Lajme nga vendi
Ministria e Shëndetësisë në RMV: Ndalohet vizita e pacientëve në spitale për shkak se gripi është në kulmin e tij
Ndalesë e vizitave të pacientëve në spitale për parandalimin e përhapjes së gripit në kushte spitalore dhe respektimi rigoroz i rregullave në objektet shëndetësore janë pjesë e masave parandaluese të miratuara nga Ministria e Shëndetësisë me rekomandimin e Komisionit për Sëmundjet Infektive. Rekomandimet theksojnë se duhet të vendosen maska mbrojtëse, të bëhet dezinfektimi i duarve dhe të ruhet distanca fizike, kur është e mundur.
Ministria e Shëndetësisë obligon të gjitha institucionet shëndetësore publike që të respektojnë masat.
“Masat janë të një rëndësie të jashtëzakonshme për shëndetin e pacientëve dhe punonjësve shëndetësorë, sipas të dhënave aktuale epidemiologjike që tregojnë pikun e gripit sezonal. Komisioni për Sëmundjet Infektive vijon monitorimin e situatës epidemiologjike në vend”, thotë Ministria e Shëndetësisë.
Sipas raportit të fundit të Institutit për Shëndet Publik – Shkup, nga 3 deri më 9 shkurt 2025, në vend janë raportuar 2880 raste të raportimeve grupore të sëmundjeve të ngjashme me gripin, që është 5,1 përqind më pak në krahasim me javën e kaluar.
Nga të regjistruarit, 1552 persona janë të moshës 15-64 vjeç, 685 janë fëmijë nga 5 deri në 14 vjeç, 371 janë fëmijë të moshës 0-4 vjeç dhe 272 janë regjistruar te personat mbi 65 vjeç. Incidenca më e lartë është regjistruar tek fëmijët e moshës 0-4 vjeç.
Në Shkup janë raportuar 692 pacientë, në Strumicë – 333, në Manastir – 304, në Shën Nikollë – 158, në Ohër – 141, në Veles – 140, në Radovish – 122, dhe në Kavadar dhe në Kumanovë nga 109 pacientë.
Lajme nga vendi
Edhe LSDM del me vlerësimet e saj: Me këtë rezultat, VMRO-DPMNE do të kishte 52 deputetë, kurse ne 21
LSDM reagoi ndaj pretendimeve të VMRO-DPMNE-së se ata ishin fitues absolutë në zgjedhjet lokale, duke theksuar se numrat, sipas analizës së tyre, tregojnë një pamje krejtësisht të ndryshme.
Edhe nga LSDM kanë dalë me vlerësimet e tyre, duke thënë se me rezultatin e zgjedhjeve lokale, VMRO-DPMNE do të kishte 52 deputetë, ndërsa LSDM 21.
“VMRO-DPMNE nuk mund ta fshehë rënien, numrat janë të qartë dhe të pamëshirshëm ndaj tyre. Analiza e deputetëve sipas votave është një operacion i saktë matematik që tregon qartë se VMRO-DPMNE do të binte në 52 deputetë, dhe LSDM do të kishte të paktën 21”, thonë nga LSDM.
“LSDM vazhdon betejën për 17 komuna të tjera. U bëjmë thirrje qytetarëve të dalin masivisht për të votuar në raundin e dytë dhe të votojnë për kandidatët e LSDM-së — njerëz të provuar dhe të ndershëm që treguan në raundin e parë se kanë diçka për të ofruar”, shtoi deklarata.
Reagimi vjen pas njoftimit të VMRO-DPMNE-së se me mbi 300,000 vota dhe më shumë se 550 këshilltarë në të gjithë vendin dhe Shkupin, ata janë fitues absolut dhe se, sipas llogaritjeve të tyre, nëse zgjedhjet parlamentare do të mbaheshin nesër, ata do të fitonin mbi 60 vende në Kuvend.
Lajme nga vendi
VMRO-DPMNE thotë se nëse nesër do të mbaheshin zgjedhjet parlamentare, ata do të fitonin mbi 60 deputetë
VMRO-DPMNE thotë se nëse nesër do të mbaheshin zgjedhjet parlamentare, ata do të fitonin mbi 60 deputetë. Nga kjo parti thonë se “qytetarët zgjodhën rrugën e zhvillimit dhe rritjes”.
“VMRO-DPMNE me 550 këshilltarë nëpër gjithë Maqedoninë dhe qytetin e Shkupit, si dhe me mbi 300 mijë vota, është fituese absolute e zgjedhjeve lokale. Sipas modelit të D’Hondt-it, nëse nesër do të mbaheshin zgjedhje parlamentare, me këto vota VMRO-DPMNE do të kishte mbi 60 deputetë, ndërsa LSDM në disa njësi zgjedhore do të ishte parti e tretë”.
“Populli e ndëshkoi LSDM-në, e cila në disa vende të shtetit, përfshirë edhe qytetin e Shkupit, doli e treta, e katërta, madje edhe e pesta sipas numrit të votave të fituara. Koha e punës, përgjegjësisë dhe rezultateve vazhdon – falënderim për të gjithë ata që bënë zgjedhjen e duhur”.
“Në këto zgjedhje,VMRO-DPMNE fitoi 12.000 vota më shumë se në vitin 2021, ndërsa LSDM pësoi një humbje prej 111.000 votash. Kjo humbje, sipas partisë, e pasqyron më së miri mosbesimin e qytetarëve ndaj politikave të gabuara, qeverisjes së paaftë dhe kuadrove joprofesionale të LSDM-së”, thonë nga VMRO-DPMNE .
Lidhja Auto Moto e Maqedonisë (LAMM) njofton se komunikacioni në rrugët shtetërore po zhvillohet pa pengesa, në rrugë të lagështa.
LAMM gjithashtu rekomandon të respektohen sinjalet e vendosura të trafikut dhe të vozitet me kujdes, veçanërisht në rrugët nëpër lugina dhe gryka, ku ekziston mundësia e rrëshqitjeve të dheut.
Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Edhe LSDM del me vlerësimet e saj: Me këtë rezultat, VMRO-DPMNE do të kishte 52 deputetë, kurse ne 21
VMRO-DPMNE thotë se nëse nesër do të mbaheshin zgjedhjet parlamentare, ata do të fitonin mbi 60 deputetë
LAMM: Nuk ka vonesa në pikat kufitare për hyrje dhe dalje nga vendi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
