Sport
KK ‘’ONYX ‘’ KLUB I RI ME ASPIRATA TË LARTA
Klubi i karatesë ‘ONYX’ është klubi më i ri sportiv i regjistruar si subjekt vetanak në Regjistrin Qendrorë, ndërkaq themelues i këtij klubi është karateisti i klubit të karatesë Fati, Driton Halimi, një karateist aktiv i klubit të karatesë Fati të Tetovës. Për qëllimet e themelimit të këtij subjekti sportiv Driton Halimi thotë se ishin kërkesat e shumta nga të rinjtë vendosa që të hapë këtë klub të karatesë ONYX për të punuar dhe të nxjerrim talent të rinj
‘Nga kërkesa e shumtë që kisha vendosa që të hapë klubin e karatesë Onyx dhe të punoj me të rinjtë,të zhvilloj të rinjtë, të shpërndaj dijen time për sportin e karatesë edhe tek moshat e reja. Kjo ishte arsyeja kryesore pse vendosa të hapë klubin Onyx. Por mbi të gjitha unë vazhdoj të jem garues dhje sportist aktiv dhe ende pretendoj dhe punoj që ti arrijë rezultatet më të mëdhaja në sportin e karatesë‘’
Sa i përket emrit të klubit, Halimi thotë se Onyx janë disa veshje sportive të karatesë prandaj vendosa ta emërtoj klubin me këtë emër
‘’Onyx janë disa veshje të karatesë të quajtura ‘Onyx’ dhe një pjesë tjetër i takon Onyx i takon një gurrë i çmuar dhe jam munduar t’ia përshtati me ambientin‘’ tha Halimi.
Sa i përket interesimit i të rinjve për t’iu bashkangjitur këtij klubi trajneri Halimi thotë se fillimisht është i kënaqur.
‘’Interesimi deri tash është mjaftueshëm, është mirë d.m.th kemi të rinj që angazhohen në sportin e karatesë. Onyx përpos sportit të karatesë ofron edhe përgatitje fizike të disiplinave të ndryshme sportive siç janë: futbollist, volejbollist, notues, kemi nga të gjitha sportet që brenda ditës palestrën e shfrytëzojmë palestrën edhe për përgatitje fizike të sportistëve’’,thotë karateisti Halimi
Klubi i ri i karatesë Onyx edhe pse punon gati tre muaj akoma nuk ka marrë pjesë me garues të vetë në gara zyrtare pas ato janë akoma fillestar dhe duhet përgatitje adekuate. Ndërsa sa i përket përkrahjes nga institucionet apo donator të ndryshëm, Driton Halimi thotë se fillimisht i mjaftojnë përkrahjet morale
‘’Përkrahja normalisht është e mjaftueshme. Nuk do të thotë që përkrahja është vetëm ajo financiare, përkrahja ndihmon kur është morale. Normal një diplomë një certifikatë një gjë e tillë të motivon për punë. Momentalisht është e mjaftueshme‘’ tha Halimi
Kur bëhet fjalë për klubin e karatesë ‘ONYX’ në Tetovë, është klubi i vetëm që posedon me palestër të veten me të gjitha pajisjet e nevojshme për të zhvilluar stërvitje profesionale të sportit të karatesë por edhe përgatitjeve fizike të sportistëve të sporteve tjera.
SHABAN SINANI – TV KOHA
Konflikti Valverde – Çuameni kishte nisur që të mërkurën. Gjithçka filloi në fushë, vazhdoi edhe në zhveshtore, ku debati përfundoi në përleshje fizike.
Sipas raportimeve, gjatë konfliktit Valverde ra dhe goditi kokën në një tavolinë në zhveshtore. Për shkak të seriozitetit të goditjes, mesfushori uruguaian u dërgua menjëherë në spital për ekzaminime shtesë.
Edhe pse lojtari është liruar për trajtim në shtëpi dhe ndodhet në gjendje stabile, protokollet mjekësore kërkojnë pushim të detyrueshëm prej 10 deri në 14 ditësh. Kjo do të thotë se Valverde do ta humbasë me siguri “El Clasicon” e së dielës në “Camp Nou”, ndeshje në të cilën Barcelona mund ta sigurojë matematikisht titullin në La Liga.
Përmes një deklarate zyrtare, Valverde ka mohuar përplasjen fizike.
Në reagimin zyrtar, “klubi mbretëror” theksoi se nuk do të tolerojë sjellje të tilla:
“Real Madridi njofton se pas ngjarjeve të ndodhura këtë mëngjes është hapur procedurë disiplinore ndaj lojtarëve tanë Federico Valverde dhe Aurelien Tchouameni. Klubi do të informojë publikun pas përfundimit të procedurave të brendshme.”
Ky incident shihet si vazhdim i atmosferës së tensionuar brenda skuadrës madrilene.
Kohët e fundit janë raportuar edhe konflikte të tjera mes lojtarëve, përfshirë përplasje ku janë përmendur Antonio Rudiger dhe Kylian Mbappe.
Sipas mediave spanjolle, drejtori i përgjithshëm Jose Angel Sanchez është shokuar nga sjellja e futbollistëve vetëm pak ditë para ndeshjes më të rëndësishme të sezonit.
Në prag të El-Klasikos, tema kryesore tek tifozët e Real Madridit është peticioni online që kishte nisur më herët, nëse duan që Kilian Mbappe të largohet nga “Mbretërit”. Qëllimi ishte të arrihen 200.000 nënshkrime, por peticioni u bë më viral se sa që pritej dhe tashmë ka 2.8 milion nënshkrime, të tifozëve që pajtohen që Mbappe të largohet nga “Santjago Bernabeu”.
Mësohen ekipet finaliste edhe në Ligën Europa dhe të Konferencës.
Në finale të Europa Ligës me 20 maj në Stamboll do të përballen Freiburg – Aston Vila, ndërsa në atë të Konferencë Ligës më 27 maj në Lajpcig do të përballen Rayo Vajekano – Crystal Palas.
Aston Vila dhe Freiburgu janë dy finalistet e sezonit 2025/2026 në Ligën e Europës. Dy duelet e kthimit të raundit gjysmëfinal, prodhuan plot 8 gola, teksa skuadra e Unai Emeri, mposhti 4 – 0 Notingham Forestin, duke përmbysur kështu rezultatin e sfidës së pare.
Mbrëmje historike edhe për Freiburgun, që fitoi me rezultatin 3 me 1 ndaj Bragës. Aston Vila i dha fund serisë prej tre humbjesh radhazi dhe siguroi kualifikimin në finalen e dytë europiane në historinë e klubit, ku do të përballet me Freiburgu, 44 vite pas finales së parë.
Ndeshja finale e Europa Ligës Freiburg – Aston Vila zhvillohet më 20 maj në Stamboll
Në Konferencë Liga, Rajo Vajekano ka shkruar historinë duke siguruar për herë të parë kualifikimin në një finale të kupave europiane, pasi mposhti francezët e Strasburgut 1-0.
Në finale është kualifikuar edhe Crystal Palace, ekip e cila eliminoi Shakhtar Donetskun me rezultatin 2-1. Edhe për klubin anglez kjo do të jetë finalja e parë europiane në histori, ndërsa synimi do të jetë fitimi i trofeut të dytë madhor në më shumë se 120 vite ekzistencë profesionale.
Ndeshja finale mes Rayo Vajekano – Crystal Palas do të zhvillohet më 27 maj në Lajpcig.
Tanimë kur dihen të gjitha ekipet finaliste në garat evropiane të UEFA-së, nga gjashtë të skuadrat finaliste të garave evropiane, katër trajnerë janë spanjollë, Luis Enrike si trajner i PSG-së dhe Mikel Arteta i Arsenalit, do të kërkojnë trofeun e Ligës së Kampionëve.
Unai Emeri me Aston Vilën synon trofeun e Europa League dhe Inigo Perez me Rajo Vajekanon, synon trofeun e Ligës së Konferencës.
Të shtunën dhe të dielën me fillim në program janë ndeshjet e javës së 31-të të kampionatit në Ligën e parë të futbollit vendor. Kjo javë mund të jetë edhe vendimtare sa i përket titullit kampion por edhe për ekipet që luftojnë për mbijetesë në elitën e futbollit vendor.
Kuqezinjtë tetovar pas dy dështimeve të fundit, disfatës nga Bashkimi në Tetovë dhe barazimit me Sileksin në Kratovë, pothuajse kanë humbur gjasat se mund të mbrojnë titullin kampion.
Derisa matematikisht ende ekzistojnë gjasat, Shkëndija në ndeshjen e nesërme duhet të jetë në nivelin e duhur pasi ekipi nga Struga ka matematikat e veta.
Ndeshje interesante do të zhvillohet edhe në Shkup aty ku lideri në renditjen e tabelës Vardari është nikoqire e Sileksit.
Me fitore eventuale Vardari do të ishte edhe një hap pranë titullit kampion .
Nesër në program është edhe ndeshja në Manastir mes Pelisterit dhe Shkupit, ku vendasit janë favorite absolute.
Të tre ndeshjet e së shtunës fillojnë ora 16:00.
Tre ndeshjet tjera të javës së 31-të zhvillohen të dielën me fillim në ora 16:00, takohen: Arsimi – Bashkimi, Makedonija Gj.P – Tikveshi dhe AP Brera- Rabotniçki.
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
