Lajme nga vendi

FUTBOLLI I MAQEDONISË NË UDHËKRYQ

Published

1 year ago

May 5, 2025

Pas largimit nga garat në ligën e parë të futbollit të ekipit Voska Sport, nga shtuna një hapë të tillë morri edhe klubi futbollit Gostivar. Tani në tre xhirot e futit kur vendoset për titullin kampion dhe për ekipet që luftojnë mbijetesën liga ka mbetur vetëm me 10 ekipe. Çka po ndodhë me futbollin në Maqedoni ?

Sezoni 2024/2025 në Ligën e Parë të futbollit vendor vetë tre xhiro para përfundimit të kampionatit ka mbetur me 10 ekipe pasi shkaku i dënimeve drastike të shqiptuara nga ana e komisionit disiplinor në kuadër të FFM-s, mga garat e mëtutjeshme janë larguar së pari klubi i futbollit Voska Sport dhe para xhiros së 30-të edhe klubi i futbollit Gostivari me arsyetim të padrejtësive të shumta nga organet e FFM-së . Pra kjo situatë aktuale është rrjedhojë e nderimeve në Federatën e futbollit por edhe përzierja e shumë faktorëve terël pas mos i amnistuar edhe klubet Njohësi i mirë i rrethanave të futbollit vendor ish arbitri Nexhat Kasa thotë se në mesin e arsyeve mund të jetë edhe përzierja e politikës në sport.

‘’Së pari njëherë sporti nuk duhet të përzihet me politikë, këto duket janë përzier gjërat prandaj ky kampionat por ka pasur edhe kampionate të tjera të cilat nuk mbarojnë në mënyrë të rregullt . E para njëherë të largohen dy ekipe janë arsyet e tyre por në anën tjetër janë edhe arsyet e Federatës të futbollit. Tani a thua do të jetë i rregullt ky kampionat ? Sipas meje nuk do të jetë i rregullt por ka pasur edhe kampionate tjera të cilat nuk kanë qenë t5ë rregullt por ekipet, veçanërisht ekipet shqiptare kanë qëndruar deri në fund. Tani së pari njëherë sa i përket Gostivarit këtu e kemi më afër, në fillim të kampionatit ato pretendonin se do të jenë kampion në Republikën e Maqedonisë , por me vazhdimin e kampionatit ata e panë se nuk kanë shanse të jenë në ato tre skuadra të para që do të dalin në Evropë. Kështu që ai entuziazëm i parë ka rënë. Do të thotë se euforia te ata u shujtë dhe pastaj fillojnë zënkat ndërmjet, fillojnë edhe probleme tjera të brendshme dhe ato paraqiten edhe në lojë.. Mos flasim edhe për ndërrimin e kryesisë ku në ato katër vite kur kryetar ishte shqiptar ishte situatë shumë më e relaksuar se sa që është momentalisht tani. Tani bëhen edhe padrejtësi të llojllojshme të cilat lojtarët në fushë nuk i dinë por pas shpine të tyre punohen shumë gjëra të tjera si në udhëheqësit të klubeve ashtu edhe në referimin dhe në çdo gjë që është në lidhje me futbollin’ deklaroi ish referi Nexhat Kasa

Por çka realisht ndodhë me futbollin në Maqedoninë e Veriut vetëm tre xhiro para përfundimit të sezonit 2024/2025

‘’Për fat të keq futbolli në Maqedoni është në dekadencë, shkon mbrapshtë. Për shembull si një pjesëmarrëse në Kupën e Evropës që ishte shumë lartë d.m.th, tash është në rënie .Ajo lakorja në vend që të ngritët gjithmonë kualiteti sa më lartë e më lartë tani në Maqedoni është duke rënë. Njëherit ajo gjeneratë e tyre veç më janë edhe në moshë, e dyta thash se është atmosfera brenda shtetit edhe brenda FFM-së. Kështu që faktikisht për fat të keq nuk ka ndonjë perspektivë të shndritshme futbolli i Maqedonisë’’. tha Nexhat Kasa

Pa dyshim se problemet në futbollin vendor janë evidente normalisht se fajtorë janë faktorë të shumtë lindë dilema se ku qëndron problemi

‘’Futbolli është një sport shumë i shtrenjtë deh dihet se në Maqedoni nuk është si në Perëndim ku klubet prej sponsorëve të ndryshëm të firmave të mëdha dhe prej shitjes së biletave mbijetojnë dhe pasurohen , këtu faktikisht në qoftëse nuk ekziston një sponsor ta financojë një klub ai do të shuhet’’ tha Nexhat Kasa.

Pra në futbollin e Maqedonisë ka probleme të shumta padyshim se fajtorë në radhë të parë janë drejtuesit e disa klubeve që nuk kanë mund të arrijnë pretendimet e tyre por dhe organet e FFM-s të cilat kanë sjell disa vendime të shpejtuar për të treguar autoritetin e tyre. A thua këto probleme të lartë përmendur do të jenë të fundit në këtë kampionat gjithsesi se kjo do të shihet edhe në finalen e Kupës ku më 21 maj në arenën ‘Todor Proeski’ në Shkup ku do të përballen Vardari – Struga Trim Lum..

Lajme nga vendi

ZGJEDHJET NË SERBI – REAGIME NGA MAQEDONIA E VERIUT!

Published

14 hours ago

October 26, 2026

TetovaExpres

Presidentja e Maqedonisë së Veriut, Gordana Siljanovska-Davkova, ka uruar Listën Studentore për fitoren në zgjedhjet e parakohshme parlamentare në Serbi.
“Urime për rezultatin e zgjedhjeve në Serbi! Qytetarët serbë treguan pjekuri demokratike përmes transferimit paqësor të pushtetit politik”, shkroi Siljanovska-Davkova në platformën X.

Ministri i Punëve të Jashtme dhe Tregtisë së Jashtme, Timço Mucunski, uroi qytetarët e Serbisë fqinje për zgjedhjet e zhvilluara parlamentare, ndërsa Listës Studentore i dëshiroi sukses për rezultatin e arritur.

Në një postim në platformën “X”, Mucunski theksoi se Maqedonia e Veriut mbetet e përkushtuar për thellimin e mëtejshëm të miqësisë dhe marrëdhënieve të fqinjësisë së mirë me Serbinë.

VLEN përmes një komunikate ka uruar Koalicionin Shqiptar për rezultatin e arritur teksa ka përshëndetur edhe ndryshimin politik në Serbi.

Presim që qeveria e re të formohet sa më shpejt, të respektojë të drejtat e shqiptarëve të Luginës dhe t’i japë fund diskriminimit sistematik, përfshirë pasivizimin e adresave. Shpresojmë që qeveria e re e Serbisë të gjejë forcën dhe vullnetin politik për dialog e bashkëpunim me Republikën e Kosovës. Një dialog mes të barabartëve, që duhet të kulmojë me njohjen reciproke mes dy shteteve të pavarura.

Përmes rrjeteve sociale rezultati I zgjedhjeve është komentuar edhe nga liderë partiak dhe parti politike.

Urime qytetarëve të Serbisë për fitoren e madhe historike! – shkroi kreu i LSDM-së, Venko Filipçe.

“Ashtu siç paralajmëruam, në vijim vjen çlirimi nga strukturat kriminale të pushtetit. Ra Orbani. Ra Vuçiqi. Të gjithë e dimë se kush është i radhës. Pres që Serbia dhe Maqedonia e Veriut të ndërtojnë marrëdhëniet më të mira të mundshme, të bazuara në respektin e ndërsjellë dhe bashkëpunimin. Qytetarëve të Maqedonisë së Veriut u them se na pret një betejë aspak e lehtë, sepse po luftojmë kundër pjesës së mbetur të kësaj grupi kriminal ballkanik” – shkruan Filipçe.

Por, nga ana tjetër, krahu i LSDM-së që kërkon dorëheqje të Filipçes, pas zgjedhjeve në Serbi, ka bërë thirrje për bashkimin e opozitës.

Nuk kanë munguar postimet nëpër rrjetet sociale edhe nga eksponent të BDI-së.

“Fillimisht Orbani, tani Vuçiqi. Kremlini ka humbur papritur dy nga aleatët e tij kryesorë në Evropë… P.S Vuçiqi paska fituar në Maqedoninë e Veriut” – ka shkruar Bujar Osmani në Facebook./Tv Koha/

Lajme nga vendi

NGA E ENJTJA LETËRNJOFTIMI DHE PATENT SHOFERI EDHE NË CELULAR!

Published

14 hours ago

October 26, 2026

TetovaExpres

Nga e enjtja, qytetarët do të mund t’i përdorin letërnjoftimet dhe patentë shoferët përmes telefonit mobil, me fillimin e zbatimit zyrtar të portofolit elektronik. Aplikacioni do të promovohet të mërkurën, më 28 tetor.

Ministri i Transformimit Digjital, Stefan Andonovski, sqaroi se aplikacioni është i sigurt dhe u mundëson përdoruesve të zgjedhin vetë se cilat të dhëna personale dëshirojnë të ndajnë.

Gjatë identifikimit në bankë, bar apo në ndonjë lokal tjetër, qytetarët nuk do të kenë nevojë t’i zbulojnë të gjitha të dhënat që përmbajnë dokumentet e tyre.

Në vend të kësaj, ata do të mund të ndajnë vetëm informacione të caktuara përmes një kodi QR për përdorim të vetëm.

Kodi mund të skanohet, ndërsa të dhënat do të jenë të qasshme vetëm me lejen e përdoruesit. Pas 10 deri në 15 sekondash, kodi skadon dhe nuk mund të përdoret përsëri.

Andonovski theksoi se kjo është faza e parë drejt krijimit të një portofoli digjital evropian, i cili synon të mundësojë digjitalizimin e plotë të dokumenteve.

Ai shpreson se me zhvillimin e mëtejshëm të aplikacionit do të shtohen shërbime, mundësi dhe dokumente të reja për qytetarët.

Ministri i bëri këto deklarata para fillimit të panel-diskutimit me temë „Parakushtet dhe sfidat për digjitalizimin e përshpejtuar të sektorit privat“.

Lajme nga vendi

Kronika e zezë – Tetovë dhe Gostivar, 22 Tetor

Published

4 days ago

October 23, 2026

TetovaExpres

Dje, zyrtarë policorë nga Sektori për Polici Kriminalistike pranë SPB Tetovë dhe nga ekipi mobil “Task Force”, në koordinim me përfaqësues të Inspektoratit Shtetëror të Tregut dhe Drejtorisë së të Ardhurave Publike, kanë realizuar kontroll aksional në një objekt hotelerie në Qendrën Tregtare të Qytetit në Tetovë.
Me këtë rast, para objektit është zënë një 48-vjeçar nga Tetova dhe gjatë kontrollit tek ai është gjetur një substancë e bardhë pluhur, pas çka është privuar nga liria.
Ndërsa, brenda në objekt, te pronari 54-vjeçar nga fshati Trebosh janë gjetur 15 paketime me substancë të bardhë pluhur, pas çka edhe ai është privuar nga liria.
Të dy janë ndaluar në stacionin policor dhe pas dokumentimit të plotë të rasteve, ndaj tyre do të vijojë parashtresë përkatëse.
…….
Dje në orën 12:00 në Stacionin Policor Gostivar, nga Ndihma e Shpejtë Mjekësore Gostivar është denoncuar se te ata është sjellë një 15-vjeçar nga Gostivari pa shenja jete. Sipas denoncimit, në shtëpinë e tij në Gostivar ai kishte rrëshqitur dhe ka rënë shkallëve, ndërsa pasi është pranuar në spital, pas reanimimit të kryer ka shfaqur shenja jete dhe me automjet të Ndihmës së Shpejtë Mjekësore Gostivar është transferuar në Kompleksin e Klinikave “Nënë Tereza” në Shkup, ku i janë konstatuar lëndime të rënda trupore. Është njoftuar prokurori publik, është kryer këqyrje në vendngjarje dhe po merren masa për zbardhjen e ngjarjes.
…….
Dje në orën 19:10 në Stacionin Policor Tetovë, një 38-vjeçar nga Tetova ka denoncuar se rreth orës 18:30 në rrugën “Todor Cipovski Merxhan”, djali i saj 11-vjeçar është sulmuar fizikisht nga një i mitur tjetër. Po merren masa për zbardhjen e rastit.
……
Dje në orën 22:30 në Hanet e Mavrovës, zyrtarë policorë nga Stacioni Policor Mavrovë kanë privuar nga liria një 22-vjeçar nga Shkupi. Gjatë një kontrolli në trafik është ndaluar automjeti i udhëtarëve “Volksëagen Golf” me targa të Shkupit, të cilin e drejtonte ai, me ç’rast është konstatuar se e drejtonte pa pasur leje drejtimi. Automjeti është konfiskuar dhe pas dokumentimit të plotë të rastit do të vijojë parashtresë përkatëse.
……..
Dje në orën 20:00 në Stacionin Policor Gostivar, një 71-vjeçar nga Gostivari ka denoncuar se rreth orës 18:30 te Stacioni i Autobusëve në Gostivar, derisa po kryente detyrat e punës si taksist, është sulmuar fizikisht nga një person. Po merren masa për zbardhjen e rastit.
…….
Dje në orën 13:25, zyrtarë policorë nga Stacioni Policor Gostivar kanë privuar nga liria një 29-vjeçar nga Gostivari, i cili ditën e mëparshme është denoncuar nga nëna e tij 53-vjeçare se në disa raste e ka kërcënuar. Pas dokumentimit të plotë të rastit, ndaj tij do të parashtrohet kallëzim përkatës.
……
Pas mesnate në orën 02:00 në SPB Tetovë është denoncuar se ka shpërthyer zjarr në një arë në fshatin Sellarcë e Epërme. Zyrtarë policorë nga Stacioni Policor Zherovjan kanë dalë në vendngjarje dhe kanë konstatuar se është djegur kashtë, e cila ishte grumbulluar në disa pirgje. Ekipi i Njësisë Territoriale Kundër Zjarrit e ka shuajtur zjarrin, ndërsa persona të lënduar nuk ka. Këqyrja e vendngjarjes është kryer nga ekipi i SPB Tetovë.