë përpjekjet në ofrimin e kushteve dhe mundësive për të rinjtë, për t’i mbajtur ata në vend, si dhe për t’I motivuar ata që janë larguar të kthehen në vendin e tyre”, tha Limani.
Ai në fund tha: “Nëse duam një të ardhme më të mirë, më të ndritshme për fëmijët tanë, për t’i motivuar ata të qëndrojnë në vendin e tyre, por në të njëjtën kohë për të motivuar ata që u larguan nga shtëpia të kthehen dhe të jetojnë këtu me familjet e tyre, ne duhet t’i bindim se këtu në vendlindjen e tyre ka shpresë dhe mundësi për zhvillim, prosperitet dhe sukses. Ai shprehu besimin se nëse të gjithë i investojnë kapacitetet e veta së bashku, madje edhe më shumë do të ketë sukses.
Limani u bëri thirrje të gjithë të pranishmëve për bashkëpunim dhe mbështetje të thelluar.
“Le ta bëjmë të mundur së bashku që t’u japim të rinjve të ardhmen që meritojnë! Një shans dhe mundësi për çdo të ri!”, porositi Limani.
Aktualisht, Strategjia Kombëtare për Rininë 2023-2027 dhe Plani i Veprimit i miratuar 2023-2025 janë ende të vlefshme, Ministria vazhdon me zbatimin e Planit të Veprimit i cili është në progres, dhe fillon punën për një Plan të ri Veprimi për vitin 2026-2027.
Lajme nga vendi
Nga viti i ardhëshëm drejtimet Informatikë dhe Programim në Gjimnazin “7 Marsi” – Tetovë. Propozimi i këshilltarit të ASH, Arlind Murtezani, mirëpritet dhe pranohet nga Komuna e Tetovës
Nga viti i ardhëshëm drejtimet #Informatikë dhe #Programim në #Gjimnazin “7 Marsi” – Tetovë. Propozimi i këshilltarit të ASH, Arlind Murtezani, mirëpritet dhe pranohet nga Komuna e Tetovës!, theksohet në komunikatën e ASH-së, të cilën MIA e transmeton në formë integrale.
Këshilltari i Aleancës për Shqiptarët, Arlind Murtezani, në mbledhjen e fundit të Këshillit Komunal të Tetovës, propozoi që nga viti i ardhëshëm shkollor, në Gjimnazin “7 Marsi” të hapen dy drejtime të reja për Informatikë dhe Programim. Në arsyetimin e tij, Murtezani tha se janë mbi 400 nxënës që ndjekin kurse private në këto drejtime dhe se hapja e paraleleve në shkollë të mesme do tu ndihmonte nxënësve të avansojnë në këto drejtime inovative që janë trend botëror dhe do ti përgadit ata për studime të suksesshme universitare dhe arritje të larta në Informatikë dhe Programim. Ai ftoi edhe Këshillin komunal dhe Kryetarin e Komunës që të mbështesin iniciativën për të mirën e të rinjëve dhe qytetarëve të Tetovës dhe bashkërisht të realizojnë këtë projekt. Iniciativa e këshilltarit Arlind Murtezani u mirëprit edhe nga udhëheqësia e Komunës së Tetovës, ndërsa përgjegjësi për arsim në përgjigjen e tij tha se para vitit të ardhëshëm shkollor do të dërgojnë kërkesë në ministri për të siguruar miratimin final dhe nga shtatori i ardhëshëm të fillojnë dy drejtimet e reja në Gjimnazin “7 Marsi” në Tetovë.
Një grua 39-vjeçare nga Tetova ka rënë pre e një mashtrimi përmes aplikacioneve celulare, Më 01.01.2026 në ora 16:20, ajo ka denoncuar në SPB Tetovë se është mashtruar për shumën prej 280 eurosh nga personi A.K. nga Serbia. Sipas denoncimit, i dyshuari i kishte premtuar ndihmë financiare për fëmijën e saj, por fillimisht i kërkoi para si “garanci”. Pasi paratë u transferuan, ai kërkoi edhe më shumë, moment kur viktima kuptoi se ishte mashtruar. Rasti po hetohet.
Lajme nga vendi
Durmishi: Ligjet e reja i japin goditje ekonomisë gri dhe mbështetjes të fortë ekonomisë formale
Formalizimi i ekonomisë gri është një nga përcaktimet më të larta strategjike të Qeverisë dhe segment kyç i agjendës reformuese, meqë ndikon drejtpërdrejt në rritjen ekonomike, stabilitetin e financave publike dhe mbrojtjen e punëtorëve”, tha ministri i Ekonomisë dhe Punës, Besar Durmishi.
Ai vuri në dukje se sipas të dhënave të Entit Shtetëror të Statistikës, në vitin 2024 në vend ka pasur rreth 694.000 të punësuar, nga të cilët përafërsisht 85.000 kanë qenë të angazhuar në mënyrë informale, gjë që, siç theksoi ai, paraqet sfidë serioze që kërkon zgjidhje sistemore, e jo ad-hok.
Ministri Durmishi përkujtoi se Ministria tashmë edhe deri më tani ka ndërmarrë masa përmes Planit Operativ për Punësim, por analizat kanë treguar se disa nga personat vazhdojnë të mbeten jashtë rrjedhave formale.
“Pikërisht për këtë arsye është miratuar Ligji për Angazhimin me Punë të Personave, i cili fillon të zbatohet nga 1 janari i vitit 2026 dhe paraqet reformë thelbësore në mënyrën e angazhimit të rastësishëm dhe sezonal të punëtorëve”, tha ai
Sipas tij, me këtë ligj, vendoset model më fleksibël dhe të thjeshtuar për punësimin legal të fuqisë punëtore, me kornizë të qartë juridike dhe procedura elektronike për lajmërim, çlajmërim dhe arkëtim të kontributeve. Durmishi theksoi se Ligji mundëson angazhimin me punë e të punësuarve, të papunëve, studentëve, nxënësve dhe pensionistëve, pa humbur me këtë rast të drejtat e tyre tashmë të përvetësuara.
Në fazën e parë, siç informoi ministri, janë përfshirë veprimtaritë ku ekonomia gri është më e theksuar – bujqësia, pylltaria, peshkimi, objektet akomoduese, veprimtaritë e shërbimit të ushqimit dhe veprimtaritë në amvisëri.
“Me zbatimin e ligjit pritet formalizimi i rreth 17.400 persona, nga të cilët deri në 12.000 punëtorë sezonalë në bujqësi dhe rreth 5.400 punëtorë të palajmëruar në turizëm, hotelieri dhe shërbime,” tha Durmishi.
Ai theksoi se reforma sjell përfitime edhe për punëtorët edhe për punëdhënësit, përmes procedurave të thjeshtuara administrative, pagesës në orë, pagesës së kontributeve dhe mbrojtjes së qartë juridike të të drejtave të punëtorëve.
Paralelisht me këtë, ministri përkujtoi se nga 1 janari i vitit 2026, fillon të zbatohet Ligji për Mbështetjen Financiare të Investimeve, gjë që siguron mbështetje financiare për kompanitë që investojnë, krijojnë vende të reja pune dhe realiziojnë rritje të të ardhurave.
“Kombinimi i këtyre dy ligjeve nënkupton njëkohësisht luftimin e ekonomisë gri dhe mbështetjen aktive të ekonomisë formale, me çka shteti krijon klimë të qëndrueshme, të parashikueshme dhe të drejtë afariste”, tha ministri i Ekonomisë dhe Punës, Besar Durmishi.
Nga viti i ardhëshëm drejtimet Informatikë dhe Programim në Gjimnazin “7 Marsi” – Tetovë. Propozimi i këshilltarit të ASH, Arlind Murtezani, mirëpritet dhe pranohet nga Komuna e Tetovës
Mashtrim online në Tetovë: Gruaja humb 280 euro pas premtimit për “ndihmë”
Durmishi: Ligjet e reja i japin goditje ekonomisë gri dhe mbështetjes të fortë ekonomisë formale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
