Lajme nga vendi
Marshi i parë protestues në Shkup nga familjet e viktimave në “Puls” të Koçanit
Në Shkup sot do të mbahet “Marsh për engjëjt”, i organizuar nga familjet e viktimave në zjarrin tragjik në diskoteken “Puls” në Koçan. Organizatorët paralajmërojnë se marshi do të fillojë para Prokurorisë në orën 12:05, si simbolikë për reagimin e vonuar të institucioneve, do të vazhdojë drejt sheshit “Maqedonia” dhe do të përfundojë para Kuvendit.
“Ne meritojmë përgjigje, nuk jemi njohës të drejtësisë dhe procedurave ligjore dhe për këtë arsye nuk e kuptojmë se si ekspertët e ligjit ndalojnë dhe më pas lirojnë. A janë ata të vetëdijshëm për besimin tashmë plotësisht të tronditur në punën institucionale deri më tani me ‘kap dhe liro’, pa një shpjegim të qartë për atë procedurë ligjore, dhe çfarë po krijohet në mendjet tona që janë në prag të vetëshkatërrimit”, thuhet në raportin me shkrim nga familjet.
Në thirrje ata theksojnë se edhe më tutje do të kërkojnë përgjigje për vdekjen e dhunshme të fëmijëve të tyre, ndërsa për pjesëmarrje në marsh ju bëjnë thirrje të gjithë qytetarëve të Maqedonisë.
Nga Prokuroria dje u bënë thirrje familjeve të viktimave që, nëse dëshirojnë të mësojnë më shumë rreth të gjitha aspekteve të procedurës hetimore, të takohen sot me prokurorin publik dhe prokurorët që merren me lëndët.
“Nëse të afërmit e viktimave kanë një interes të tillë, ata mund të caktojnë përfaqësuesit e tyre (maksimumi një anëtar të familjes së secilës viktimë) të cilët do të takohen me Prokurorin Publik të Republikës së Maqedonisë së Veriut dhe prokurorët që po merren me lëndët, theksohet në informacionin nga Prokuroria.
Familjarët e viktimave në zjarrin në diskotekën “Puls” deri më tani kanë mbajtur katër marshe protestuese në Koçani në të cilat u bënë thirrje institucioneve që janë përgjegjëse për funksionimin e sistemit në vend, që të mos i shmangen përgjegjësisë.
Në zjarrin më 16 mars e kanë humbur jetën 62 persona, nga të cilët fillimisht 59, ndërsa edhe tre të tjerë si pasojë e lëndimeve të rënda të pësuara në aksidentin. Gati 200 persona u lënduan, prej të cilëve pjesa më e madhe pas ndihmës së parë të ofruar, u dërguan jashtë vendit për mjekim. Disa nga të vdekurit dhe të lënduarit ishin edhe anëtarët e grupit muzikor “DNK” që përformoi atë mbrëmë.
Për tragjedinë është duke u zhvilluar një hetim i gjerë, ku janë përfshirë 13 prokurorë, dhe sipas autoriteteve, është kryer një numër i madh bastisjesh, janë marrë në pyetje dëshmitarë dhe janë mbledhur mbi një mijë prova materiale.
Hetimi përfshin mbi 60 individë dhe tre persona juridikë, përfshirë ish-ministra të ekonomisë, kryetarë aktualë dhe ish-kryetarë të bashkisë së Koçanit, ish-drejtorë të Inspektoratit të Tregut, oficerë policie, drejtorë aktualë dhe ish-drejtorë të Drejtorisë për Mbrojtje dhe Shpëtim….
Me hetimin janë përfshirë mbi 60 persona fizik dhe juridik, përfshirë ish-ministra të Ekonomisë, kryetarë aktualë dhe ish-kryetarë të komunës së Koçanit. ish-drejtorë të Inspektoratit të Tregut, nëpunës policor, drejtorë aktualë dhe ish-drejtorë të Drejtorisë për mbrojtje dhe shpëtim.
E diela e 5 Prillit, e zgjoi nga letargjia e dimrit Bozovcën.
Zhurma e tupanave dhe këmbanave jehoi nëpër sokaqet e ngushta të këtij fshati, duke paralajmëruar nisjen e një tradite të lashtë ilire me histori gati 3 mijë vjeçare – Karnavalet Ilire.
Të veshur me gëzofë dhe lëkurë prej deleje, sipas traditës, banorët besojnë se do t’i trembin gjërat e këqija dhe shpirtrat e këqij që të qëndrojnë sa më larg fshatit, që të mos dëmtojnë burimet e ekzistencës.
“Ky manifestim e ka këtë qëllim – ringjalljen e traditave që të mos vijmë deri tek harresa sepse përmes këtyre zhurmave, këmbanave dhe kësaj natyre të bukur tregojmë se erdhë pranvera dhe përcollëm atë periudhë të vështirë që ishte në 6 muajt dimër”
Maskat dhe veshja kreative e karnevalistëve ishin kryefjala e këtij manifestimi në Malësinë e Tetovës.
Nuk munguan edhe studiues e etnograf që kishin mbërritur nga Kosova e Shqipëria. Njëzëri pohojnë rëndësinë e ruajtjes së traditave të lashta ilire.
“E kemi kulturën dhe duhet ta ruajmë. Duhet që edhe shteti edhe populli, duhet investime më shumë të ruhet kjo kulturë, përndryshe shumë popuj dëshirojnë ta kenë, por nuk e kanë”
“Unë me kënaqësinë më të msdhe po marrë pjesë në këtë karneval dhe po më pëlqen jashtëzakonisht se po ruhen tradita tona dhe uroj që kjo traditë të ruhet, të kultivohet ndër breza se tregon më së miri rrugëtimin tonë ndër breza”
“Rëndësia e tij është jo e veçantë por e jashtëzakonshme sepse shqiptarët e Malësisë së Sharrit e kanë që nëpërmjet këtij manifestimi kanë shpërfaqur jo vetëm vlerat e trashëgimisë shpirtërore por edhe ato kombëtare. Sepse përmes këtyre manifestimeve ata kanë protestuar kundër pushtetuesve të trojeve shqiptare”
Organizatorët e Karnavaleve Ilire në Malësi të Tetovës thonë se po përballen me vështirësi gjatë organizimit të këtij manifestimi.
“Nuk është e vështirë nëse kemi përkrahje institucionale. Këtë vit na ka përkrah me përkrahje simbolike Komuna e Tetovës dhe na kanë përkrah edhe individë”
Karnavali në Bozovcë daton nga kohërat e lashta ilire dhe e trashëguar brez pas brezi pavarësisht kushteve të vështira kanë arritur ta ruajnë si traditë.
Ndryshe, krahas banorëve të Malësisë së Tetovë, për të ndjekur katë manifestim kishin ardhur edhe shumë qytetarë nga Tetova por edhe qytete të tjera shqiptare.TV KOHA
Lajme nga vendi
“Ligji në letër, diskriminim në praktikë”/ Nis protesta për provimin në gjuhën shqipe në Maqedoninë e Veriut, studentët “pushtojnë” Shkupin
Njëri nga organizatorët e protestës, Mevlan Ademi tha se studentët nuk do të dorëzohen deri sa të ketë drejtësi për ata sepse “nuk ka barazi pa gjuhën shqipe”.
Besar Sejdiu tha se studentët kërkojnë zbatimin e Kushtetutës dhe ligjeve.
Besjan Rexhepi tha se protesta nuk është kundër askujt, por, thirrje për respekt ndaj drejësisë.
Jon Selimi tha mos ua mohojnë studentëve shqiptar të drejtat e garantuara me ligj.
Marshi ariti para Ministrisë së Drejtësisë. Dorëheqje kërkohet nga ministri. “Mos rri në dritare ministër” bërtasin ata.
Numri i studentëve është rritur. Kërkojnë të drejtën e tyre për të folur shqip. Ata u nisën drejt Ministrisë së Drejtësisë, duan dorëheqje nga ministri i djejtësisë, Igor Filkov.
“Studentët nuk tolerojnë”, “Ministër dorëheqje”, “Drejtësi, barazi!” “Nuk ka shtet pa rini”, “Ne flasim shqip” bërtasin ata mbi Urën e Gurit.
Protesta ka marrë mbështetje edhe nga individë, funksionarë dhe shoqata tjera nga RMV-ja, Shqipëria dhe Kosova.
Por, e njëjta ka nxitur edhe përplasje midis dy blloqeve politike shqiptare në RMV, VLEN dhe BDI.
Kryeministri i vendit Hristijan Mickoski përsëri u garantoi studentëve se do ju gjejë zgjidhje, ndërsa u bëri apel që të mos bëhen vegël e BDI-së.
“Unë i garantoj studentët se siç janë gjetur shumë zgjidhje për shumë sfida dhe shumë lëshime nga e kaluara, ashtu edhe për këtë do të gjendet zgjidhje përkatëse. Unë mendoj se atë tanimë e dinë dhe apeli im është që të mos lejojnë të jenë vegël në duart e partisë politike që ende jeton në kujtimet e së kaluarës, gjegjësisht në kohën e shekullit të kaluar”, tha me 5 prill Hristijan Mickoski.
Çështja e provimit të jurisprudencës në gjuhën shqipe po përcillet me bujë të madhe periudhën e fundit pasi 385 studentë shqiptarë nga tre fakultete të juridikut (UT, UEJL, UNT) në Maqedoninë e Veriut përmes një peticioni kërkuan nga institucionet që provimi i jurisprudencës të jepet edhe në gjuhën shqipe, në gjuhën në të cilën i kryejnë studimet, pasi siç thonë, u takon me ligj.
Në Ligjin për Provimin e Jurisprudencës nuk ekziston dispozitë ligjore në të cilin thuhet se ky provim mund të mbahet vetëm në gjuhë maqedonase.
Ministria e Drejtësisë me në krye Igor Fillov vazhdimisht ka insistuar se provimi i jurisprudencës nuk mund të mbahet në gjuhën shqipe pavarësisht Ligjit për përdorimin e gjuhëve. Ndërsa inspektimin e Inspektoratit për Përdorimin e Gjuhëve e kanë quajtur si presion.
Në ndërkohë, Inspektorati për Përdorimin e Gjuhëve pas mbikëqyrjes së jashtëzakonshme ia tërhoqi vërejtjen Ministrisë së Drejtësisë në krye me Igor Fillkovin se nuk e kanë mundësuar dhënien e provimit të jurisprudencës në gjuhën shqipe pavarësisht detyrimit ligjor dhe kushtetues.
Ministria e Drejtësisë nuk e ka ndërmend t’i zbatojë rekomandimet, por ka parashtruar ankesë ndaj këtij vendimi.
Edhe Avokati i Popullit përmes lëndës që e hapi për këtë çështje, doli me propozim konkret për Qeverinë ku i kërkon që përmes ministrisë së Drejtësisë, të fillojë procedurë për ndryshimin tre ligjeve: Jurisprudencës, Noterinë dhe Përmbarimin, që të njëjtat të harmonizohen me Ligjin për përdorimin e gjuhëve, që ky provim të jepet edhe në shqip.
Tre fitore të skuadrave vendase një barazim dhe dy fitore të ekipeve mysafire me gjithsejt 25 gola të shënuar është epilogu i javës së 25-të të kampionatit në Ligën e parë të futbollit vendor. Në këtë xhiro ndodhën edhe dy beasi të mëdha. Shkëndija u mposht në Tetovë nga Pelisteri kurse Struga Trim Lum në Strugë nga Rabotniçki.
Pelisteri ndali serinë pozitive të fitoreve të Shkëndisë në sezonin pranveror duke u bërë një shërbim të madh rivalëve të “përbetuar” Vardarit.
Për Shkëndinë kjo humbje mbase erdhi në momentin më të duhur duke ndezur “alarmin” që në 8 xhirot e fundit cdo ndeshje të jetë – ndeshje finale.
“Kuqezinjtë” thonë se disfata nga Pelisteri gjithsesi se do të ndikojë në motivimin e ekipit në ndeshjet e radhës
‘’Unë besoj që Shkëndija ka treguar shumë herë se dinë të kthehet edhe pas rezultateve negative ose pas ndonjë humbje . Ne do mundohemi të rikthehemi në maksimumin e mundshëm tonin që të fitojmë ndeshjen e ardhshme dhe të luftojmë deri në fund të kampionatit’’ deklaroi trajneri Jeton Beqiri
Rabotniçki është shndërruar në hitin e sezonit pranveror. “Romantikët” hap pas hapi po largohen nga zona e rrezikut. Të dielën në Strugë mposhtën Struga Trim Lum duke bërë një hap të madh në “betejën” për ekzistencë në Ligën e Parë.
Në tetë xhirot e fundit, Vardari dhe Shkëndija mbeten dy konkurrentët kryesor për titullin kampion, kurse Struga Trim Lum me 53 pikë pothuajse ka të siguruar daljen në Evropë.
Tetë xhirot e fundit do të sjellin edhe ndeshje “për jetë a vdekje” për skuadrat në fundin e tabelës.
Derisa Shkupi tashmë ka rënë në kategorinë e dytë, për Arsimin, Pelisterin, Rabotniçkin dhe Makedonija Gjorçe Petrovin cdo ndeshje do të jetë me rëndësi të vecantë dhe cdo pikë e fituar do të ketë vlerë të madhe.
Shaban Sinani – TV Koha
FUNDI I NJË EPOKE – KFF LUBOTENI TËRHIQET NGA LIGA!
KARNAVALET ILIRE MES TRADITËS DHE MUNGESËS SË MBËSHTETJES INSTITUCIONALE!
“Ligji në letër, diskriminim në praktikë”/ Nis protesta për provimin në gjuhën shqipe në Maqedoninë e Veriut, studentët “pushtojnë” Shkupin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota2 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”